ھەولێر-KDP.info- حکوومەتی ھەرێمی کوردستان لەبارەی ھێرشی تیرۆریستی بۆ سەر کێڵگەی غازی کۆرمۆر بەیاننامەیەکی بڵاوکردەوە و ئیدانەی ئەو کارە تیرۆرستیە دەکات.
دەقی بەیاننامەکەی وتەبێژی حکوومەتی ھەرێمی کوردستان.
لە ماوەی ڕابردوو ھەوڵی باش دراوە بۆ باشترکردنی کەرتی وزە و ژێرخانی ئابووری لە عێراق و بە تایبەتی لە ھەرێمی کوردستان، و لە کاتێکدا کە ھەنگاوەکان بۆ چارەسەرکردنی کێشەکان خێرا دەکرێن، دەستی خراپەکاری و تێکدەرانە جارێکی دیکە لە کردەوەیەکی تیرۆریستیدا کێڵگەی غازی کۆرمۆرییان کردە ئامانج کە بەداخەوە تا ئێستا چوار کارمەندی یەمەنی شەھیدبوون، جگە لەوەش زیانێکی زۆر بەر کێڵگەکە کەوتووە و کە ئەم زیانەش کاریگەری دەبێت لەسەر کەمبوونەوەی کارەبا بە شێوەیەکی بەرچاو.
ئەم ھێرشە دووبارانە پێویستە ڕابگیرێن و داوای ھەماھەنگی و ھاوکاری بەپەلە دەکەین لە دەزگا پەیوەندیدارەکانی حکوومەتی فیدڕاڵ بۆ ئەوەی ئەنجامدەرانی ئەم کارە تیرۆریستییە بدۆزرێنەوە و ڕادەستی یاسا بکرێن و ڕێگری یەکجاری بکرێت لە دووبارەبوونەوەی ئەم کارانە.
داواکارین لە خودای گەورە کە جێگای شەھیدان بەھەشت بێت و بریندارەکانیش شیفایان بۆ بێت.
پێشەوا ھەورامانی
وتەبێژی حکوومەتی ھەرێمی کوردستان