Kurdî  ■  كوردی  ■  عربي
THU, 18 JUL 2019 02:12 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هەڵەی دووبارە
| KDP.info


 
ئاریان فەرەج
 
ساڵی دووهەزار و یازدە، هێزە سەرەكییەكانی ئەمریكا لە عێراق كشانەوە، ئەوانەی بە ناوی ئیستقلالی نیشتمانییەوە هاندەری ئەو كشانەوە ناوەختە بوون، روداوەكەیان بە گەڕاندنەوەی سەروەری بۆ عێراق ناوزەد كرد، بەڵام ئەو كشانەوە و هەڵە ستراتیژییە، كۆی سەروەری و ئەمنیەتی عێراقی خستە بەردەم گەورەترین مەترسی، داعش سەریهەڵدا و سێیەكی عێراقی داگیركرد، كاتێكیش گەیشتە تخوبەكانی بەغدا، هەر خودی ئەو بەناو نیشتمانخوازانە بە پەلە هانایان بۆ ئەمریكا برد تا هێزەكانی بگەڕێنێتەوە و بەفریایان كەوێت. 
 
ئێستاش جارێكی دیكە هێزگەلێك لە بەغدا كە لە رووی ئایدیۆلۆجی و پابەندیی ئیقلیمییەوە چارەی ئەمریكایان ناوێت، بە ناوی دەركردنی هێزە بیانییەكان لە عێراق، خەریكی گەڵاڵەكردنی پرۆژە یاسایەكن لە ئەنجومەنی نوێنەران كە مەبەست لێی تەنیا دەرپەڕاندنی هێزەكانی ئەمریكایە . هەنجەتی بە ئاشكرای ئەم هێزگەلە ئیدیعای سەركەوتنی عێراق و شكست و كۆتاییهاتنی داعشە و ئەوەش گوایە بەهانەیەك بۆ مانەوەی هێزی بیانی لە عێراق ناهێڵێتەوە. بەڵام هەڵبەت پاڵنەری راستەقینەیان ئەوە نییە بەڵكو هەڵوێستی سیاسییانە لە ئەمریكا بە تایبەت پاش ئەوەی حكومەتی ئەمریكا ئامانج لە مانەوەی هێزەكانی لە عێراق بەم دواییە رونتركردۆتەوە. 
 
دەنا ئەو داعشەی بە قسەی ئەوان كۆتاییهاتووە، ئەگەری سەرهەڵدانەوە و هەراشبوونەوەی لەهەر كات زیاترە، لەو رۆژەوەی عەببادی رایگەیاندووە كە شكاون و نەماون، بەسەدان كردەوەی تیرۆریستییان ئەنجامداوە، راپۆرتە ئەمنییەكان ئەگەری خۆرێكخستنەوە و بەهێزبونەوەی داعش و تەنانەت داگیركردنەوەی ناوچەكانیش وەك مەترسیەكی جددی باس دەكەن. جگە لەوەی هۆكارە جۆراوجۆرەكانی سەرهەڵدانی تیرۆر و توندرۆیی لە عێراقدا هەر وەك خۆیان ماون و زەمینەی لەبارن بۆ دووبارە هەراشبونەوەی داعش و هاوشێوەكانی، بۆیە عێراق بە هەموو پێوەرێك هێشتا دوورە لە سەقامگیری و دڵنیایی ئەمنی. 
 
بۆیە ئەگەر مەبەستی راستەقینەی ئەو هێزگەلەی لەم ناوەختەدا دەیانەوێت هێزی ئەمریكا دەرپەڕێنن، بەرژەوەندی و ئەمن و ئیستقراری عێراق بێت، ئەوا كارێكی لەو جۆرە لەم هەلو مەرجەدا جگە لە زیانگەیاندنی كوشندە بە بەرژەوەندی و ئەمن و ئیستقراری عێراق و ناوچەكە و جگە لە بەهێزكردنەوەی داعش، ئەنجامێكی دیكەی نابێ. دووبارەكردنەوەی هەڵە ستراتیژیەكەی دووهەزار و یازدە، هەمان كارەساتی رابردوو بەسەر عێراقدا دێنێتەوە.
 



