Kurdî  ■  كوردی  ■  عربي
WED, 20 NOV 2019 22:28 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

تاڵەبانی: ھەڵوەشاندنەوەی ئەنجومەنی پارێزگا، دانانی پارێزگاری كورد بۆ كەركووك پەك دەخات
| KDP.info


كەركووك-KDP.info- ھەڵوەشاندنەوەی ئەنجومەنی پارێزگاكانی عێراق، ئەگەر بۆ پارێزگاكانی ناوەڕاست و باشووری عێراق جارێك زیانی ھەبێت، ئەوا بۆ كەركووك لە چەندین رووەوە زیانی ھەیە، سەرۆكی ئەنجومەنی پارێزگای كەركووكیش دەڵێ، ھەڵوەشاندنەوەی ئەنجومەنی پارێزگای كەركووك، پڕۆسەی دانانی پارێزگارێكی كورد پەك دەخات.

رێبوار تاڵەبانی، سەرۆكی ئەنجومەنی پارێزگای كەركووك، بە ماڵپەڕی فەرمیی پارتی دیموكراتی كوردستانی راگەیاند: "داواكاریی خۆپیشاندەرانی عێراق بوو كە ئەنجومەنی پارێزگاكان و پەرلەمانیش ھەڵبوەشێنەوە و ھەڵبژاردنی پێشوەختە ئەنجام بدرێت، بەڵام بەداخەوە لەبری ئەوەی پەرلەمان چارەسەری كۆی كێشەكانی عێراق بكات، كە پەرلەمان پشكی شێری ئەو گەندەڵیانەی بەردەكەوێت، دەستی بۆ یاسای ژمارە ١٩ی ئەنجومەنی پارێزگاكان برد و ھەمواری كردەوە".

سەرۆكی ئەنجومەنی پارێزگای كەركووك ئاماژەی بۆ ئەوە كرد: "سڕكردن و ھەڵوەشاندنەوەی ئەنجومەنی پارێزگاكانی عێراق، بڕیارێكی ناتەندروستە، بە تایبەتی بۆ پارێزگایەكی وەكو كەركووك، كە بەپێی یاسای ژمارە ٧١ی بریمەر كاردەكات، نابێت كەركووك بگرێتەوە".

تاڵەبانی دەڵێت: "ئەوەی سەددام حوسێن و رژێمەكەی بە ٣٥ ساڵ نەیانكرد، پارێزگاری سەپێندراوی كەركووك بە دوو ساڵ ئەو ھەموو تەعریب و گۆڕانكارییە نادەستووری و نایاساییانەی ئەنجام داوە، ئینجا ئەنجومەنی پارێزگا نەمێنێ لە كەركووك، خوا دەزانێ چی دەكەن".

رێبوار تاڵەبانی گوتیشی: "بێگومان ھەڵوەشاندنەوەی ئەنجومەنی پارێزگای كەركووك، كاریگەری لەسەر دانانی پارێزگاری نوێ بۆ كەركووك دەبێت، هەروەها دەبێتە بەشێك لەو رێگری و ئاستەنگانەی بۆ دانانی پارێزگاری كورد لە كەركووك ھەیە و پڕۆسەكە لەبار دەبات، چونكە دانانی پارێزگار بە ھەڵبژاردن دەبێت لەنێو ئەنجومەنی پارێزگای كەركووك".

 

قائید میرۆ

 

 

 




دوایین هەواڵەکان

پایزی به‌غدا و گه‌ڵاڕێزانی تاران

WEDNESDAY, 20 NOVEMBER 2019 20:11:06

د.محه‌مه‌د خدرمه‌ولود 

 
" نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان "

WEDNESDAY, 20 NOVEMBER 2019 19:11:08

سلێمانی -KDP.info- مامۆستایەکی زانکۆ و پسپۆڕی بواری زانستە سیاسییەکان دەڵێ، سەرۆکی هەرێمی کوردستان ئەمڕۆ دۆزی کوردی بە بڕبڕەی پشتی سەقامگیری و هاوسەنگی لە ڕۆژهەڵاتی ناوەڕاستدا وەسف کرد. هاوکات هاووڵاتییان دەڵێن، نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان.

