Kurdî  ■  كوردی  ■  عربي
THU, 18 JUL 2019 02:13 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"ئافرەتانی پارتی داوای زیادكردنی ڕێژەی ئافرەت لە دامودەزگا حكوومییەكاندا دەكەن"
| KDP.info


 

هەولێر-KDP.info- بڕیارە ئافرەتانی پارتی پڕۆژەیەك ئامادە بكەن و تێیدا داوای زیادكردنی ڕێژەی ئافرەت لەنێو دامودەزگاكانی حكوومەتی ھەرێمی كوردستان بكەن. مامۆستایەكی زانكۆش پێی وایە، پارتی پێشتر پێشەنگ بووە لە زیادكردنی ڕێژە ئافرەت و پێویستە ئەم جارەش ژمارەی ئافرەتانی نێو حكوومەت زیاتر بكرێن.

 

نەدا مێرگەسۆری، مامۆستای زانكۆ، بە ماڵپەڕی فەرمیی پارتی دیموكراتی كوردستانی ڕاگەیاند: "دوێنێ بە بۆنەی ساڵوەگەڕی شەھیدكردنی لەیلا قاسم، مەكتەبی دیراساتی پارتیمان دیدارێكی ڕێك خستبوو و ھەر لە دیدارەكەدا كە ژمارەیەك ئافرەتی پارتی بەشدارییان كردبوو، تاوتوێی پڕۆژەیەك كرا بۆ زیادكردنی ڕێژەی ئافرەت لەنێو دامودەزگاكانی حكوومەتی ھەرێمی كوردستان و كابینەی نوێی حكوومەتدا".

 

مێرگەسۆری، كە لە خولی ڕابردوودا ئەندامی پەرلەمانی عێراقیش بووە، دەڵێت: "بڕیارە ئێمە وەك ئافرەتانی پارتی پڕۆژەیەك ئامادە بكەین و پێشكەش بە سەرۆك بارزانی و مەكتەبی سیاسیی پارتیمان و بەڕێزان مەسروور بارزانی و نێچیرڤان بارزانی بكەین، مەبەست لەو پڕۆژەیەش ئەوەیە، كە ڕێژەی ئافرەت دیاری بكرێت و زیاتریش بكرێت، چونكە ئەوەی ھەیە وەك پێویست نییە و ئێمە پێمان وایە دەبێ لە حزبی خۆمانەوە دەست پێ بكەین بۆ زیادكردنی ڕێژەی ئافرەت".

ناوبراو ئاماژەی بۆ ئەوەش كرد: "لە پەرلەمان و ئەنجومەنی پارێزگاكان ڕێژەی ئافرەت دیاری كراوە، كە دەبێ ٣٠% بێت، بەڵام بۆ حكوومەت دیاری نەكراوە، ھەرچەندە ئامارێكی فەرمی نییە، بەڵام ئێمە وەك ئافرەتانی پارتی دەمانەوێ ببینە پێشەنگی ئافرەتانی ھەموو لایەنەكان بۆ زیادكردنی ڕێژەی ئافرەت و زیادكردنەكەش ھەر تەنیا بۆ ئافرەتانی پارتی نەبێت، بەڵكو بۆ ھەموو ئافرەتانی كوردستان بێت".


لەبارەی  ئامادەكردنی پڕۆژەیاسایەك بۆ دانانی كۆتا بۆ ئافرەتان لەنێو حكوومەتدا، نەدا مێرگەسۆری گوتی: "ئێمە ئەو داواكارییەمان ھەیە و داوا لە مەسروور بارزانی دەكەین لە كاتی دەستبەكاربوونی حكوومەتدا، پڕۆژەیەك بداتە پەرلەمان و ڕێژەی كۆتا بۆ ئافرەت دیاری بكرێت و بە یاسایی بكرێت، ھاوشێوەی كۆتای ئافرەت بۆ پەرلەمان و ئەنجومەنی پارێزگاكان".

