Kurdî  ■  كوردی  ■  عربي
THU, 18 JUL 2019 02:11 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نووری حەمەعەلی: پێشمەرگە بۆ پاراستنی خەڵك ده‌گەڕێتەوە.. وردەكارییەكان ماون
| KDP.info


ھەولێر-KDP.info- بەرپرسی میحوەری كەركووك - پردێی ھێزی پێشمەرگە گوتی، لە ئێستادا گفتوگۆ لەسەر وردەكاریی گەڕانەوەی ھێزی پێشمەرگە بۆ ناوچە كوردستانییەكان دەكرێت تا ھێزی ھاوبەش پێك بهێندرێت، گەڕانەوەی ھێزی پێشمەرگەیش بۆ ناوچەكە، بەرھەمی سەردانی سەرۆك بارزانییە بۆ بەغدا.

نووری حەمەعەلی، بە ماڵپەڕی فەرمیی پارتی دیموكراتی كوردستانی ڕاگەیاند: "پێویستە بۆ پاراستنی خەڵك، ھێزی پێشمەرگە بۆ ناوچە كوردستانییەكانی دەرەوەی ئیدارەی ھەرێمی كوردستان بگەڕێتەوە، بەڵام ھێشتا وردەكارییەكان ماون لەسەری بگەنە رێككەوتن و گفتوگۆكان بەردەوامن، سەرۆكوەزیرانیش سەردانی بەغدای كردووە و وەزیری پێشمەرگەشی لەگەڵ خۆی بردبوو، بۆیە رەنگە لەم ھەفتەیەدا ھەندێك شت ڕوون ببێتەوە".

حەمەعەلی گوتیشی: "گەڕانەوەی ھێزی پێشمەرگە بۆ ناوچە كوردستانییەكانی دەرەوەی ئیدارەی ھەرێمی كوردستان، بەرھەمی سەردانی سەرۆك بارزانییە بۆ بەغدا، كە لە ماوەی ڕابردوودا ئەنجامی دا و ئێستا بەرھەمەكەی دەردەكەوێت، بۆیە پێویستە ھەموو ئەو شوێنانە دیاری بكرێن كە ھێزی پێشمەرگە و سوپای عێراق بە ھاوبەشی بەڕێوەی ببەن".

دەشڵێ، ھێزەكانی عێراق لە شەقام بەولاوە، ناتوانن ھیچ شوێنێكی دیكە بپارێزن، بۆیە پێویستە پێشمەرگە بگەڕێتەوە بۆ ئەو ناوچانە، بۆ ئەوەی خەڵك پارێزراو بن، چونكە جموجۆڵی داعش زۆر زیادی كردووە و بە بەردەوامی كردەی تیرۆریستی ئەنجام دەدەن.

 

بڵند ئیبراھیم

 




دوایین هەواڵەکان

سه‌رۆكی هه‌رێمی كوردستان له‌گه‌ڵ باڵیۆزى ئه‌مه‌ریكا كۆده‌بێته‌وه‌

WEDNESDAY, 17 JULY 2019 22:07:13

هەولێر-KDP.info- له‌ كۆبوونه‌وه‌یه‌كی به‌ڕێز نێچیرڤان بارزانی سه‌رۆكی هه‌رێمی كوردستاندا له‌گه‌ڵ به‌ڕێز ماتیۆ توله‌ر باڵیۆزی ئه‌مه‌ریكا له‌ عێراق و شاندی یاوه‌ری، به‌ڕێز توله‌ر پیرۆزبایی دامه‌زراندنی كابینه‌ی نوێی حكوومه‌تی هه‌رێمی كوردستانی له‌ به‌ڕێز سه‌رۆكی هه‌رێم كرد.

ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌

WEDNESDAY, 17 JULY 2019 18:07:30

هەولێر-KDP.info-  به‌ توندی ئه‌و تاوانکارییه‌ ترسنۆکه‌ سه‌رکۆنه‌ ده‌که‌ین که‌ نیوه‌ڕۆی ئه‌مڕۆ له‌ هه‌ولێر کارمه‌ندێکی کونسولخانه‌ی تورکیا و هاووڵاتییه‌کی هه‌رێمی کوردستانی کردۆته‌ ئامانج و له‌ ئه‌نجامدا هه‌ردووکیان گیانیان له‌ده‌ست داوه و هاووڵاتییه‌کی دیکه‌ش بریندار بووه‌.

راگەیەندراوێک لە حکوومەتى هەرێمى کوردستانەوە

WEDNESDAY, 17 JULY 2019 18:07:48

هەولێر-KDP.info-  حكوومه‌تی هه‌رێمی كوردستان له‌ راگه‌یه‌ندراوێكدا ئیدانه‌ی رووداوی ته‌قه‌كردنه‌كه‌ی هه‌ولێری كرد، كه‌ له‌ ئه‌نجامیدا كارمه‌ندێكی كونسوڵخانه‌ی توركیا گیانی له‌ده‌ستدا و رایگه‌یاند، هەموو لایەک دڵنیا دەکەینەوە کە لایەنە پەیوەندارەکانى هەرێمى کوردستان خەریکى لێکۆڵینە و بەدواداچوونى جددین بۆ دۆزینەوەى ئەنجامدەران و بەسزاگەیاندنى یاسایییان.

په‌یامێك له‌سه‌رۆكایه‌تی په‌رله‌مانی كوردستانه‌وه‌

WEDNESDAY, 17 JULY 2019 18:07:00

هەولێر-KDP.info-  بە توندی ئیدانەی کوژرانی دیبلۆماتکارێكی تورکیا دەکەین، کە لە ئەنجامی رووداوێکی تەقەکردن لە ریستوڕانتێکی هەولێر کوژران، به‌م بۆنه‌یه‌وه‌ پرسه‌و سه‌ره‌خۆشی خۆمان ئاڕاسته‌ی كونسولخانه‌ی توركیا و حكوومه‌تی توركیا ده‌كه‌ین و داواکارین لە دامەزراوە ئەمنییەکان بە پەلە تاوانکاران دەستگیربکەن و بە سزای یاساییان بگەێنن.

ئاسایشی هه‌ولێر راگه‌یه‌ندراوێكی بڵاوكرده‌وه‌

WEDNESDAY, 17 JULY 2019 16:07:39

هه‌ولێر-KDP.info-  ئاسایشی هه‌ولێر له‌ باره‌ی رووداوی ته‌قه‌كردن له‌ چێشتخانه‌یه‌كی هه‌ولێر راگه‌یه‌ندراوێكی بڵاوكرده‌وه‌.

 



 
© 2018 Kurdistan Democratic Party, KDP