 

مەسروور بارزانی: ده‌مانه‌وێت پێوه‌ندیی دیپلۆماسیی باشترمان له‌گه‌ڵ جیهان هه‌بێت

WEDNESDAY, 20 NOVEMBER 2019 18:11:34

دهۆک-KDP.info-  مه‌سرور بارزانی، سه‌رۆكی حكوومه‌تی هه‌رێمی كوردستان، له‌ میانی (دیداری ئاشتی و ئاسایشی رۆژهه‌ڵاتی ناوه‌ڕاست)دا، كه‌ زانكۆی ئه‌مه‌ریكی - كوردستان له‌ دهۆك به‌ڕێوه‌ی ده‌بات، له‌ دیبه‌یتێكی تایبه‌تدا، ڕوانگه‌ی خۆیانی له‌مه‌ڕ پرسه‌ گرنگ و هه‌ستیاره‌كانی سه‌ر گۆڕه‌پانی سیاسیی كوردستان و عێراق و ناوچه‌كه‌، كێشه‌ و شه‌ڕ و ئاواره‌بوونی خه‌ڵك و كێشه‌ به‌رده‌وامه‌كانی ناوچه‌كه‌وه‌ خسته‌ڕوو. دواتر وه‌ڵامی چه‌ندین پرسیاری تایبه‌ت به‌ هه‌لومه‌رج و بارودۆخی ناوچه‌كه‌ی دایه‌وه‌، كه‌ له‌لایه‌ن ئاماده‌بووانه‌وه‌ ئاراسته‌ی كران.

 
"لەسەر فەرمانی مەسروور بارزانی ٥٢ برینداری چەکی کیمیایی بۆ چارەسەرکردن ڕەوانەی ئێران دەکرێن"

WEDNESDAY, 20 NOVEMBER 2019 16:11:06

ھەڵەبجە-KDP.info- لەسەر فەرمانی مەسروور بارزانی، سەرۆکوەزیرانی ھەرێمی کوردستان ژمارەیەک برینداری چەکی کیمیایی ڕەوانەی وڵاتی ئێران دەکرێن و سەرۆکی کۆمەڵەی قوربانیانی کیمیابارانی ھەڵەبجەش دەڵێ، ڕۆژانی داھاتوو ئەو بریندارنە دەگواسترێنەوە بۆ ئێران.

 

هە‌ڵه‌بجه‌ییه‌كان داوا ده‌كه‌ن نەیەڵن یاسای هه‌ڵبژاردنه‌كان بەبێ پشکی پارێزگای هەڵەبجە تێپەڕ ببێت

WEDNESDAY, 20 NOVEMBER 2019 15:11:04

هەڵەبجە -KDP.info- به‌ هۆكاری ئه‌وه‌ی دوو پڕۆژه‌ی سه‌رۆكایه‌تیی كۆمار و سه‌رۆكایه‌تیی ئه‌نجومه‌نی وه‌زیرانی عێراق گەیشتوونه‌ته‌ ئه‌نجومه‌نی نوێنه‌رانی عێراق بۆ یاسای هه‌ڵبژاردنه‌كان و كه‌مكردنه‌وه‌ی كورسیی ئه‌نجومه‌نی نوێنه‌ران و، خوێندنه‌وه‌ی یه‌كه‌می بۆ كراوه‌، به‌شدارنه‌بوونی هه‌ڵه‌بجه‌ وه‌ك پارێزگا نیگه‌رانیی شه‌قامی هه‌ڵه‌بجه‌ی به‌دووای خۆیدا هێناوه‌، سه‌رۆكی فراكسیۆنی پارتیش ده‌ڵێ، نایه‌ڵن هه‌ڵه‌بجه‌ وه‌ك پارێزگا له‌ هه‌ڵبژاردنه‌كان بێبه‌ش بكرێت.

 



 
© 2018 Kurdistan Democratic Party, KDP