دوایین هەواڵەکان

سه‌رۆكی هه‌رێمی كوردستان له‌گه‌ڵ باڵیۆزى ئه‌مه‌ریكا كۆده‌بێته‌وه‌

WEDNESDAY, 17 JULY 2019 22:07:13

هەولێر-KDP.info- له‌ كۆبوونه‌وه‌یه‌كی به‌ڕێز نێچیرڤان بارزانی سه‌رۆكی هه‌رێمی كوردستاندا له‌گه‌ڵ به‌ڕێز ماتیۆ توله‌ر باڵیۆزی ئه‌مه‌ریكا له‌ عێراق و شاندی یاوه‌ری، به‌ڕێز توله‌ر پیرۆزبایی دامه‌زراندنی كابینه‌ی نوێی حكوومه‌تی هه‌رێمی كوردستانی له‌ به‌ڕێز سه‌رۆكی هه‌رێم كرد.

ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌

WEDNESDAY, 17 JULY 2019 18:07:30

هەولێر-KDP.info-  به‌ توندی ئه‌و تاوانکارییه‌ ترسنۆکه‌ سه‌رکۆنه‌ ده‌که‌ین که‌ نیوه‌ڕۆی ئه‌مڕۆ له‌ هه‌ولێر کارمه‌ندێکی کونسولخانه‌ی تورکیا و هاووڵاتییه‌کی هه‌رێمی کوردستانی کردۆته‌ ئامانج و له‌ ئه‌نجامدا هه‌ردووکیان گیانیان له‌ده‌ست داوه و هاووڵاتییه‌کی دیکه‌ش بریندار بووه‌.

راگەیەندراوێک لە حکوومەتى هەرێمى کوردستانەوە

WEDNESDAY, 17 JULY 2019 18:07:48

هەولێر-KDP.info-  حكوومه‌تی هه‌رێمی كوردستان له‌ راگه‌یه‌ندراوێكدا ئیدانه‌ی رووداوی ته‌قه‌كردنه‌كه‌ی هه‌ولێری كرد، كه‌ له‌ ئه‌نجامیدا كارمه‌ندێكی كونسوڵخانه‌ی توركیا گیانی له‌ده‌ستدا و رایگه‌یاند، هەموو لایەک دڵنیا دەکەینەوە کە لایەنە پەیوەندارەکانى هەرێمى کوردستان خەریکى لێکۆڵینە و بەدواداچوونى جددین بۆ دۆزینەوەى ئەنجامدەران و بەسزاگەیاندنى یاسایییان.

په‌یامێك له‌سه‌رۆكایه‌تی په‌رله‌مانی كوردستانه‌وه‌

WEDNESDAY, 17 JULY 2019 18:07:00

هەولێر-KDP.info-  بە توندی ئیدانەی کوژرانی دیبلۆماتکارێكی تورکیا دەکەین، کە لە ئەنجامی رووداوێکی تەقەکردن لە ریستوڕانتێکی هەولێر کوژران، به‌م بۆنه‌یه‌وه‌ پرسه‌و سه‌ره‌خۆشی خۆمان ئاڕاسته‌ی كونسولخانه‌ی توركیا و حكوومه‌تی توركیا ده‌كه‌ین و داواکارین لە دامەزراوە ئەمنییەکان بە پەلە تاوانکاران دەستگیربکەن و بە سزای یاساییان بگەێنن.

ئاسایشی هه‌ولێر راگه‌یه‌ندراوێكی بڵاوكرده‌وه‌

WEDNESDAY, 17 JULY 2019 16:07:39

هه‌ولێر-KDP.info-  ئاسایشی هه‌ولێر له‌ باره‌ی رووداوی ته‌قه‌كردن له‌ چێشتخانه‌یه‌كی هه‌ولێر راگه‌یه‌ندراوێكی بڵاوكرده‌وه‌.

 



 
© 2018 Kurdistan Democratic Party, KDP