Kurdî  ■  كوردی  ■  عربي
THU, 18 JUL 2019 02:09 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئەكادیمیاى كوردى پرۆژەى ئینسكڵۆپیدیاى كوردستان و كتێبخانەیەكى ئەلیكترۆنیى ملیۆنى جێبەجێ دەكا
| AK News


سەرۆكى ئەكادیمیاى كوردى ئاشكراى كرد ئەكادیمیا حاڵى حازر كار لەسەر پرۆژەى زانیارینامە (ئینسكڵۆپیدیا)ى كوردستان دەكا كە چەند ساڵێك دەخایەنێ، هاوكات لەگەڵ پارێزگاى هەولێریش سەرقاڵى دروستكردنى كتێبخانەیەكى ئەلیكترۆنین، كە یەك ملیۆن كتێب لەخۆ دەگرێ.

نوورى تاڵەبانى ئەمڕۆ دووشەم بە ئاژانسی كوردستان بۆ دەنگوباس (ئاكانیوز)ى راگەیاند لەو پرۆژانەى ئەكادیمیا لە بوارى خزمەتكردن بە مێژووى كورد و كوردستان كارى لەسەر دەكا، پرۆژەى زانیارینامەى كوردستانە، كە هەموو زانیارییەكى تایبەت بە كوردستان لەخۆ دەگرێ و دەیان پسپۆڕ لە كوردستان و توركیا و ئێران و ئێران و رووسیا و كەنەدا و وڵاتانى تر بەشدارى تێدا دەكەن.

هەروەها گوتى زانیارینامەكە هەموو زانیارییەكى پێوەست بە كورد لەخۆ دەگرێ، لە زمان، ئەدەب، هونەر، مێژوو، جوگرافیا، ئابوورى، سیاسیەت و ..هتد و بابەتەكانیش لەلایەن پسپۆڕانەوە تایبەت بۆ ئەو پرۆژەیە ئامادە دەكرێن و دواى پەسەندكردنیان لەلایەن لێژنەیەكى ئەكادیمییەوە، دەخرێنە ئەو ئینسكڵۆپیدیایە.

ئەوەیشى گوت كاركردن لە ئینسكڵۆپیدیاكەدا، كە چاوەڕوان دەكرێ 10 بەرگ بێ و لە 5 هەزار لاپەڕە پێك بێ، ماوەى ساڵێك دەبێ دەستى پێكردووە و 4 تا 5 ساڵ دەخایەنێ.

سەرۆكى ئەكادیمیاى كوردى كە بارەگاكەى لە شارى هەولێرە ئاماژەى بەوە دا، پرۆژەى دروستكردنى كتێبخانەیەكى ئەلیكترۆنیشیان لەبەردەستە كە ئێستە لە وارى جێبەجێكردندایە و پارێزگەى هەولێر بەسەرپەرشتیى ئەكادیمیا دروستى دەكا، تا وەك سەرچاوەیەك لەبەردەم خوێنەر و توێژەرانى كوردستان و بیانى بەگشتى و توێژەرانى ئەكادیمیا بەتایبەتى بێ.

زیاتر گوتى پرۆژەكە بودجەى پێویستى بۆ تەرخان كراوە و لە ماوەیەكى كورتدا تەواو دەبێ.

بەگوتەى تاڵەبانى، ئەكادیمیا چەند پرۆژەیەكى تریشە لەپلاندایە، لەوانە پرۆژەی دانانی دەستووری زمانی كوردی، هەروەها پرۆژەی بە كوردی كردنەوەی ناوە جوگرافییەكانی كوردستانی توركیا.

ئەكادیمیاى كوردى درێژەپێدراوى (كۆڕى زانیارى كورد)ە، كە لەساڵى 1970 لە بەغدا دامەزرا. بەپێى قانوونى ژمارە ( 12 )ى ساڵى 1997، ئەو دەزگا زانستییە لە هەرێمى كوردستان بەناوى (كۆڕى زانیارى كوردستان) دامەزرایەوە. لەساڵى 2007 ئەو قانوونە جارێكى تر هەموار كرایەوە و ناوەكەى بوو بە (ئەكادیمیاى كوردى).

