Kurdî  ■  كوردی  ■  عربي
TUE, 20 AUG 2019 09:18 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

دیاری حوسێن: پارتی بەبێ ئاسایکردنەوەی رەوشی کەرکووک شەرعیەت بە هیچ هەڵبژاردنێک نادات
| KDP.info


كەركووك-KDP.info- دوای ئەوەی ڕۆژی یەکشەممەی ڕابردوو کۆمسیۆنی باڵای ھەڵبژاردنەکانی عێراق بڕیاری دا ھەڵبژاردنی ئەنجومەنی پارێزگاکانی عێراق لە کۆتاییی ئەمساڵ بەڕێوە بچێت و پارێزگای کەرکووکیش دەگرێتەوە، بەرپرسێکی پارتی دەڵێ، لای ئێمە ھەڵبژاردنەکەی کەرکووک ھیچ شەرعیەتی نییە و لەگەڵ لایەنە کوردەکانی کەرکووکیش ئەو بابەتە یەکلا دەکەینەوە.

جێگری بەرپرسی ئەنجومەنی سەرکردایەتیی کەرکووکی گەرمیانی پارتی ئاشکرای کرد: "بەبێ ئاساییبونەوەی ڕەوشی کەرکووک پارتی دیموکراتی کوردستان بە ھیچ شێوەیەک بە ئەنجامدانی ھەڵبژاردنی ئەنجومەنی پارێزگای کەرکووک ڕازی نابێت، چونکە ئێستا لە کەرکووک دەسەڵات لە دەست میلشیادایە و لە ھەر وڵاتێکدا یاسا نەبێت، ھەڵبژاردن ھیچ مانایەکی نابێت، ئێمە جگە لەوەی دژی بەڕێوەچوونی ھەڵبژاردنی ئەنجومەنی پارێزگای کەرکووکین بێ ئەوەی ڕەوشەکەی ئاسایی بکرێتەوە، پێویستە ھەموو لایەنە کوردەکانیش دژی بوەستنەوە."

دیاری حوسێن لە درێژەی لێدوانەکەیدا بۆ ماڵپەڕی فەرمیی پارتی دیموکراتی کوردستان گوتی: "پارتی لەگەڵ لایەنە سیاسییەکانی کەرکووک دانوستان دەکات بە مەبەستی بڕیاری کۆمسیۆنی باڵای ھەڵبژاردنەکانی عێراق دەربارەی ئەنجامدانی ھەڵبژاردن لە کەرکووک، دەمانەوێ چارەسەرێکیش بۆ ئەو پرسە ببینینەوە و ڕۆژانی ڕابردووش ئێمە وەک پارتی لەگەڵ بەشێکی زۆری لایەنە سیاسییەکانی کەرکووک کۆ بووینەتەوە."

جێگری بەرپرسی ئەنجومەنی سەرکردایەتیی کەرکووک_ گەرمیانی پارتی ڕوونی کردەوە: "ئێمە وەک لایەنە سیاسییەکان داوامان لە حکوومەتی ھەرێمی کوردستان کردووە دانوستان لەگەڵ بەغدا بکات بۆ ئاساییکردنەوەی ڕەوشی کەرکووک، ھێزە سەربازییەکان لە کەرکووک دەربچن و دۆسیەی ئەمنی ڕادەستی پۆلیس بکرێت."

دیاری حوسێن ئاماژەی بۆ ئەوە کرد: "ھەرکاتێک ڕەوشی کەرکووک ئاسایی کرایەوە ئێمەش دەگەڕێینەوە بۆ کەرکووک و ئینجا با ھەڵبژاردن بکرێت، بەبێ سەنگ و پێگەی پارتی لەو شارەدا ھەر ھەڵبژاردنێک بکرێت نە شەرعیەتی پێ دەدەین و نە ھیچ مانایەکیش دەبەخشێت، لەبەر ئەوەی پارتی ھێزی یەکەمی عێراق و ھەرێمی کوردستانە و بەبێ بوونی پارتی ھیچ پڕۆسەیەک سەر ناگرێت."

قائید میرۆ

 

 




دوایین هەواڵەکان

راگەیەندراوێک لە حکومەتی هەرێمی کوردستانەوە

MONDAY, 19 AUGUST 2019 19:08:18

هەولێر-KDP.info-  گوتەبێژی حکومەتی هەرێمی کوردستان له‌ راگه‌یه‌ندراوێكدا، داوا لە حکومەتی تورکیا و چەکدارانی پەکەکە دەکات نەبنە هۆی زیانگەیاندن بە هاووڵاتیانی هەرێمی کوردستان.

