Kurdî  ■  كوردی  ■  عربي
MON, 17 JUN 2019 18:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نووری حەمە عەلی: ئەمەریکا کەیوەن دەکاتە سەربازگەیەکی گەورە لە ناوچەکەدا
| KDP.info


کەرکووک-KDP.info- ماوەی چەند ڕۆژێکە ئەمەریکا ھێز ڕەوانەی شاری کەرکووک دەکات و بە پێی ئەو زانیاریانەی لە کەرکووکەوە بڵاو دەکرێنەوە، ئەمەریکا ھێزێکی زۆری سەربازیی ڕەوانەی سەربازگەی کەیوەنی نزیک کەرکووک کردووە. بەرپرسێکی پێشمەرگەش نایشارێتەوە لە چەند مانگی داھاتوودا گۆڕانکاری گەورە ڕوو دەدات.

نووری حەمە عەلی، بەرپرسی میحوەری ڕۆژئاوای کەرکووکی ھێزی پێشمەرگەی کوردستان ئاماژەی بۆ ئەوە کرد: "ئەمەریکا ھێزێکی زیادەی ناردووە بۆ سەربازگەی کەیوەنی شاری کەرکووک و لەوێ جێگیری کردوون، بەڵام ھێشتا ئەجێندای سەرەکیی جێگیرکردنی ھێزی ئەمەریکا لە سەربازگەی کەیوەن بە دروستی دیار نییە، بەڵام بێگومان جێگیرکردنی ھێزی ئەمەریکا بەو قەبارەیەی ئێستا، پلانی خۆیانی تێدا ھەیە."

بەرپرسی میحوەری ڕۆژئاوای کەرکووک بۆ ماڵپەڕی فەرمیی پارتی دیموکراتی کوردستان گوتیشی: "ئێمە زانیاریمان لەبەردەستە کە ئەمەریکا داوای لەو ھێزانەی عێراق کردووە کە لە سەربازگەی کەیوەنن شوێنەکەیان بۆ چۆڵ بکەن، تا ھەموو ھێزەکانی ئەمەریکا لە کەیوەن کۆ ببنەوە و بکرێتە سەربازگەیەکی گەورەی ئەمەریکا."

نووری حەمە عەلی دەڵێت: "سیناریۆی زۆر ھەنە لەبارەی ئەمەریکاوە، بەڵام ھەمووی ھی ئەوە نییە بڵاوی بکەینەوە، پێشبینی دەکەین لە بەھاری ئەمساڵدا ھەندێ گۆڕانکاریی بەرچاو لە گۆڕەپانی سیاسیی عێراقدا ڕوو بدەن، بەتایبەتی لە ناوچە سوننەنشینەکان."

قائید میرۆ


 




دوایین هەواڵەکان

"جاری سێیەمە فەرمانی گرتن بۆ پارێزگاری سەپێندراوی کەرکووک دەردەچێت"

MONDAY, 17 JUNE 2019 17:06:22

کەرکووک -KDP.info- ئەمە بۆ جاری سێیەمە  فەرمانی گرتن بۆ پارێزگاری سەپێندراوی کەرکووک دەردەچێت، بەڵام ھێشتا دەستگیر نەکراوە. بەرپرسێکی پارتییش دەڵێ، ھەرجارێک فەرمانی گرتنی بۆ دەربچێت، دەچێتە بەغدا و چاوپۆشی لە دەستگیرکردنەکەی دەکرێت.

 

لیژنەی یاسایی: پشووی پەرلەمان کاریگەریی لەسەر دەنگدان بە کابینەی نوێی حکوومەت نابێت

MONDAY, 17 JUNE 2019 17:06:00

ھەولێر -KDP.info- سەرۆکی لیژنەی یاساییی پەرلەمانی کوردستان گوتی، بڕیارە سەرەتای مانگی داھاتوو پەرلەمان بکەوێتە پشووی ھاوینە، بەڵام کاریگەریی لەسەر  دەنگدان لەسەر حکوومەتی نوێ نابێت و ھەرکاتێک کابینە ئامادە بوو، پەرلەمان دەتوانێ کۆ بێتەوە و دەنگی لەسەر بدات و پەسەندی بکات.

 

مە‌سروور بارزانی: هاوڵاتیان له‌ چاوه‌ڕوانی پێكهێنانی حكوومه‌ت ناهێڵینه‌وه‌

MONDAY, 17 JUNE 2019 17:06:52

سلێمانی-KDP.info - دووای كۆبوونه‌وه‌ی مه‌سروور بارزانی ڕاسپێردراو بۆ پێكهێنانی حكوومه‌ت، له‌ كۆنگره‌یه‌كی ڕۆژنامه‌وانیدا ڕایگه‌یاند:"هاوڵاتییان له‌ چاوه‌ڕوانی پێكهێنانی حكوومه‌ت ناهێڵینه‌وه‌..هاوکات جه‌لال جه‌وهه‌ر ئه‌ندامی خانه‌ی ڕاپه‌ڕاندنی گۆڕان ڕایگه‌یاند، له‌كاتی خۆیدا ناوی كاندیدانمان ڕاده‌ستی مه‌سروور بارزانی ده‌كه‌ین.

سەرۆك بارزانی پێشوازی لە نەجمەدین كەریم دەكات

MONDAY, 17 JUNE 2019 16:06:29

هەولێر-KDP.info-  ڕۆژی دووشەممە 17ـی 6ـی 2019 لە سەلاحەددین سەرۆك مەسعود بارزانی پێشوازی لە كەسایەتی و سیاسەتمەداری كورد نەجمەدین كەریم كرد.

مه‌سروور بارزانی: له‌ كاتی یاساییی خۆیدا حكوومه‌ت پێك ده‌هێنین

MONDAY, 17 JUNE 2019 15:06:07

سلێمانی-KDP.info - كۆبوونه‌وه‌ی مه‌سروور بارزانی له‌گه‌ڵ حزبی سۆسیالیست كۆتایی هات و ڕایگه‌یاند، هیوایان وایه‌ له‌ پێش 30ی 6 حكوومه‌تی نوێ هه‌رێم ڕابگه‌یه‌نن.



 
© 2018 Kurdistan Democratic Party, KDP