Kurdî  ■  كوردی  ■  عربي
WED, 24 JUL 2019 10:30 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

''ڕەوشی شنگال لە خراپەوە بەرەو خراپتر ڕۆیشتووە''
| KDP.info


شنگال-KDP.info- دوای هاتی حەشدی شەعبی و هێزەکانی سەر بە پەکەکە بۆ شنگال ڕۆژانە لە شنگال شەڕ و پێکدادان لە نێوان هێز و لایەنەکاندا ڕوو دەدات و شارەزایانیش دەڵێن، لە ترسی زۆریی هێزەکان خەڵکی شارەکە ناگەڕێنەوە.

ئێستا شنگال لە ڕووی ئەمنییەوە لە ناخۆشترین باردایە و فەرماندەیەکی سەربازییش دەڵێت، کرانەوەی دەرگای سنووری سووریا مەترسییەکی گەورەیە بۆ سەر شنگال و خەڵکی خراپی ناوچەکە بەئازادانە هاتوچۆ دەکەن.

حەیدەر شەشۆ، بە ماڵپەڕی فەرمیی پارتی دیموکراتی کوردستانی گوت: "شنگال ئێستا ڕەوشی لە خراپەوە بەرەو خراپتر ڕۆیشتووە و خەڵکێکی زۆری تێکەڵاوی داعش لەو سنوورە هاتوچۆ دەکەن."

لەو بارەیشەوە، قاسم شەشۆ، فەرماندەی فەرماندەییی پێشمەرگەی شنگال دەڵێت: "ئەو هێزە نایاساییانە بوونەتە هۆکاری ئەوەی ٨٠%ی خەڵکی شنگال نەگەڕینەوە ناوچەکانیان، هەربۆیەش ئەو هێزانەی ئێستا لە شنگالن لەسەر باجوەرگرتن لە خەڵک هاوڕێی یەکن و لە هەندێک شتیشدا دوژمنی یەکن، زەرەرمەندی یەکەمیش خەڵکی شنگالن."

٨٠% خەڵکی شنگال لە کەمپەکانی پارێزگای دهۆکدان و ناگەڕێنەوە ناوچەکانیان ئەو ٢٠%ی کە لە شنگالنیش لەسەر چیای شنگال لە کەمپی سەردەشتیدان و ناگەڕینەوە نێو شنگال بۆ ژێر دەسەڵاتی ئەو هێزانە."

قاسم شەشۆ بە ماڵپەڕی فەرمیی پارتی دیموکراتی کوردستان گوت: "خەڵک لەو هێزانە بێزار بوون و ئەوان نەک هەر ئاگایان لە ئێزدییان نییە، بگرە زیانیش بە ئێزدییان دەگەیەنن."

هەر لەبارەی ئەو گرژی و شەڕەی ئەم دوایییەی شنگالەوە، خەڵکی شنگال گردبوونەوەیەکیان بەڕێوە برد و داوایان کرد ئەو هێزانە چیتر نەبنە هۆکاری تیکدانی ناوچەکەیان و لە ناوچەکانیان دەربکرێن.

کــاروان بــاعەدری

 




دوایین هەواڵەکان

سه‌رۆكی هه‌رێمی كوردستان پیرۆزبایی له‌ بۆریس جۆنسۆن ده‌كات

TUESDAY, 23 JULY 2019 20:07:14

هەولێر-KDP.info-  به‌ڕێز نێچیرڤان بارزانی سه‌رۆكی هه‌رێمی كوردستان له‌ نامه‌یه‌كدا پیرۆزبایی له‌ به‌ڕێز بۆریس جۆنسۆن ده‌كات به‌بۆنه‌ی هه‌ڵبژاردنییه‌وه‌ به‌ سه‌رۆكی پارتی پارێزگارانی به‌ریتانیا و هیوای سه‌ركه‌وتنی بۆ ده‌خوازێت له‌ كار و ئه‌ركی نوێیدا، ئه‌مه‌ ده‌قی نامه‌كه‌یه‌:

حكوومه‌تی هه‌رێم دامه‌زراوه‌ی نیشتمانیی خۆراك و ده‌رمان داده‌مه‌زرێنێت

TUESDAY, 23 JULY 2019 20:07:30

هەولێر -KDP.info- سه‌رۆكی لیژنه‌ی ده‌رمانی په‌رله‌مانی كوردستان ڕایگەیاند، لە ماوەیەکی نزیکدا دامه‌زراوه‌ی نیشتمانیی خۆراك و ده‌رمان له‌ كوردستان داده‌مه‌زرێت و هیچ كۆمپانیایه‌ك بۆی نابێت ده‌رمان بێنێته‌ هه‌رێمی كوردستان و نرخی ده‌رمانیش له‌ سه‌رتاسه‌ری هه‌رێمی كوردستان ڕێك ده‌خرێت.

 

"پەکەکە سەرانە لە شوێنە گەشتیارییەکانی زاخۆ وەردەگرێت"

TUESDAY, 23 JULY 2019 18:07:05

زاخۆ-KDP.info- چەکدارانی پەکەکە سەرانە لە شوێنە گەشتیارییەکانی سنووری قەزای زاخۆ وەردەگرن و بەڕێوەبەری گەشتوگوزاری قەزاکەش دەڵێ، پەکەکە زیانی گەورەی بە کەرتی گەشتیاری گەیاندووە و چەندین شوێنی گەشتیاری بەھۆی ھەبوونی پەکەکەوە ئاوەدانییان بۆ نەچووە.

 

وەزیری ناوخۆ پێشوازیی لە كونسووڵی گشتیی توركیا کرد

TUESDAY, 23 JULY 2019 17:07:10

هەولێر-KDP.info- ئەمڕۆ، سێشەممە ٢٣/٧/٢٠١٩، ڕێبەر ئەحمەد، وەزیری ناوخۆی حكوومەتی هەرێمی كوردستان لە دیوانی وەزارەت پێشوازیی لە هاكان كاراچای، كونسووڵی گشتیی توركیا لە هەرێمی كوردستان و شاندێكی یاوەری كرد.

 

"بە مەرجی پارتی ئەوانەی ناویان لە لیژنەی ماددەی ١٤٠دا نەبێت ناتوانن بەشداریی ھەڵبژاردن بکەن"

TUESDAY, 23 JULY 2019 17:07:10

بەغدا-KDP.info-  دوێنێ پەرلەمانی عێراق بڕیاری دا ساڵی داھاتوو ھەڵبژاردنی ئەنجومەنی پارێزگاکانی عێراق بەڕێوە بچێت و سەرۆکی فراکسیۆنی پارتییش پێی وایە، ڕەوشی کەرکووک گونجاو نییە بۆ ھەڵبژاردن و دەشڵێ، پارتی بڕگەیەکی لە بەرژەوەندیی کەرکووک لە نێو یاساکەدا جێگیر کردووە.

 



 
© 2018 Kurdistan Democratic Party, KDP