ئەكادیمیا كار بۆ پاراستن و بووژاندنەوە و پێشخستنی زمانی كوردی و زەوینەخۆشكردن بۆ یەكدەنگى لەسەر زمانی حوكمڕانی (فەرمی) لە كوردستانی عێراقدا دەكا و چارەسەرى كێشەكانى زمانى كورد لە خوێندن و پەروەدەدا.




دوایین هەواڵەکان

سه‌رۆكی هه‌رێمی كوردستان له‌گه‌ڵ باڵیۆزى ئه‌مه‌ریكا كۆده‌بێته‌وه‌

WEDNESDAY, 17 JULY 2019 22:07:13

هەولێر-KDP.info- له‌ كۆبوونه‌وه‌یه‌كی به‌ڕێز نێچیرڤان بارزانی سه‌رۆكی هه‌رێمی كوردستاندا له‌گه‌ڵ به‌ڕێز ماتیۆ توله‌ر باڵیۆزی ئه‌مه‌ریكا له‌ عێراق و شاندی یاوه‌ری، به‌ڕێز توله‌ر پیرۆزبایی دامه‌زراندنی كابینه‌ی نوێی حكوومه‌تی هه‌رێمی كوردستانی له‌ به‌ڕێز سه‌رۆكی هه‌رێم كرد.

ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌

WEDNESDAY, 17 JULY 2019 18:07:30

هەولێر-KDP.info-  به‌ توندی ئه‌و تاوانکارییه‌ ترسنۆکه‌ سه‌رکۆنه‌ ده‌که‌ین که‌ نیوه‌ڕۆی ئه‌مڕۆ له‌ هه‌ولێر کارمه‌ندێکی کونسولخانه‌ی تورکیا و هاووڵاتییه‌کی هه‌رێمی کوردستانی کردۆته‌ ئامانج و له‌ ئه‌نجامدا هه‌ردووکیان گیانیان له‌ده‌ست داوه و هاووڵاتییه‌کی دیکه‌ش بریندار بووه‌.

راگەیەندراوێک لە حکوومەتى هەرێمى کوردستانەوە

WEDNESDAY, 17 JULY 2019 18:07:48

هەولێر-KDP.info-  حكوومه‌تی هه‌رێمی كوردستان له‌ راگه‌یه‌ندراوێكدا ئیدانه‌ی رووداوی ته‌قه‌كردنه‌كه‌ی هه‌ولێری كرد، كه‌ له‌ ئه‌نجامیدا كارمه‌ندێكی كونسوڵخانه‌ی توركیا گیانی له‌ده‌ستدا و رایگه‌یاند، هەموو لایەک دڵنیا دەکەینەوە کە لایەنە پەیوەندارەکانى هەرێمى کوردستان خەریکى لێکۆڵینە و بەدواداچوونى جددین بۆ دۆزینەوەى ئەنجامدەران و بەسزاگەیاندنى یاسایییان.

په‌یامێك له‌سه‌رۆكایه‌تی په‌رله‌مانی كوردستانه‌وه‌

WEDNESDAY, 17 JULY 2019 18:07:00

هەولێر-KDP.info-  بە توندی ئیدانەی کوژرانی دیبلۆماتکارێكی تورکیا دەکەین، کە لە ئەنجامی رووداوێکی تەقەکردن لە ریستوڕانتێکی هەولێر کوژران، به‌م بۆنه‌یه‌وه‌ پرسه‌و سه‌ره‌خۆشی خۆمان ئاڕاسته‌ی كونسولخانه‌ی توركیا و حكوومه‌تی توركیا ده‌كه‌ین و داواکارین لە دامەزراوە ئەمنییەکان بە پەلە تاوانکاران دەستگیربکەن و بە سزای یاساییان بگەێنن.

ئاسایشی هه‌ولێر راگه‌یه‌ندراوێكی بڵاوكرده‌وه‌

WEDNESDAY, 17 JULY 2019 16:07:39

هه‌ولێر-KDP.info-  ئاسایشی هه‌ولێر له‌ باره‌ی رووداوی ته‌قه‌كردن له‌ چێشتخانه‌یه‌كی هه‌ولێر راگه‌یه‌ندراوێكی بڵاوكرده‌وه‌.

 



 
© 2018 Kurdistan Democratic Party, KDP