ڕێکخەری ڕاسپاردە نێودەوڵەتییەکان: لە هەرێم چەندین هاووڵاتیی بیانی بە تۆمەتی پەیوەندیکردنیان بە تیرۆرەوە دەستگیر کراون

MONDAY, 19 AUGUST 2019 16:08:11

هه‌ولێر-KDP.info- لە ئەنجامی هێرشی تیرۆریستانی داعش بۆ سەر چەند ناوچەیەکی کوردستان سەدان هەزار کەس لەو ناوچانە کە کەوتبوونە ژێردەسەڵاتی داعش ڕوویان لە هەرێمی کوردستان کرد، لەو کاتەدا جیاکردنەوەی هاووڵاتیانی ئاسایی و ئەوانەی پەیوەندییان بە داعشەوە هەیە کارێکی ئاسان نەبوو و ئاستەنگی زۆری بۆ لایەنە ئەمنییەکان دروست دەکرد. بۆیە ڕێوشوێنی ئەمنی گیراوەتە بەر بۆ پاراستنی سەلامەتیی هاووڵاتیان و خودی ئاوارەکان و ڕێگانەدان بە دزەکردنی تیرۆریستان بۆ نێو هاووڵاتیان بۆ پاراستنی سەروماڵی هاووڵاتیانی هەرێم بە ئاوارەکانیشەوە، لە میانەی ئەم ڕێوشوێنانەدا لە لایەن دەزگا ئەمنییەکانی حکوومەتی هەرێمی کوردستانەوە چەندین کەس بە تۆمەتی پەیوەندییان بە داعشەوە دەستگیر کران.

 

مەیادە نەجاڕ: بەبێ جێگیرکردنی داخوازییەکانی ھەرێم ڕێگە نادەین بودجە تێپەڕێت

MONDAY, 19 AUGUST 2019 16:08:14

بەغدا -KDP.info- پەرلەمانتارێکی پارتی لە بەغدا پێی وایە دەنگدان لەسەر پڕۆژەیاسای بودجە پێویستی بە ڕێککەوتن لە نێوان ھەرێم و بەغدادا ھەیە. دەشڵێ، بەبێ جێگیرکردنی داخوازییەکانی ھەرێمی کوردستان ڕێگە نادەن پڕۆژەیاسای بودجەی عێراق تێپەڕێت.

 

تۆماركردنی سكاڵا له‌ هه‌رێمی كوردستان ده‌كرێته‌ ئه‌لكترۆنی

MONDAY, 19 AUGUST 2019 13:08:25

هه‌ولێر-KDP.info-  گوته‌بێژی ده‌سته‌ی سه‌ربه‌خۆی مافی مرۆڤ له‌ هه‌رێمی كوردستان دەڵێ، له‌مه‌ودوا هاووڵاتیانی هه‌رێمی كوردستان له‌ هه‌ر شوێنێك بن، ده‌توانن له ‌رێگه‌ی ئه‌لكترۆنی و ‌سایتی ده‌سته‌ی سه‌ربه‌خۆی مافی مرۆڤ سكاڵا تۆمار بكه‌ن، دواتریش هه‌ر له‌رێگه‌ی ئه‌لكترۆنی ئه‌نجامی سكاڵاكه‌یان بۆ ره‌وانه‌ ده‌كرێتە‌وه. 

 
پەرلەمانتارێکی پارتی"سبەی پەرلەمانی کوردستان لەبارەی پڕۆژە یاسای خانووی زێدەڕۆ کۆدەبێتەوە"

MONDAY, 19 AUGUST 2019 12:08:46

ھەولێر-KDP.info-بڕیارە سبەی لیژنەی شارەوانییەکان لە پەرلەمانی کوردستان سەبارەت بە پڕۆژە یاسای خانووە زێدەڕۆکان کۆببێتەوە و پەرلەمانتارێکی پارتیش دەڵێ، پێداچوونەوە بە نرخی تاپۆکردنی خانووەکان دەکەین بەشێوەیەک رەوشی ئابووری خەڵکی ھەژار لەبەربەرچاو بگیرێت.

 



 
© 2018 Kurdistan Democratic Party, KDP