Kurdî  ■  كوردی  ■  عربي
THU, 23 MAY 2019 06:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

تێكچوونی پەیوەندیی ئێران و ئەمەریكا كاریگەری لەسەر ھەرێم نەبووە
| KDP.info


 
ھەولێر-KDP.info- بەڕێوەبەری گشتیی پەیوەندییەكانی ھەرێمی كوردستان و ئێران گوتی، پەیوەندییان لەگەڵ ئێران باشە و تێكچوونی پەیوەندیی نێوان ئێران و ئەمەریكاش، هیچ كاریگەرییەكی لەسەر ھەرێمی كوردستان نەبووە.
 
عەبدوڵڵا ئاكرەیی، بە ماڵپەڕی فەرمیی پارتی دیموكراتی كوردستانی ڕاگەیاند: "تێكچوونی پەیوەندیی نێوان ئێران و ئەمەریكا، ھیچ كاریگەرییەكی لەسەر ھەرێمی كوردستان نەبووە و پەیوەندیمان لەگەڵ ئێران ئاساییە و مەرزەكان كراوەن و خەڵك ھاتوچۆ دەكات، بۆیە تاوەكو ئێستا ھیچ كێشەیەكمان بۆ دروست نەبووە و پەیوەندیی بەردەوامیش ھەیە".
 
ئاكرەیی گوتیشی، لەلایەن حكوومەتی عێراقیشەوە ھیچ رێنمایییەكی نوێیان بەدەست نەگەیشتووە، كە گۆرانكارییەك بكرێت و پەیوەندییەكە ھەر وەك خۆی بەردەوامە.
 
ناوبراو باسی لەوەش كرد: "ھیچ ھەڕەشەیەك لە ھەرێمی كوردستان نەكراوە و پەیوەندیی بەردەوام ھەیە، ھەر گۆڕانكارییەكیش بكرێت پێویستە بە رێنمایی بێت و لەلایەن بەغداوە بۆ ئێمە رەوانە بكرێت، بۆیە كارەكان وەكو پێشوو بەڕێوە دەچن و ھیچ كێشەیەكمان نییە".
 
بڵند ئیبراھیم
 



دوایین هەواڵەکان

مەریوان نەقشبەندی: ١٥٠ چەکداری کوردی نێو داعش خۆیان ڕادەستی ھەرێم کردووەتەوە

WEDNESDAY, 22 MAY 2019 19:05:18

هەولێر-KDP.info-  لە سەرەتای دەرکەوتنی گرووپی تیرۆریستیی داعشدا ژمارەیەک ھاووڵاتیی ھەرێمی کوردستان پەیوەندییان بە داعشەوە کرد و بەرپرسێکی حکوومەتی ھەرێمی کوردستانیش زانیاریی نوێ لەبارەی داعشە کوردەکانەوە ئاشکرا دەکات و دەڵێ، زۆربەیان کوژراون و ژمارەیەکیشیان خۆیان ڕادەستی ھەرێمی کوردستان کردووەتەوە، بەڵام نزیکەی ٢٠ کەسیان چوونەتە نێو ڕیزەکانی بەرەی نوسرەوە.

 
شاندێکی هەرێم بۆ نەوت و گاز سەردانی بەغدا دەکەن

WEDNESDAY, 22 MAY 2019 16:05:36

بەغدا-KDP.info-  شاندێكی هه‌رێمی كوردستان له‌باره‌ی پرسی نه‌وت و گازه‌وه‌ سه‌ردانی به‌غدا دەکات. لێژنه‌ی تایبه‌تمه‌ندی ئه‌و پرسه‌ له ‌ئه‌نجومه‌نی نوێنه‌رانی عێراق مه‌رجی كورد و هه‌رێمی كوردستانی له‌باره‌ی پرسی نه‌وته‌وه‌ له‌گه‌ڵ به‌غدا ئاشكرا کرد و سه‌رجه‌م ئه‌و خاڵانه‌ش كه‌ بڕیاره‌ له ‌به‌غدا باس بكرێن نه‌خشه‌ڕێگایان بۆ داده‌نرێت.

 
"لە دھۆک مۆڵەتی ٢٦ پڕۆژەی وەبەرھێنان ھەڵوەشێندراونەتەوە"

WEDNESDAY, 22 MAY 2019 15:05:30

دھۆک -KDP.info- لە سنووری پارێزگای دھۆک کارکردن لە پڕۆژە ڕاگیراوەکانی وەبەرھێنان دەستی پێ کردووەتەوە و وەک بەڕێوەبەری گشتیی وەبەرھێنانی دھۆکیش ئاشکرای کرد، تا ئێستا مۆڵەتی ٢٦ پڕۆژە ھەڵوەشێندراونەتەوە و لەھەوڵداین بۆ چارەسەرکردنی کێشەی ئەو پڕۆژانەی ماون.

 
مەسرور بارزانی لەگەڵ كونسولی گشتیی ئه‌مه‌ریكا له‌ هەولێر کۆبۆوە

WEDNESDAY, 22 MAY 2019 14:05:50
ئەمڕۆ چوارشەممە ٢٢/٥/٢٠١٩ مەسرور بارزانی راوێژکاری ئەنجوومەنی ئاسایشی هەرێمی کوردستان پێشوازی لە ستیڤ ڤاگن كونسولی گشتیی ئه‌مه‌ریكا له‌ هەولێر کرد.
 
سیتەیی: پێشمەرگە و سوپای عێراق لەسەر چەند خاڵێك ڕێككەوتوون

WEDNESDAY, 22 MAY 2019 13:05:36

رۆژئاوای دیجلە-KDP.info- جێگری بەرپرسی میحوەری رۆژئاوای دیجلە رایگەیاند، ئەوان و هێزە عێراقییەكان لەسەر هاوئاهەنگی و دابینكردنی ئاسایشی رۆژئاوای دیجلە، رێككەوتوون.

 


 
© 2018 Kurdistan Democratic Party, KDP