Kurdî  ■  كوردی  ■  عربي
TUE, 12 NOV 2019 03:56 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

چوار ھەزار و ٨٨٠ کەسی هەرێم بەشداریی فەریزەی حەج دەکەن
| KDP.info


ھەولێر-KDP.info- بەڕێوەبەرایەتیی گشتیی حەج و عومرەی کوردستان، دوواین وادە بۆ ڕادەستکردنی پاسەپۆرتی ھاووڵاتییان دیاری دەکات، وتەبێژی وەزارەتی ئەوقافیش ڕایگەیاند، ڕۆژی ١٠ی تەمموز یەکەم گەشتی حەج لە ھەرێمی کوردستانەوە بۆ سعوودیە دەست پێ دەکات.

بەڕێوەبەرایەتیی گشتیی حەج و عومرەی ھەرێمی کوردستان ئاگاداری سەرجەم ئەو ھاووڵاتییانە دەکاتەوە کە ناویان بۆ سەفەری حەجی ئەمساڵ دەرچووە و لەبەر ھەرھۆکارێک تاوەکو ئێستا پاسەپۆرتەکانیان ڕادەستی بەڕێوەبەرایەتیی حەجی پارێزگاکانیان نەکردووە، پێویستە بە زووترین کات بۆ ئەم مەبەستە سەردانی ئەو بەڕێوەبەرایەتییانە بکەن.

بەڕێوەبەرایەتییەکە ڕایشیگەیاندووە، کە دوواین وادە بۆ ڕادەستکردنی پاسەپۆرتەکان ڕۆژی ١٦- ٦ - ٢٠١٩، ھەر کەسێک لەو وادەیە دووا بکەوێت مافی سەفەرکردن لەدەست دەدات.

نەبەز ئیسماعیل، وتەبێژی وەزارەتی ئەوقاف و کاروباری ئایینیی حکوومەتی ھەرێمی کوردستان، بۆ ماڵپەڕی فەرمیی پارتی دیموکراتی کوردستان ئاماژەی بە بەڕێوەچوونی گەشتی ھاووڵاتییانی ھەرێمی کوردستان بۆ سعوودیە کرد و ڕایگەیاند، بۆ ئەمساڵ چوارھەزار و ٨٨٠ ھاونیشتمانیی ھەرێمی کوردستان بەشداریی فەریزەی حەج دەکەن.

لەبارەی ئەو بڕەپارەیەی لە هه‌ر ھاووڵاتییەک وەردەگیرێت، نەبەز ئیسماعیل ڕوونی کردەوە، ئەمساڵ ھەر حاجییەک بۆ ئەنجامدانی فەریزەی حەج پێویستی بە بڕی ٤ ھەزار و ٢٠٠ دۆلارە. ناوبراو ڕایشیگەیاند، لە ڕۆژی ١٠ی تەمموزی ٢٠١٩ یەکەم گەشتی حەج لە ھەرێمی کوردستانەوە بۆ سعوودیە دەست پێ دەکات.

ھەڵکەوت محەمەد




دوایین هەواڵەکان

سەرۆکی حکوومەتی هەرێمی کوردستان پێشوازی لە شاندێکی پارتی سۆسیالیستی کوردستان.باکوور دەکات

MONDAY, 11 NOVEMBER 2019 18:11:13

هەولێر-KDP.info-  ئەمڕۆ دووشەممە 11/11/2019 مەسرور بارزانی سەرۆکی حکومەتی هەرێمی کوردستان پێشوازی لە شاندێکی باڵای پارتی سۆسیالیستی کوردستان - باکوور بە سەرۆکایەتی مەسعود تەک سەرۆکی پارتەکە کرد.

نێچیرڤان بارزانی جه‌ختی له‌ چاكسازیى وه‌زاره‌تى پێشمه‌رگه‌ كرده‌وه‌‌

MONDAY, 11 NOVEMBER 2019 18:11:11

هەولێر-KDP.info-  سه‌رۆكی هه‌رێمی كوردستان، نێچیرڤان بارزانى، لایه‌نه‌ په‌یوه‌نداره‌كانى سه‌رۆكایه‌تیى هه‌رێمى كوردستان و وه‌زاره‌تى پێشمه‌رگه‌ی راسپارد، كه‌ لیژنه‌ى تایبه‌ت بۆ به‌دواداچوونى پرۆسه‌ی یه‌كخستنه‌وه‌ی پێشمه‌رگه‌‌ پێكبهێنن و هه‌نگاوى كرده‌یى له‌ رێكخستنه‌وه‌ى بواره‌كانى كارگێڕى و یاسایى بنێن.

"ئەنجومەنی پارێزگای کەرکووک لە دادگای فیدڕاڵی سکاڵای تۆمار کرد"

MONDAY, 11 NOVEMBER 2019 16:11:02

هەولێر-KDP.info-بە تۆمەتی نایاساییبوونی بڕیاری ھەڵوەشاندنەوەی ئەنجومەنی پارێزگای کەرکووک ئەنجومەنی پارێزگای کەرکووک سکاڵایەکی لە دادگای فیدڕاڵیی عێراق تۆمار کرد و ئەندامێکی لیستی برایەتیش دەڵێ، بڕیاری پەرلەمان پێچەوانەی دەستوورە و چاوەڕێی بڕیاری دادگا دەکەن.

 

لیوا قارەمان: پڕۆژەیەک بۆ ڕێکخستەوەی ھێزەکانی پێشمەرگە ئامادە کراوە

MONDAY, 11 NOVEMBER 2019 15:11:43

هه‌ولێر-KDP.info- بەرپرسێکی وەزارەتی پێشمەرگە ئاشکرای کرد، پڕۆژەیەک بۆ ڕێکخستنەوەی ھێزەکانی پێشمەرگە ئامادە کراوە و دەشڵێ، یەکەکانی حەفتا و ھەشتا بە میکانزمێک دەخرێنە سەر میلاکی وەزارەتی پێشمەرگە.

 

"زێدەڕۆییی سەر زەویی پێکھاتەکان لادەبرێت"

MONDAY, 11 NOVEMBER 2019 15:11:22

هه‌ولێر-KDP.info- بە یاسا پارێزگاری لە زەویی پێکھاتەکان دەکرێت و نوێنەرێکی کریستیانەکانیش دەڵێ، لە زۆربەی ناوچەکان زێدەڕۆیی کراوەتە سەر زەویی کریستیانەکان و خەریکی لابردنی ئەو زێدەڕۆیانەن.

 



 
© 2018 Kurdistan Democratic Party, KDP