Kurdî  ■  كوردی  ■  عربي
MON, 22 JUL 2019 13:40 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

زیاد كاكه‌ڕه‌زا: داوامان كردووه‌ شاره‌وانی به‌زوویی چاره‌سه‌ری چاڵ و تاسه‌كانی ناو شاری سلێمانی بكات
| KDP.info


سلێمانی-KDP.info - شۆفێران و هاووڵاتییانی سلێمانی داوا ده‌كه‌ن ئه‌و چاڵوچۆڵانه‌ پر بكرێنه‌وه‌ كه‌ له‌ ته‌واوی شه‌قامه‌كانی شاره‌كەدا‌ دروست بوون و‌ ئاسته‌نگی هاتوچۆیان دروست كردووه‌، به‌گشتی شه‌قامه‌كانی سلێمانی سیانه‌ بكرێنه‌وه‌.

زیاد كاكه‌ ڕه‌زا، سه‌رۆكی فراكسیۆنی پارتی له‌ ئه‌نجومه‌نی پارێزگای سلێمانی، له‌وبارەیەوه‌ به‌ ماڵپه‌ڕی فه‌رمیی پارتیی ڕاگه‌یاند: "وه‌ك لیژنه‌ی شاره‌وانی نووسراومان ئاراسته‌ی سه‌رۆكایه‌تیی ئه‌نجومه‌ن كردووه‌، كه‌ داوا له‌ پارێزگار بكات به ‌زووترین كات پاره‌ بۆ ته‌واوی چاڵ و تاسه‌كانی شه‌قامه‌كانی سلێمانی دابین بكرێت و سیانه‌ی شه‌قامه‌كان بكرێته‌وه‌."

چاڵ و تاسه‌كانی شه‌قامه‌كانی شاری سلێمانی ئێستا بوونه‌ته‌ باسی ڕۆژ له ‌لایه‌ن هاووڵاتیانی دانیشتووی ئه‌و شاره‌وە و داوایان له‌ حكوومه‌ت و به‌رپرسانی شاره‌كه‌یان ئه‌وه‌یه‌ به‌زوویی چاره‌سه‌ری شه‌قامه‌كانی سلێمانی بكرێت، چونكه‌ ئاسته‌نگی زۆریان بۆ هاتوچۆ دروست كردووه‌.

كاكه‌ ڕه‌زا گوتیشی: "له‌ سلێمانی كه‌مته‌رخه‌میی زۆر هه‌یه‌ له‌ پێشكه‌شكردنی خزمه‌تگوزارییه‌كان بۆ هاووڵاتییانی ئەم شاره‌، وه‌كو پێویست پڕۆژه‌ی تێدا نییه‌ و‌ وه‌كو پێویست خزمه‌تگوزارییه‌كان پێشكه‌ش ناكرێن، ئه‌وه‌ش هاووڵاتییانی نیگه‌ران كردووه‌".

سه‌رۆكی فراكسیۆنی پارتی له‌ ئه‌نجومه‌نی پارێزگای سلێمانی گوتیشی: "وه‌ك فراكسیۆنی پارتی له‌ ئه‌نجومه‌نی پارێزگای سلێمانی داوا ده‌كه‌ین خزمه‌تگوزاریی پێویست پێشكه‌ش به‌ هاووڵاتییانی شاری سلێمانی بكرێت".

هێڤیار هه‌ڵه‌بجه‌یی

 




دوایین هەواڵەکان

سەرۆك بارزانی سەرەخۆشی لە خانەوادەی فەرید زامدار دەكات

MONDAY, 22 JULY 2019 13:07:51

بۆ خانەوادەی بەڕێزی خوالێخۆشبوو فەرید زامدار

بە داخەوە ھەواڵی كۆچی دوایی پێشمەرگە و نووسەر و ڕۆشنبیر، كاك (فەرید زامدار)م پێ گەیشت.

حكوومەتی هەرێم 700 یەكەی نیشتەجێبوون دابەش دەكات

MONDAY, 22 JULY 2019 12:07:14

هەولێر-KDP.info- بریكاری وەزارەتی ئاودانكردنەوەی حكوومەتی هەرێمی كوردستان بۆ كاروباری ئاوەدانكردنەوە و نیشتەجێبوون ڕایدەگەیەنێت، پڕۆژەی خزمەتگوزاری بۆ 700 یەكەی نیشتەجێوون دابین كراوە، دوای تەواوبوونی خزمەتگوزارییەكانی یەكەكەكانی نیشتەجێبوونیش، بەسەر هاووڵاتیاندا دابەش دەكرێن.

 
سەرۆكایەتیی شارەوانی: ناوچه‌ی پیشەسازیی باكوور و باشووری ھەولێر دەگوازرێنەوە

MONDAY, 22 JULY 2019 12:07:55

هەولێر-KDP.info- بڕیارە ھەردوو ناوچەی پیشەسازیی باكوور و پیشەسازیی باشوور لە نێو سەنتەری شاری ھەولێر بگوازرێنەوە، گوتەبێژی سەرۆكایەتیی شارەوانیی ھەولێریش دەڵێ: "ئێمە لای خۆمانەوە بڕیاری گواستنەوەی پیشەسازییەكانمان دەكردووە و چاوەڕێی رێكارەكانین لەلایەن پارێزگای ھەولێر و سەرۆكایەتیی ئەنجوومەنی وەزیرانەوە".

 
موبارەك: تەعریبكردن جگە لە دەرەوەی كەركووك لە سەنتەریش بە چڕی دەستی پێكردووە

MONDAY, 22 JULY 2019 11:07:43

كەركووك -KDP.info- بەڕێوەبەری كشتوكاڵی كەركووك گوتی، پڕۆسەی تەعریب لە شاری كەركووك بەردەوامە و لە ئێستادا جگە لە دەوروبەر، پڕۆسەكە لەناو شاری كەركووك بە شێوەیەكی چڕ دەستی پێكردووە، هەروەها توركمانیش لە تەلەعفەرەوە توركمانەكان بۆ ناحیەی تازە لە سنووری كەركووك دەگوازنەوە.

 
كۆنسووڵی فەخریی سریلانكا: پێشكەوتن و ئارامیی كوردستان مایەی خۆشحاڵی كۆنسووڵە فەخرییەكان بوو

MONDAY, 22 JULY 2019 10:07:51

هەولێر-KDP.info- بۆ یەكەمجار 20ی ئەم مانگە هەولێری پایتەخت میوانداریی كۆبوونەوەی دووەمی ئەنجوومەنی كارگێڕیی یەكێتیی عەرەبیی كۆنسووڵە فەخرییەكانی كرد، كۆنسووڵی فەخریی سریلانكا و جێگری سەرۆكی یەكێتیی عەرەبیی كۆنسووڵە فەخرییەكانیش دەڵێ، كۆنسووڵە فەخرییەكانی ئەنجوومەنی كارگێڕیی یەكێتیی عەرەبی، زۆر سەرسام بوون بە پێشكەوتنی هەرێمی كوردستان و لە داهاتوودا پەیوەندییەكانیان لەگەڵ كوردستان بەهێزتر دەكەن.

 


 
© 2018 Kurdistan Democratic Party, KDP