Kurdî  ■  كوردی  ■  عربي
SAT, 21 SEP 2019 21:03 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"بە نه‌بوونی پێشمه‌رگه‌ له‌ ناوچه‌ کوردستانییەکاندا داعش سه‌ری هه‌ڵداوه‌ته‌وه‌"
| KDP.info


ناوچە کوردستانییەکان -KDP.info- تیرۆریستانی داعش له‌ ناوچه‌ کوردستانییەکانی ده‌ره‌وه‌ی ئیداره‌ی هه‌رێمی كوردستان دەستیان بە جووڵه‌ی تیرۆریستی و سووتاندنی كشتوكاڵی جووتیاران و وه‌رگرتنی سه‌رانه‌ی له ‌هاووڵاتییان كردووه‌ته‌وه. شاره‌زایه‌كی گرووپه‌ ئیسلامییه‌ تونده‌ڕۆ‌كانیش ده‌ڵێ، موخابه‌راتی وڵاتان به‌ مه‌به‌ستی خۆیان داعش بەكار ده‌هێنن، نه‌بوونی پێشمه‌رگه‌ش له ‌ناوچه‌ كوردستانییه‌كان ڕێگه‌خۆشكه‌ر بووه‌ بۆ سه‌رهه‌ڵدانه‌وه‌ی داعش.

له‌وبارەیە‌وه‌ سۆران سێوه‌كانه‌یی، شاره‌زای گرووپه‌  ئیسلامییه‌ توندڕۆ‌كان، به‌ ماڵپه‌ڕی فه‌رمیی پارتیی ڕاگه‌یاند: "ئەندامانی داعش خاوەنی ئایدۆلۆژیایه‌كن، کە ناو نراون گورگه‌ ته‌نیاكان و، هه‌ركه‌س تووشی ئه‌و جۆره‌ ئایدۆلۆژیایه‌ بێت، دەتوانێت هەموو کارێکی تیرۆریستی بکات."

چاودێران و شاره‌زایانی گرووپه‌ تیرۆریستییه‌كان ئاماژه ‌به‌وه‌ ده‌كه‌ن، داعش له‌ لایه‌ن ده‌زگا موخابه‌راتییه‌كانی وڵاتانەوە به‌ ئه‌جێندای خۆیان دژی نه‌یاره‌كانیان به‌كار ده‌هێنرێت.

سۆران سێوه‌كانه‌یی ده‌ڵێ: "داعش له‌ناو ناچێت، ڕه‌نگه‌ بۆ ماوه‌یەک مت ببن‌، به‌ڵام موخابه‌راتی وڵاتان هه‌ركات بیانه‌وێت، بۆ ئامانجه‌كانی خۆیان به‌كاریان ده‌هێنن و هێزیان ده‌درێتێ و له‌و وڵاتانه‌ی پێگه‌یان هه‌یه ‌چالاك ده‌كرێنه‌وه‌."

سێوه‌كانه‌یی بڕوای وایه‌ ئێستا كه‌ له‌ ناوچه‌ کوردستانییەکانی ده‌ره‌وه‌ی ئیداره‌ی هه‌رێمی كوردستان جووڵه‌ی تیرۆریستانی داعش هه‌یه‌، بۆ نانەوەی ئاژاوه‌یه‌ له‌ ناوچه‌كه‌دا، كه‌ به‌هۆی نه‌بوونی پێشمه‌رگه‌وە له‌و ناوچانه‌دا داعش توانیویه‌تی سوود له‌ بۆشاییی ئه‌منی وه‌ربگرێت، چونكه‌ سوپای عێراق ناتوانن به‌ره‌نگاری داعش ببنه‌وه‌ و، ناتوانن خۆیشیانیان پێناپارێزن، چۆن ده‌توانن هاووڵاتییان بپارێزن‌، شه‌وانه‌ باره‌گاكانی خۆیان چۆڵ ده‌كه‌ن و‌ شاره‌زای ناوچه‌كه‌ نین و ئه‌و ناوچه‌ كوردستانییانەش به‌ ناوچه‌ی خۆیان نازانن تاوه‌كو پارێزگاریی لێ بكه‌ن".

دەر‌باره‌ی مه‌ترسیی جددیی داعش له ‌ناوچه‌كه‌دا، ئه‌و شاره‌زایەی گرووپه‌ توندڕۆ‌كان بڕوای وایه‌، ‌ئێستا وه‌ك هێزێکی گه‌وره‌ مه‌ترسیی چاوه‌ڕوانكراو له‌ داعش نابیندرێت، ئه‌گه‌ر هێزێكی گه‌وره‌ هاوكارییان بكات له‌ ناوچه‌ كوردستانی و شیعی و سوننیه‌كاندا ببنه‌ مه‌ترسیی گه‌وره‌ و وه‌ك جاران خاكێكی دیاریكراو بخه‌نه‌وە ژێرڕكێفی خۆیان".