 

قائید میرۆ

 




دوایین هەواڵەکان

سه‌رۆكی هه‌رێمی كوردستان له‌گه‌ڵ باڵیۆزى ئه‌مه‌ریكا كۆده‌بێته‌وه‌

WEDNESDAY, 17 JULY 2019 22:07:13

هەولێر-KDP.info- له‌ كۆبوونه‌وه‌یه‌كی به‌ڕێز نێچیرڤان بارزانی سه‌رۆكی هه‌رێمی كوردستاندا له‌گه‌ڵ به‌ڕێز ماتیۆ توله‌ر باڵیۆزی ئه‌مه‌ریكا له‌ عێراق و شاندی یاوه‌ری، به‌ڕێز توله‌ر پیرۆزبایی دامه‌زراندنی كابینه‌ی نوێی حكوومه‌تی هه‌رێمی كوردستانی له‌ به‌ڕێز سه‌رۆكی هه‌رێم كرد.

ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌

WEDNESDAY, 17 JULY 2019 18:07:30

هەولێر-KDP.info-  به‌ توندی ئه‌و تاوانکارییه‌ ترسنۆکه‌ سه‌رکۆنه‌ ده‌که‌ین که‌ نیوه‌ڕۆی ئه‌مڕۆ له‌ هه‌ولێر کارمه‌ندێکی کونسولخانه‌ی تورکیا و هاووڵاتییه‌کی هه‌رێمی کوردستانی کردۆته‌ ئامانج و له‌ ئه‌نجامدا هه‌ردووکیان گیانیان له‌ده‌ست داوه و هاووڵاتییه‌کی دیکه‌ش بریندار بووه‌.

راگەیەندراوێک لە حکوومەتى هەرێمى کوردستانەوە

WEDNESDAY, 17 JULY 2019 18:07:48

هەولێر-KDP.info-  حكوومه‌تی هه‌رێمی كوردستان له‌ راگه‌یه‌ندراوێكدا ئیدانه‌ی رووداوی ته‌قه‌كردنه‌كه‌ی هه‌ولێری كرد، كه‌ له‌ ئه‌نجامیدا كارمه‌ندێكی كونسوڵخانه‌ی توركیا گیانی له‌ده‌ستدا و رایگه‌یاند، هەموو لایەک دڵنیا دەکەینەوە کە لایەنە پەیوەندارەکانى هەرێمى کوردستان خەریکى لێکۆڵینە و بەدواداچوونى جددین بۆ دۆزینەوەى ئەنجامدەران و بەسزاگەیاندنى یاسایییان.

په‌یامێك له‌سه‌رۆكایه‌تی په‌رله‌مانی كوردستانه‌وه‌

WEDNESDAY, 17 JULY 2019 18:07:00

هەولێر-KDP.info-  بە توندی ئیدانەی کوژرانی دیبلۆماتکارێكی تورکیا دەکەین، کە لە ئەنجامی رووداوێکی تەقەکردن لە ریستوڕانتێکی هەولێر کوژران، به‌م بۆنه‌یه‌وه‌ پرسه‌و سه‌ره‌خۆشی خۆمان ئاڕاسته‌ی كونسولخانه‌ی توركیا و حكوومه‌تی توركیا ده‌كه‌ین و داواکارین لە دامەزراوە ئەمنییەکان بە پەلە تاوانکاران دەستگیربکەن و بە سزای یاساییان بگەێنن.

ئاسایشی هه‌ولێر راگه‌یه‌ندراوێكی بڵاوكرده‌وه‌

WEDNESDAY, 17 JULY 2019 16:07:39

هه‌ولێر-KDP.info-  ئاسایشی هه‌ولێر له‌ باره‌ی رووداوی ته‌قه‌كردن له‌ چێشتخانه‌یه‌كی هه‌ولێر راگه‌یه‌ندراوێكی بڵاوكرده‌وه‌.

 



 
© 2018 Kurdistan Democratic Party, KDP