Kurdî  ■  كوردی  ■  عربي
SAT, 21 SEP 2019 08:49 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نێچیرڤان بارزانى داکۆکى لە پێكه‌وه‌ژیان و لێبورده‌یى و یه‌كترقبووڵكردن‌ دەکاتەوە
| KDP.info


هەولێر-KDP.info-  سه‌رله‌به‌یانیی ئه‌مڕۆ 11/9/2019 به‌ ئاماده‌بوونی به‌ڕێز نێچیرڤان بارزانی جێگری سه‌رۆكی پارتی دیموكراتی كوردستان و به‌شداریی ژماره‌یه‌ک له‌ ئه‌ندامانی مه‌كته‌بی سیاسی، به‌رپرس و ئه‌ندامانی ئه‌نجومه‌نه‌كان، مه‌كته‌ب‌ و لقه‌كان و كادیرانی پارتی دیموكراتی كوردستان، له‌ باره‌گانی ئه‌نجومه‌نی پارێزگای هه‌ولێری پارتی كۆنفرانسی (پارتی لەنێو گۆڕانکارییەکاندا، هەڵسەنگاندنێک بۆ ئێستا و نەخشەڕێگایەک بۆ داهاتوو) به‌ڕێوه‌چوو كه‌ له‌لایه‌ن سه‌نته‌ر‌ى دیراسات و توێژینه‌وه‌ و ئه‌كادیمیاى پارتییەوە، به‌ هاوكاریى كۆمه‌ڵێك شاره‌زا و پسپۆڕ له‌ بواره‌ جیاوازه‌كان ڕێكخرابوو.

له‌ كۆنفرانسه‌كه‌دا به‌ڕێز جێگری سه‌رۆكی پارتی وته‌یه‌كی پێشكه‌ش كرد و تیایدا ڕێكخستنی كۆنفرانسه‌كه‌ و ناوه‌رۆك و بابه‌ته‌كانی له‌ گرنگیدان به‌ ڕێكخستن و خۆڕێكخستنه‌وه‌ به‌ شێوه‌یه‌كی گونجاو له‌گه‌ڵ ئه‌رك و به‌رپرسیاریه‌تیى ئه‌م قۆناغه‌ و قۆناغەکانى ئایندەدا، بە گرنگ لە قەڵەم دا.

بەڕێزیان ئاماژه‌ی بە ڕۆڵ و كاریگه‌ریى ڕێكخراوه‌ جه‌ماوه‌رییه‌كانى قوتابیان، لاوان و ئافره‌تان کرد كه‌ توێژى هه‌ره‌ زیندوو و كاریگه‌رى كۆمه‌ڵگه‌ن و زامنى به‌رده‌وامى و نوێبوونه‌وه‌ن، هه‌روه‌ها جه‌ختی لە كاركردن بۆ حوكمڕانییه‌كى دروست، په‌یوه‌ندییه‌كى باش له‌گه‌ڵ كۆمه‌ڵگه‌ و هەبوونى پرۆگرامى به‌ڕێوه‌بردنى له‌ ئاست متمانه‌ى خه‌ڵكدا، کردەوە.

به‌ڕێزیان دووپاتی كرده‌وه‌ كه‌ پارتى ده‌رفه‌تى سه‌ركه‌وتنى گه‌وره‌ى له‌پێشه‌ و ده‌توانێت داهاتوویه‌كى باشتر بۆ گه‌لى كوردستان ده‌سته‌به‌ر بكات و وه‌ك نموونه‌ش ساڵانی سه‌ختی ڕابردووی بیرهێنایه‌وه‌ كه‌ وێڕاى هه‌موو ئه‌و ئاڵۆزى و ئاسته‌نگه‌كان پارتى توانى له‌ چوارچیوه‌ى حكوومه‌تى هه‌رێمى كوردستاندا له‌ پاراستن و بنیاتنانه‌وه‌ى وڵات و به‌ره‌وپێشبردنى هه‌رێمى كوردستان، له‌ هه‌موو ڕوویه‌كه‌وه‌ ڕۆڵى پێشه‌نگ و كاریگه‌رى خۆى ببینێت و ببێته‌ پارێزه‌رى كوردستان و ده‌ستكه‌وته‌كانى گه‌لی كوردستان.

بەڕێز جێگرى سەرۆکى پارتى هەروەها جەختى لە گرنگیى قووڵكردنه‌وه‌ى گیانى پێكه‌وه‌ژیان و لێبورده‌یى و یه‌كترقبووڵكردن‌ له‌نێو سه‌رجه‌م پێكهاته‌كانى هه‌رێمى كوردستاندا و نەبوونى ململانێ سیاسییەکان بە هۆى دڵه‌ڕاوكێ و نیگه‌رانیى هاووڵاتیان کردەوە.