ناوبراو ده‌ڵێ: "به‌پێی ئەو ته‌خمینانەی كراون تا ئێستاش (10000) هه‌زار چه‌كدار و كه‌سانی نزیك له‌ داعش له‌ عێراق ماون".

عه‌زیز هه‌ورامی




دوایین هەواڵەکان

پەیامی پیرۆزبایی مەكتەبی سیاسی پارتی دیموكراتی كوردستان بەبۆنەی (49)هەمین ساڵیادی دامەزراندنی یەكێتی زانایانی ئایینی ئیسلامی كوردستان

SATURDAY, 21 SEPTEMBER 2019 20:09:56

هەولێر-KDP.info- مەكتەبی سیاسی پارتی دیموكراتی كوردستان بەبۆنەی (49)هەمین ساڵیادی دامەزراندنی یەكێتی زانایانی ئایینی ئیسلامی كوردستان پەیامێكى پیرۆزبایی ئاراسته‌ى سەرۆك و ئەندامانی مەكتەبی تەنفیزی یەكێتیه‌كه‌ ده‌كات كه‌ ئه‌مه‌ش ده‌قه‌كه‌یه‌تى:

 
پەیامی سەرۆکی هەرێمی کوردستان بۆ یادى دامەزراندنی یەکێتیی زانایانی ئایینی ئیسلامیی کوردستان

SATURDAY, 21 SEPTEMBER 2019 20:09:07

هەولێر-KDP.info- بە بۆنەی چل و نۆهەمین ساڵیادی دامەزراندنی یەکێتیی زانایانی ئایینی ئیسلامیی کوردستانەوە، به‌ گه‌رمى پیرۆزبایی له‌ به‌ڕێزان سەرۆک و ئەندامانی مەکتەبی تەنفیزی و ئەنجومەنی ناوەندیی یەکێتیی زانایانی ئایینی ئیسلامیی کوردستان و سەرجەم مامۆستایان و زانایانی بەڕێزی ئایینی ئیسلامیی کوردستان دەکەین کە ڕۆڵی کاریگەریان هەیە لە پتەوکردنی بنەماکانی پێکەوەژیان و کولتووری لێبوردەیی و ئاشتیی کۆمەڵایەتی و ڕێگریکردن لە گەشەکردنی بیری توندڕەوی لە کوردستان. بە چاوی ڕێز و پێزانینەوە له‌ ڕۆڵ و ئەرکى پڕ بەهایان ده‌ڕوانین.

 
سەرۆك بارزانی پێشوازی لە سەرۆكی دیوانی سەرۆكایەتیی كۆماری عێراق دەكات

SATURDAY, 21 SEPTEMBER 2019 17:09:40

هەولێر-KDP.info-  ڕۆژی شەممە 21ـی 9ـی 2019 لە سەلاحەددین سەرۆك مەسعود بارزانی پێشوازی لە نەسیر ئەلعانی سەرۆكی دیوانی سەرۆكایەتیی كۆماری عێراق كرد.

 

ڕێبوار تاڵەبانی: پارێزگاری سەپێندراوی کەرکووک بەردەوامە لە ھێنانی عەرەبی ھاوردە

SATURDAY, 21 SEPTEMBER 2019 16:09:28

کەرکووک-KDP.info- سەرۆکی ئەنجومەنی پارێزگای کەرکووک ئاماژەی بۆ ئەوە کرد، دانوستانەکانی ھەرێم و بەغدا بۆ ئاساییکردنەوەی ڕەوشی کەرکووک بەردەوامن. دەشڵێ، ئەوەی لە کەرکووک ڕوو دەدات پێچەوانەی دەستوورە و پارێزگاری سەپێندراو ناسنامە بە عەرەبی ھاوردە دەدات.

 
بروسكەی پیرۆزبایی سەرۆك بارزانی بۆ ساڵیادی دامەزراندنی یەكێتیی زانایانی ئایینی ئیسلامیی كوردستان

SATURDAY, 21 SEPTEMBER 2019 13:09:34

هەولێر-KDP.info- سەرۆك بارزانی، په‌یامێكی پیرۆزبایی ئاراسته‌ی یه‌كێتی زانایانی ئاینی ئیسلامی كوردستان ده‌كات به‌ بۆنه‌ی ساڵیادی دامه‌زراندنیانه‌وه‌. 

 


 
© 2018 Kurdistan Democratic Party, KDP