Kurdî  ■  كوردی  ■  عربي
TUE, 19 MAR 2019 13:48 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

شارەزایان دەڵێن، سەرەتای کوردستانێکی بەهێز دەرکەوت
| KDP.info


سلێمانی-KDP.info-  شارەزایانی نێودەوڵەتی دەربارەی سەردانی وەزیری دەرەوەی ئەمەریکا بۆ هەولێر دەڵێن، ئەو سەردانە مەسجێکە بۆ دەرکەوتنی سەرەتای کوردستانێکی بەهێز و نیشانەی بایەخدانی ئەمەریکاشە بە هەرێمی کوردستان.

دڵشاد نامیق، شاره‌زای نێوده‌وڵه‌تی، به‌ ماڵپه‌ڕی فه‌رمیی پارتی دیموكراتی كوردستانی ڕاگه‌یاند: "سه‌ردانی وه‌زیری ده‌ره‌وه‌ی ئه‌مەریكا درێژه‌ی ئه‌و سه‌ردانانه‌ی گه‌وره‌به‌رپرسانی وڵاتانی جیهانه‌ بۆ كوردستان كه‌ سه‌ره‌تای چاوه‌ڕوانیی حكوومه‌ت و گه‌لی كوردە بۆ به‌هێزیی كوردستان له‌ ئاستی نێوخۆ و جیهاندا".

دڵشاد نامیق دەشڵێت: "سه‌ردانی گه‌وره‌وه‌زیرانی وڵاتانی جیهان، له‌ ناویاندا وه‌زیری ده‌ره‌وه‌ی ئه‌مەریكا بۆ كوردستان، په‌یامێكه‌ بۆ عێراق و وڵاتانی ده‌ورووبه‌ر کە كوردستان وه‌ك هه‌رێمێكی دامەزراوەیی، ڕۆڵی یه‌كلاكه‌ره‌وه‌ی  له‌ عێراقدا هەیە و لای ئه‌مەریكا كورد ناوه‌ندێكی بڕیاری گرنگه‌ و ئه‌مەریكا پشت له‌ كورد ناكات و پێگه‌ی كوردستانی له ناوچه‌كه‌ له‌به‌رچاو گرتووە‌".

شاره‌زایان دەڵێن، خه‌ونی گۆشه‌گیریی كوردستان كۆتایی هات و پێگه‌ی هه‌رێمه‌كه‌مان به‌هێزه‌. سیروان حەمه‌شه‌ریف، شاره‌زای نێوده‌وڵه‌تی گوتی: "به‌رده‌وامیی سه‌ردانی وه‌زیری ده‌ره‌وه‌ و به‌رگریی وڵاتانی دنیا بۆ كوردستان له‌ دوای كاره‌ساتی 16ی ئۆكتۆبه‌ر، كۆتایی ئه‌و خه‌ونەیە كه‌ له ‌ئاستی نێوخۆیی و عێراق و هه‌رێمیدا بۆ كۆتاییهێنان به‌ قه‌واره‌ی سیاسیی هه‌رێمی كوردستان و دابڕینی كوردستان له دنیای ده‌ره‌وه‌ هه‌وڵی بۆ دەدرا".

حەمه‌شه‌ریف گوتی: "سه‌ردانی وه‌زیری ده‌ره‌وه‌ی ئه‌مەریكا و وڵاتانی دیكه‌ بۆ لای جه‌نابی سه‌رۆك بارزانی ئه‌وه‌مان پێ ده‌ڵێت، کە ئه‌وه‌ به‌هێزیی سه‌رۆك بارزانییه‌ له ئاستی جیهاندا توانیویه‌تی كۆتایی بە ته‌واوی ئه‌و هه‌وڵانه‌ بهێنێت کە بۆ گۆشه‌گیریی كوردستان و دابڕانی لە دنیای ده‌ره‌وه‌ لە ئارادا بوون و جیهان دەڕوانێتە پێگه‌ی به‌هێزی به‌ڕێزیان".