ئاماژەى بەوەش دا کە پارتى وه‌ك حیزبێكى حوكمڕان و كاریگه‌ر له‌ دامه‌زراوه‌ فه‌رمییه‌كانى هه‌رێمى كوردستان دەبێ په‌یوه‌ندییه‌كانی له‌نێو حیزب و دامه‌زراوه‌ فه‌رمییه‌كاندا ڕێكبخاته‌وه‌ به‌ جۆرێك له‌ خزمه‌تى به‌ره‌وپێشچوونى حوكمڕانییه‌كى سه‌رده‌میانه‌ و سه‌ركه‌وتوودا بێت له‌ كوردستان و ببێته‌ نموونه‌ى حوكمڕانییه‌كى مه‌ده‌نیى پێشكه‌وتووى مایه‌ى ڕه‌زامه‌ندیى هه‌موو خه‌ڵكی كوردستان.

به‌ڕێزیان داوای له‌ کادیرانى پارتى کرد به‌ هه‌مان گیانی پێشوو له‌ تێپه‌ڕاندنی سه‌ختی و قه‌یرانه‌كان،‌ پشتگیرى له‌ كابینه‌ى (9)ى حكوومه‌تى هه‌رێمى كوردستان بكه‌ن و هەموو خۆیان بکەنە خزمەتکردنى خەڵکى کوردستان.




دوایین هەواڵەکان

مەکتەبی سیاسی پارتی سەرەخۆشی له‌ به‌ڕێز مه‌حمود عیسا جاف ده‌كات

SATURDAY, 21 SEPTEMBER 2019 00:09:15

ھەڤاڵی به‌ڕێز مه‌حمود عیسا جاف 

 
سەرۆکی حکومەتی هەرێمی کوردستان ئیدانەی تەقینەوەکەی شاری کەربەلا دەکات .

FRIDAY, 20 SEPTEMBER 2019 23:09:58

هەولێر-KDP.info- مەسروور بارزانی سەرۆکی حکومەتی هەرێمی کوردستان لە پەیامێکدا بە تووندی ئیدانەی ئەو تەقینەوەیەی کرد کە ئێوارەی ئەمڕۆ هەینی 2019/9/20 بە هۆی بۆمبێکی چێنراو بە ئوتومبێلێکی گواستنەوەی گشتی لە دەروازەی شاری کەربەلا ئەنجامدرا و بووە هۆی گیان لەدەستدانی دوازدە هاووڵاتی و برینداربوونی پێنجی دیکەش .

 
نێچیرڤان بارزانی: بەهێزترین سه‌رچاوه‌ی سرووشتی، بیركردنه‌وه‌یه‌

THURSDAY, 19 SEPTEMBER 2019 22:09:01

دهۆك -KDP.info- ئێواره‌ی ئه‌مڕۆ پێنجشه‌ممه‌ 19/9/2019 به‌ ئاماده‌بوونی به‌ڕێز نێچیرڤان بارزانی سه‌رۆكی هه‌رێمی كوردستان، هه‌روه‌ها به‌ڕێزان محه‌مه‌د حه‌لبووسی سه‌رۆكی ئه‌نجومه‌نی نوێنه‌رانی عێراق، مه‌سروور بارزانی سه‌رۆكی حكوومه‌تی هه‌رێمی كوردستان، دكتۆر به‌شیر حه‌داد جێگری سه‌رۆكی ئه‌نجومه‌نی نوێنه‌رانی عێراق، ماتیوو تیوولەر بالیۆزی ئه‌مه‌ریكا له‌ عێراق، په‌رله‌مانتارانی كوردستان و عێراق و به‌رپرسانی سیاسی و ئیداری و نوێنه‌ر و كونسولی وڵاتانی بیانی له‌ هه‌رێمی كوردستان، ڕێوڕه‌سمی ده‌رچووانی یه‌كه‌م خولی قوتابیانی زانكۆی ئه‌مه‌ریكی كوردستان له‌ پارێزگای دهۆك به‌ڕێوه‌چوو.

 
سه‌رۆكی حكومه‌تی هه‌رێمی كوردستان له‌گه‌ڵ سه‌رۆكی ئه‌نجومه‌نی نوێنه‌رانی عێراق كۆبووه‌وه‌

THURSDAY, 19 SEPTEMBER 2019 22:09:52

دهۆك-KDP.info- مه‌سروور بارزانی، سه‌رۆكی حكومه‌تی هه‌رێمی كوردستان، ئه‌مڕۆ پێنجشه‌ممه‌، 19ی ئه‌یلوولی 2019، له‌ په‌راوێزی ئاهه‌نگی یه‌كه‌م خولی ده‌رچووانی زانكۆی ئه‌مه‌ریكی كوردستان له‌ دهۆك، له‌گه‌ڵ محه‌مه‌د حه‌لبووسی، سه‌رۆكی ئه‌نجومه‌نی نوێنه‌رانی عێراق كۆبووه‌وه‌.

 
مەسروور بارزانی: ئێک ژ کارنامەیێن کابینا ٩ـێ گرنگیدانە ب خوێندن و پەروەردێ

THURSDAY, 19 SEPTEMBER 2019 19:09:29

دهۆک-KDP.info-سەرۆکێ حکومەتا هەرێما کوردستانێ د رێورسمێن دەرچوویێن گەرا ئێکی یا زانکۆیا ئەمریکی یا کوردستانێ ل دهۆکێ پەیڤەک پێشکێشکر.

 


 
© 2018 Kurdistan Democratic Party, KDP