Kurdî  ■  كوردی  ■  عربي
SUN, 21 JAN 2018 09:33 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئەگەر دەستکاری پاشەکەوت لە قازانجی کەمداهات نەبێت، دەست لێ مەدەن باشترە
| KDP.info


عەبدولسەلام بەرواری

چاوەروان دەکرێت بەم زووانە ئەنجوومەنی وەزیرانی هەرێمی کوردستان تاوتووی پێشنیازێک بکات بۆ دەستکاریی سیستەمی پاشەکەوت. بەهێزترین پێشنیاز کە تا ئێستا میدیاکانی ناوخۆ باسی لێ دەکەن، پێشنیازێکە بۆ کەمکردنەوەی پاشەکەوت بە رێژەی (١٠) لە سەد.
من لێرەدا تکا دەکەم لە بەرێز جەنابی سەرۆکی ئەنجوومەنی حکوومەتی هەرێمی کوردستان و خەمخۆرانی ئەم کیانە، پەلە نەکەن و گەورەیی ئەوە بنوێنن و بیر لەم پێشنیازەی منیش بکەنەوە، هەروەها داوا لە خەڵکانی تریش بکرێت بۆچوون و پیشنیازەکانیان پێشکەش بکەن، بە مەبەستی گەیشتن بە پێشنیازێک کە لە پلەی یەکەمدا لە قازانجی فەرمانبەرانی کەمداهات بێت.
مەبەستم لە فەرمانبەری کەمداهات بە پلەی یەکەم ئەوانەن کە مووچەکەیان کەمترە لە (٥٠٠) هەزار دینار، کە ژمارەیان (٥٨) هەزار و (٤٣٥) فەرمانبەرە. کۆی بڕی پاشەکەوتی ئەم گرووپە، دەکاتە نزیکەی (٥) پێنج ملیۆن و (٣٥٠) هەزار دۆلار.
ئەگەر بەپێی ئەو پێشنیازە بێ، بڕی زیادەی مووچەی هەر فەرمانبەریکی ئەم گرووپە نێوان (١٨) هەزار و (٤٥) هەزار دینار دەبێت، کە دیارە هیچ یارمەتییەکی ئومێدبەخش یان کەریگەرییەکی بەرچاوی نییە لە خۆشکردنی باری ژیانیان. ئەگەریش بەم پێشنیازەی خوارەش بکرێت، جیاوازیی مووچە لە نێوان (٢٦) هەزار تا (١٣٥) هەزار دینار دەبێت.
هەمان دەرئەنجام راستە سەبارەت بەوانەی مووچەکەیان لە نێوان (٥٠٠) هەزار و یەک ملیۆن دینارە، کە زیادەی مووچەکەیان بەگوێرەی ئەم پێشنیازە، لە نێوان (١٧) هەزار و (٢٢) هەزار دیناردا دەبێت، کە ئەوانەش سوودێکی ئەوتۆ لەم دەستکارییەیان پێ ناگات. بەڵام بەپێی پێشنیازەکەم، سوودی فەرمانبەرانی ئەم گرووپە لە نێوان (١٦٥) تا (٢٨٥) هەزار دینار دەبێت، کە گۆڕانکارییەکی بەرچاوی داهاتی مانگانەیانە.
بە هەمان شێوە، گرووپەکانی دیکەی مووچەش سوودێکی بەرچاو لەو دەستکارییەی سیستەمی پاشەکەوت نابینن، لە کاتێکدایە هەموو فەرمانبەران و مووچەخۆران لە چاوەڕوانی ئەوەدان حکوومەتی هەرێم گۆڕانکارییەک لە سیستەمی پاشەکەوتدا بکات بە شێوەیەک باری گوزەران و ژیانی رۆژانەیان سووکتر بکات.
بۆیە من لیرە ئەم پیشنیازانەی خوارەوە پیشکەش بە ئەنجوومەنی وەزیرانی حکوومەتی هەرێمی کوردستان دەکەم:
١- لە قۆناغی یەکەمدا (خۆزگە لە مانگی داهاتوودا بێت)، هەموو ئەوانەی مووچەکەیان کەمترە لە (٥٠١) هەزار دینار ببەخشرێن لە بڕینی پاشەکەوت و مووچەکەیان وەک خۆی سەرف بکرێت (ئەمەش باری حکوومەت تەنها بە نزیکەی پێنج ملیۆن دۆلار گرانتر دەکات، کە لە توانادایە بە تایبەتی کە دەبینین نرخی نەوت زیادی کردووە).
٢- لە قۆناغی دووەمدا و پاش باشبوونی باری دارایی حکوومەت، رێژەی پاشەکەوت بۆ ئەو گرووپەی مووچەکەیان لە (٥٠٠) هەزار دینار زیاترە و تا دەگاتە (١) یەک ملیۆن دینار، رێژەی پاشەکەوت کەم بکرێت و لە جیاتی نێوان (٣٥٪ - ٥٥٪) بێت، بکریتە رێژەیەکی کەمتر (نێوان ٥٪ -٢٥٪). بەمەش جیاوازیی پاشەکەوت نزیکەی (٤٠) چل ملیۆن دۆلارە، کە ئەمەش کارێکی زۆر سەخت نییە بە رەچاوکردنی گۆرانکارییەکانی بەسەر داهاتی هەرێمدا هاتووە.
٣- دەکرێت لەگەڵ باشبوونی باری داراییی حکوومەت، بەردەوامی بەم سیستەمە بدرێت تا دەگاتە پلە بەرزەکان، بە مەرجێک بەرزترین رێژەی پاشەکەوت زیاتر نەبێت لە (٥٠٪)ی مووچە.
هەرێمی کوردستان رۆژانە نزیکەی (٦٠٠) هەزار بەرمیل نەوت دەفرۆشیت، ئەگەر نرخی هەر بەرمیلێک (٤٥) دۆلار بێت، داهاتی یەک رۆژ دەکاتە (٢٧) ملیۆن دۆلار، واتە داهاتی دوو رۆژ بەسە بۆ جێبەجێکردنی هەردوو خاڵی (١) و (٢)ی پێشنیازەکەم.
ئەگەر ڕێکخستنەوە بەم پیشنیازەی من بێت، زیاتر لە (٢٨٠) هەزار فەرمانبەری کەمداهات، واتە نیوەی فەرمانبەرانی حکوومەتی هەرێم، واتە نزیکەی یەک ملیۆن تاکی هەرێم سوودمەند دەبن و، گۆڕانکاریی بەرچاو دەکەوێتە داهات و باری ژیانیان.
 




