Kurdî  ■  كوردی  ■  عربي
SUN, 21 APR 2019 20:05 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

په‌رله‌مانتارانی كورد چه‌ند مادده‌یه‌كی ده‌ستووریی ده‌ورووژێنن
| KDP.info


 

هه‌ولێر-KDP.info-  كۆبوونه‌وه‌كانی ئه‌نجوومه‌نی نوێنه‌رانی عێراق به‌رده‌وامه‌ و له‌ كۆبوونه‌وه‌ی ئه‌مرۆیشدا به‌ هیچ شێوه‌یه‌ك باس له‌ وه‌زیره‌كانی كابینه‌ی نوێی حكوومه‌تی به‌غدا ناكرێ. له‌و نێوه‌دا په‌رله‌مانتارانی كورد ده‌یانه‌وێ چه‌ند مادده‌یه‌كی ده‌ستووریی بورووژێنن.

به‌رنامه‌ی كاری ئه‌مڕۆی په‌رله‌مان چه‌ند خاڵێك له‌خۆ ده‌گرێ و یه‌ك له‌وانه‌ سوێندخواردنی چه‌ند په‌رله‌مانتارێكی خوولی نوێیه‌. له‌و كۆبوونه‌وه‌یه‌دا باس له‌ چه‌ند مادده‌ی ده‌ستووری و یاسایی ده‌كرێ كه‌ تا ئێستا جێبه‌جێ نه‌كراون.
كاری په‌رله‌مانی نوێ به‌غدا تا ئێستا به‌ ته‌واوی ڕێره‌وی خۆی نه‌گرتووه‌ و هه‌ر بۆیه‌ به‌جێی ئه‌وه‌ی په‌رله‌مانتاران 48 سه‌عات پێشتر ئاگاداری به‌رنامه‌ی كار بن، به‌ چه‌ند سه‌عاتێك پێشتر پێیان ده‌گات.

ڤیان سه‌بری سه‌رۆكی فراكسیۆنی پارتی دیموكراتی كوردستان له‌ ئه‌نجوومه‌نی نوێنه‌رانی به‌غدا، گله‌یی له‌وباره‌یه‌وه‌ هه‌یه‌ و ده‌ڵێ، به‌ هیچ شێوه‌یه‌ك ئه‌مڕۆ باس له‌ چه‌ند وه‌زیرێكی كابینه‌ی نوێی حكوومه‌ته‌كه‌ی عادل عه‌بدولمه‌هدی ناكرێ.
ڤیان سه‌بری به‌ ماڵپه‌ڕی فه‌رمیی پارتی دیموكراتی كوردستان ده‌ڵێ، "چه‌ند بڕگه‌یه‌كی به‌رنامه‌ی كاری ئه‌مڕۆ پێوه‌ندیی به‌ هه‌رێمی كوردستانه‌وه‌ نییه‌، به‌ڵام له‌ بڕگه‌یه‌كدا ده‌كرێ باس له‌و مادده‌ ده‌ستووری و یاساییانه‌ بكه‌ین كه‌ تا ئێستا جێبه‌جێ نه‌كراون و ئه‌مه‌ش به‌شێك له‌ كاری ئێستا و داهاتوومان ده‌بێت."

ساڵی 2005 نزیك به‌ 80%ی خه‌ڵكی عێراق ده‌نگیان به‌ ده‌ستووری هه‌میشه‌یی وڵاتیان دا، به‌ڵام تا ئێستایش نزیك به‌ 50 مادده‌ی لێ جێبه‌جێ نه‌كراوه‌ و هه‌ر ئه‌مه‌ش بووه‌ته‌وه‌ هۆی دروستبوونی چه‌ند كێشه‌یه‌كی هه‌ڵپه‌سێردراو له‌ نێوان حكوومه‌ته‌كانی به‌غدا و هه‌ولێردا.

