Kurdî  ■  كوردی  ■  عربي
TUE, 19 MAR 2019 13:50 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

قاسم شەشۆ: تا نیوەڕۆ مۆڵەتمان داوە بە حەشدی شەعبی
| KDP.info


 

شنگال-KDP.info-   فەرماندەی ھێزەکانی پێشمەرگەی ئێزدی لە شنگال دەڵێ، حەشدی‌شەعبی پیشمەرگە دەستبەسەرکراوەکانمان ئازاد نەکات و بە دەم داواکەیانەوە نەچێت، لە دوانیوەڕۆوە هەڵوێست و کاردانەوەیان دەبێ.

شەوی ڕابردوو و لە ناکاو و بێ هیچ هۆکار و پاساوێک، حەشدی شەعبی چوونەتە سەر ھێزەکانی پێشمەرگەی ئێزیدخان و ٢٤کەسیان لێ دەستگیر کردوون، فەرماندەی ھێزەکانی پێشمەرگەی ئێزدی لە شنگالیش دەڵێ، مۆڵەتیان داوەنەتێ و بەدەم داواکەیانەوە نەچن کاردانەوەیان دەبێت.

قاسم شەشۆ، بۆ ماڵپەڕی فەرمیی پارتی دیموکراتی کوردستان گوتی، "شەوی ڕابردوو ھێزەکانی حەشدی شەعبی وەکو تیرۆریست چوونەتە سەر ھێزەکانی ئێزدیخان و ٢٤پێشمەرگەیان دەستگیر کردوون.
ئێمەش تا نیوەڕۆ مۆڵەتمان داوەتە حەشدی شەعبی ئەگەر ئازادیان نەکەن کاردانەوە و ھەڵوێستمان دەبێت."

گوتیشی، "ھیچ ھۆکارێک نییە کە ھێرشیان کردووەتە سەر پێشمەرگەی ئێزدیخان و، تەنھا ھۆکار ئەوەیە، دەیانەوێت فیتنە لە شنگال دروست بکەن."

بڵند ئیبراھیم         




دوایین هەواڵەکان

لایەكی شەقامی 100 مەتریی هەولێر نۆژەن كرایەوە

TUESDAY, 19 MARCH 2019 11:03:16

ھەولێر-KDP.info- بە گوژمەی ٥٥٢ ملیۆن دینار و لەسەر ئەركی شارەوانیی ھەولێر، قیرتاوكردنی شەقامی ١٠٠ مەتریی شاری ھەولێر دەستی پێكرد، نۆژەنكردنەوەی شەقامەكەش بە سێ قۆناغ دەبێت و قۆناغی یەكەم لە شەقامی سەرەكیی شەقڵاوە تاوەكو شەقامی سەرەكیی كۆیە دەبێت.

 
چاوی بازرگانانی جیھان لەسەر ھەرێمی كوردستانە

TUESDAY, 19 MARCH 2019 11:03:00

ھەولێر-KDP.info- بەرپرسی راگەیاندنی ژووری بازرگانی گوتی، ئێستا دۆخی بازرگانی لە كوردستان گەیشتووەتە ئاستێكی زۆر بەرز و تەنیا لە ماوەی چوار مانگی ڕابردوودا ١٣ شاندی بیانی سەردانی ھەرێمی كوردستانیان كردووە و چەندین شاندی دیكەی بازرگانییش بەنیازن بێنە ھەرێمی كوردستان.

 
هەولێر ھەموو ئامادەكاریەكی كردووە بۆ جه‌ژنی نه‌ورۆز

TUESDAY, 19 MARCH 2019 10:03:27

ھەولێر-KDP.info- بەرپرسی راگەیاندنی پارێزگای ھەولێر دەڵێ، بڕیارە سبەی لە ھەولێر لە دوو شوێن ئاگری نەورۆز بكرێتەوە و بەرپرسانی حیزبی و حكوومی و نوێنەرانی وڵاتانیش، بۆ مەراسیمی ئاگركردنەوەكە بانگھێشت كراون.

 
ماڵپه‌ڕی KDP ئەو لیژنانەی سەرۆكایەتییەكەیان بەر پارتی دەكەوێت ئاشكرا دەكات

TUESDAY, 19 MARCH 2019 10:03:42

هەولێر-KDP.info- گوتەبێژی فراكسیۆنی پارتی لە پەرلەمانی كوردستان، ناوی ئەو لیژنانەی سەرۆكایەتییەكەیان بەر فراكسیۆنی پارتی دەكەوێت، بۆ ماڵپەری فەرمیی پارتی دیموكراتی كوردستان ئاشكرا دەكات و ڕایدەگەیەنێت، ئەمڕۆ دەستەی سەرۆكایەتیی سەرجەم لیژنەكان یەكلا دەكرێنەوە و رێككەوتنیشیان لەبارەوە كراوە.

 
شوانی بۆ KDP: هەرێم و بەغدا لەسەر بابەتی نەوت و دارایی كۆ ده‌بنەوە

TUESDAY, 19 MARCH 2019 10:03:24

هەولێر-KDP.info- سكرتێری ئەنجوومەنی باڵای ئابووری لە ئەنجوومەنی وەزیرانی هەرێم دەڵێ، ئابووریی هەرێم بەرەو باشتر دەچێ و تۆكمەتر دەبێت، بەم زووانەش شاندی هەرێم و بەغدا لەسەر بابەتی نەوت و دارایی كۆ دەبنەوە و گفتوگۆ لەگەڵ وەزارەتی نەوتی عێراق دەكرێت بۆ گەیشتن بە ڕێككەوتنێكی تازە.

 


 
© 2018 Kurdistan Democratic Party, KDP