دوایین هەواڵەکان

سامی ئەتروشی: دیاره‌ كه‌ تاران دەیەوێ کێشەکانی نێوان بەغدا و ھەولێر چارە بکرێن

SATURDAY, 20 JANUARY 2018 21:01:46

هه‌ولێر-KDP.info-  پەرلەمانتارێکی پێشووی یەکگرتووی ئیسلامیی کوردستان لە پەرلەمانی عێراق، پێی وایە، لە ئێستا و پاشه‌ڕۆژیشدا پارتی و یەکێتی دوو ھێزی سەرەکی و گرینگن لە پڕۆسەی سیاسیی ھەرێمی کوردستان و دەشڵێ، سەردانی شاندی باڵای حکوومەتی ھەرێم بۆ ئێران، واتای ئه‌وه‌یه‌ كه‌ تاران دەیەوێ کێشەکانی نێوان بەغدا و ھەولێر چارە بکرێن.

 
نێچیرڤان بارزانی گەیشتە تاران

SATURDAY, 20 JANUARY 2018 18:01:53

هەولێر-KDP.info-  سەرۆکوەزیرانی کوردستان نێچیرڤان بارزانی کەمێک پێش ئێستا گەیشتە تاران.

"عەرەبە هاوردەکانی سەرگەڕان ستەم لە کورد دەکەن"

SATURDAY, 20 JANUARY 2018 18:01:22

سەرگەران-KDP.info- بەڕێوەبەری ناحیەی سەرگەڕان ئاشکرای کرد، پیلانی بەعەرەبکردنی سنووری ناحیەی سەرگەڕان بەردەوامە و عەرەبە هاودرەکان ببنە حەشد و ستەم لە کورد بکەن.

 

"پەکەکە لە مەرزی سیپەی هەڵەبجە سەرانە لە خەڵکی وەردەگرێت"

SATURDAY, 20 JANUARY 2018 16:01:27

هەولێر-KDP.info- ماوه‌ی سێ ڕۆژه‌ په‌كه‌كه‌ هێزێكی چه‌كداری ناردووه‌ته‌ شاخه‌كانی هەو‌رامان له‌ نزیك مه‌رزی لاوه‌كیی سیپه‌ له‌ گوندی ده‌ره‌یمه‌ڕی سه‌ر به‌ پارێزگای هه‌ڵه‌بجه‌، بازگه‌ی له‌ هانه‌نه‌وه‌ داناوه،‌ ئەو شوێنه‌ كۆتاییی ئه‌و ڕێیه‌یه،‌ کە وڵاغداره‌كانی هه‌ورامان له‌وێ باره‌كانیان داده‌گرن و كۆڵبه‌رانی ڕۆژهه‌ڵاتی كوردستان به ‌كۆڵ ده‌یگوازنه‌وه‌ بۆ سنووری ئێران، به‌ڵام به‌ هاتنی ئه‌و هێزه‌ی په‌كه‌كه‌ سه‌رانه‌یان له‌سه‌ر وڵاغداران و كۆڵبه‌ره‌كان داناوه‌ و ده‌بێ بۆ باری هه‌ر وڵاغێک بڕی 60 هه‌زار تمه‌ن و كۆڵبه‌ره‌کانیش ٣٠ هه‌زار تمه‌ن سه‌رانه‌ به‌ په‌كه‌كه‌ بدەن.

نێچیرڤان بارزانی و حه‌یده‌ر عه‌بادی پابه‌ندبوون به‌ ده‌ستوور، دووپات ده‌كه‌نه‌وه‌

SATURDAY, 20 JANUARY 2018 15:01:01

بەغدا-KDP.info-  نێچیرڤان بارزانی سەرۆکوەزیرانی هەرێمی کوردستان لە بەغدا لەگەڵ حەیدەر عەبادی سەرۆکوەزیرانی عێراق کۆ بووەوە و، به‌رده‌وامیی ئه‌و كۆبوونه‌وه‌ و دیدارانه‌یان به‌ مه‌به‌ستی هه‌رچی زوو ته‌واوكردنی ڕێكاره‌كانی ناردنی مووچه‌ی مووچه‌خۆرانی هه‌رێمی كوردستان و كردنه‌وه‌ی فڕگه‌كان‌، دووپات كرده‌وه‌‌.

 


 
© 2017 Kurdistan Democratic Party, KDP