دامه‌زراندنی ئه‌نجوومه‌نی فیدراڵی یه‌ك له‌و مادده‌ ده‌ستوورییانه‌یه‌ كه‌ كورد به‌ به‌رده‌وامی دووپاتی لێ كردووه‌ته‌وه‌، به‌ڵام لایه‌كانی دیكه‌ی عێراق خۆیان له‌ جێبه‌جێكردنی لاداوه‌.
ئه‌و ئه‌نجوومه‌نی فیدراڵییه‌ یه‌كێك له‌و خاڵانه‌یه‌ كه‌ پارتی دیموكراتی كوردستان له‌ دوابانگه‌شه‌ی هه‌ڵبژاردنیدا، دووپاتی له‌ دامه‌زراندنی ده‌كرده‌وه‌ و له‌ خوولی نوێی په‌رله‌مانی به‌غدادا هه‌وڵی بۆ ده‌دات.

كاوه‌ جه‌م 




دوایین هەواڵەکان

گۆڕان: لە ماوەیەکی نزیکدا حکوومەت پێک دەهێنرێت..پابەندی رێککەوتنەکەمانین لەگەڵ پارتی

SUNDAY, 21 APRIL 2019 18:04:52

هەولێر-KDP.info-  ئەندامێکی شاندی دانوستانکاری پێکهێنانی حکوومەت لە بزووتنەوەی گۆڕان ڕایگەیاند، ئەوان لەگەڵ پارتی لە گفتوگۆدان بۆ گەیشتن بە قۆناغی دواییی پێکهێنانی حکوومەتی نوێی هەرێمی کوردستان.

 
راگەیاندنی پارتی پەیامێکی پیرۆزبایی بەبۆنەی ساڵیادی رۆژنامەگەری کوردی راگەیاند

SUNDAY, 21 APRIL 2019 18:04:02

هەولێر-KDP.info-   دەزگای رۆشنبیریی و راگەیاندنی پارتی دیموكراتی كوردستان بەبۆنەی (121)یەمین ساڵیادی رۆژنامەگەریی كوردی پەیامێکی پیرۆزبایی راگەیاند کە ئەمە دەقەکەیەتی:

"کۆمەڵێک بازرگانی کورد یاوەری عادل عەبدولمەهدی بوون بۆ سعوودیە"

SUNDAY, 21 APRIL 2019 17:04:44

بەغدا-KDP.info-  ئەندامێکی ئەنجوومەنی نوێنەرانی عێراق لە فراکسیۆنی پارتی دەڵێ، کۆمەڵێک بازرگانی کوردیش لەگەڵ سەرۆکوەزیرانی عێراقی فیدراڵ سەردانی سعوودیایان کردبوو.

 
"ژاپۆن دەیەوێ ئەزموونی خۆی بگوازێتەوە ھەرێمی کوردستان"

SUNDAY, 21 APRIL 2019 17:04:00

هەولێر-KDP.info-  سەرۆکی ڕێکخراوی کوردی_ژاپۆنی، ئاماژەی بۆ ئەوە کرد، بڕیارە ژمارەیەک کۆمپانیای ژاپۆنی بۆ کارکردن بێنە ھەرێمی کوردستان و دەشڵێت، ژاپۆن دەیەوێ ھەرێمی کوردستان سوود لە ئەزموونە پێشکەوتووەکەیان وەربگرێت.

 
شاندێکی پەرلەمانی کوردستان لە بەغدا لەگەڵ نوێنەری پەرلەمانی وڵاتانی دراوسێ کۆوونەوە

SUNDAY, 21 APRIL 2019 17:04:40

هەولێر-KDP.info-  سه‌رۆكی لێژنه‌ی په‌یوه‌ندییه‌كانی ده‌ره‌وه‌ و ڕه‌وه‌ندی كورد له‌ په‌رله‌مانی كوردستان ئاماژه‌ به‌وه‌ ده‌كات كه‌ شاندێكی په‌رله‌مانی كوردستان له‌ به‌غدا به‌شداریی له‌ كۆڕبه‌ندێكی گه‌وره‌ی ناوچه‌كەدا‌ كردووه‌ و له‌وێش دیداری گرنگ ئه‌نجام دراوه‌.

 


 
© 2018 Kurdistan Democratic Party, KDP