ئه‌و شارزای نێوده‌وڵه‌تییه‌ پێی وایه‌: "ناکرێ پێگه‌ی كوردستان له‌به‌رچاو نه‌گیرێت و فه‌رامۆش بكرێت، چونكه‌ پێگه‌ی كوردستان به‌هێزه‌ و وڵاتان خواستی پێوه‌ندیی پته‌ویان له‌گه‌ڵ حكوومه‌ت و گه‌لی كوردستان هه‌یه‌".

هێڤیار هه‌ڵه‌بجه‌یی

 




دوایین هەواڵەکان

لایەكی شەقامی 100 مەتریی هەولێر نۆژەن كرایەوە

TUESDAY, 19 MARCH 2019 11:03:16

ھەولێر-KDP.info- بە گوژمەی ٥٥٢ ملیۆن دینار و لەسەر ئەركی شارەوانیی ھەولێر، قیرتاوكردنی شەقامی ١٠٠ مەتریی شاری ھەولێر دەستی پێكرد، نۆژەنكردنەوەی شەقامەكەش بە سێ قۆناغ دەبێت و قۆناغی یەكەم لە شەقامی سەرەكیی شەقڵاوە تاوەكو شەقامی سەرەكیی كۆیە دەبێت.

 
چاوی بازرگانانی جیھان لەسەر ھەرێمی كوردستانە

TUESDAY, 19 MARCH 2019 11:03:00

ھەولێر-KDP.info- بەرپرسی راگەیاندنی ژووری بازرگانی گوتی، ئێستا دۆخی بازرگانی لە كوردستان گەیشتووەتە ئاستێكی زۆر بەرز و تەنیا لە ماوەی چوار مانگی ڕابردوودا ١٣ شاندی بیانی سەردانی ھەرێمی كوردستانیان كردووە و چەندین شاندی دیكەی بازرگانییش بەنیازن بێنە ھەرێمی كوردستان.

 
هەولێر ھەموو ئامادەكاریەكی كردووە بۆ جه‌ژنی نه‌ورۆز

TUESDAY, 19 MARCH 2019 10:03:27

ھەولێر-KDP.info- بەرپرسی راگەیاندنی پارێزگای ھەولێر دەڵێ، بڕیارە سبەی لە ھەولێر لە دوو شوێن ئاگری نەورۆز بكرێتەوە و بەرپرسانی حیزبی و حكوومی و نوێنەرانی وڵاتانیش، بۆ مەراسیمی ئاگركردنەوەكە بانگھێشت كراون.

 
ماڵپه‌ڕی KDP ئەو لیژنانەی سەرۆكایەتییەكەیان بەر پارتی دەكەوێت ئاشكرا دەكات

TUESDAY, 19 MARCH 2019 10:03:42

هەولێر-KDP.info- گوتەبێژی فراكسیۆنی پارتی لە پەرلەمانی كوردستان، ناوی ئەو لیژنانەی سەرۆكایەتییەكەیان بەر فراكسیۆنی پارتی دەكەوێت، بۆ ماڵپەری فەرمیی پارتی دیموكراتی كوردستان ئاشكرا دەكات و ڕایدەگەیەنێت، ئەمڕۆ دەستەی سەرۆكایەتیی سەرجەم لیژنەكان یەكلا دەكرێنەوە و رێككەوتنیشیان لەبارەوە كراوە.

 
شوانی بۆ KDP: هەرێم و بەغدا لەسەر بابەتی نەوت و دارایی كۆ ده‌بنەوە

TUESDAY, 19 MARCH 2019 10:03:24

هەولێر-KDP.info- سكرتێری ئەنجوومەنی باڵای ئابووری لە ئەنجوومەنی وەزیرانی هەرێم دەڵێ، ئابووریی هەرێم بەرەو باشتر دەچێ و تۆكمەتر دەبێت، بەم زووانەش شاندی هەرێم و بەغدا لەسەر بابەتی نەوت و دارایی كۆ دەبنەوە و گفتوگۆ لەگەڵ وەزارەتی نەوتی عێراق دەكرێت بۆ گەیشتن بە ڕێككەوتنێكی تازە.

 


 
© 2018 Kurdistan Democratic Party, KDP