Kurdî  ■  كوردی  ■  عربي
FRI, 24 MAY 2019 14:49 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مالیكی: بارزانی پاشەكشەی لە هەڵوێستەكانی لەبارەی سەربەخۆییی كوردستانه‌وه‌ نەكردووە
| KDP.info


 

بەغدا-KDP.info- جێگری سەرۆكوەزیرانی پێشووی عێراق، نووری مالیكی، ئاشكرای كردووە كە سەرۆك بارزانی پاشەكشەی لە هەڵوێستەكانی لەبارەی سەربەخۆییی كوردستان نەكردووە. مالیكی لە چاوپێكەوتنێكیدا لەگەڵ ماڵپەڕی ئینتخاب، باسی لە چاوپێكەوتنی خۆی لەگەڵ سەرۆك بارزانیدا كردووە.

رۆژی 11ی مانگی رابردوو، سەرۆك بارزانی بە سەردانێك گەییشتە بەغدا و لەگەڵ سەرۆكوەزیرانی بەغدا و سەرۆكی پەرلەمانی عێراق و چەند سەركردەیەكی سیاسیی ئەو وڵاتە كۆ بووەوە. ئەمە یەكەم سەردانی سەرۆك بازرانییە پاش ریفراندۆمی سەربەخۆییی كوردستان كە رۆژی 25ی ئەیلوولی ساڵی رابردوو بەڕێوە چوو.

سەرۆك بارزانی لە میانەی سەردانەكەیدا لەگەڵ نووری مالیكی، سەرۆكوەزیرانی پێشووی عێراقیش كۆ بووەوە و وەك مالیكی دەڵێ، باسیان لە دۆخی ناوخۆی عێراق و پێوەندییەكانی نێوان هەولێر و بەغدا كردووە.

مالیكی لە چاوپێكەوتنێكیدا لەگەڵ ماڵپەڕی ئینتخاب، دەڵێ، "بارزانی پاشەكشەی لە هەڵوێستەكانی لەبارەی سەربەخۆییی كوردستان نەكردووە. هەڵبەت ئەم قسەیەیش راستە كە بەغدا پێویستی بە هەولێر هەیە و بە پێچەوانەیشەوە. هەرێمی كوردستان مەیلی هەیە كە بۆ بەغدا بگەڕێتەوە و لێكتێگەییشتن و رێككەوتنیش لەگەڵ بەغدا و دەوڵەتی عێراق هەیە. ئەم مەیلە هەیە، بەڵام قسەیەك لەو بارەیەوە نەكراوە. ئەوان دووپاتیان كردووەتەوە كە وازیان لە رەوتی سەربەخۆییی كوردستان نەهێناوە."

ساڵی رابردوو و لە كاتی بەڕێوەچوونی بانگەشەی ریفراندۆمی سەربەخۆییی كوردستان، زۆربەی سەركردایەتیی سیاسیی كورد دووپاتیان لەوە دەكردەوە كە بەغدا قووڵایی ستراتیژی هەرێمی كوردستان و بەڕێوەچوونی ریفراندۆم، نیشانەی راگەیاندنی راستەوخۆی سەربەخۆیی نییە، بەڵكوو ئامادەن لەوبارەیەوە و بۆ ماوەیەكی دیاریكراو، لەگەڵ بەغدا بكەونە دانوستانەوە.

 




دوایین هەواڵەکان

نووسینگەی ڕاگەیاندنی بارەگای بارزانی ڕوونکردنەوەیەک بڵاوده‌كات

THURSDAY, 23 MAY 2019 23:05:13
ڕوونکردنەوەیەک لە نووسینگەی ڕاگەیاندنی بارەگای بارزانی
 
حه‌فته‌ى داهاتوو په‌رله‌مان ده‌نگ بۆ سه‌رۆكى هه‌رێمى كوردستان ده‌دات

THURSDAY, 23 MAY 2019 17:05:15

هه‌ولێر-KDP.info- سه‌رۆكى فراكسیۆنى زه‌رد له‌ په‌رله‌مانى كوردستان ده‌ڵێ، هه‌موو ئاماده‌كارییه‌ك بۆ هەڵبژاردنى سه‌رۆكى هه‌رێمى كوردستان كراوه‌ و ناوه‌ڕاستى حه‌فته‌ى داهاتوو دانیشتنى په‌رله‌مان بۆ ئه‌م پرۆسه‌یه‌ به‌ڕێوه‌ ده‌چێت و په‌رله‌مان ده‌نگ بۆ سه‌رۆكى هه‌رێمى كوردستان ده‌دات.

"بە نه‌بوونی پێشمه‌رگه‌ له‌ ناوچه‌ کوردستانییەکاندا داعش سه‌ری هه‌ڵداوه‌ته‌وه‌"

THURSDAY, 23 MAY 2019 16:05:22

ناوچە کوردستانییەکان -KDP.info- تیرۆریستانی داعش له‌ ناوچه‌ کوردستانییەکانی ده‌ره‌وه‌ی ئیداره‌ی هه‌رێمی كوردستان دەستیان بە جووڵه‌ی تیرۆریستی و سووتاندنی كشتوكاڵی جووتیاران و وه‌رگرتنی سه‌رانه‌ی له ‌هاووڵاتییان كردووه‌ته‌وه. شاره‌زایه‌كی گرووپه‌ ئیسلامییه‌ تونده‌ڕۆ‌كانیش ده‌ڵێ، موخابه‌راتی وڵاتان به‌ مه‌به‌ستی خۆیان داعش بەكار ده‌هێنن، نه‌بوونی پێشمه‌رگه‌ش له ‌ناوچه‌ كوردستانییه‌كان ڕێگه‌خۆشكه‌ر بووه‌ بۆ سه‌رهه‌ڵدانه‌وه‌ی داعش.

لیوا بابەکر: ئەو شوێنانە لە ناوچە کوردستانییەکان دیاری کراون کە پێشمەرگە تێیدا جێگیر دەکرێت

THURSDAY, 23 MAY 2019 16:05:14

هەولێر-KDP.info- دانوستان لە نێوان ھەردوو وەزارەتی پێشمەرگە و بەرگریی عێراقدا لەبارەی ڕەوشی ئەمنییەوە بەردەوامە و، بەرپرسێکی وەزارەتی پێشمەرگەش ئاشکرای کرد، بەردەوام زانیاریگۆڕینەوە لەسەر داعش ھەیە و شوێنیش بۆ گەڕانەوەی پێشمەرگە دیاری کراوە، بەڵام بڕیاری کۆتایی ماوە.

عەبدوڵڵا گەدۆ: بەهۆی ناکۆکییەکانەوە ناوچەی ئارام دیاری نەکراوە

THURSDAY, 23 MAY 2019 16:05:38

ڕۆژئاوای کوردستان -KDP.info- ئەمەریکا چەندین جارە دووپاتی دەکاتەوە کە دەبێ ناوچەیەکی ''ئارام'' لە سووریا دیاری بکرێت، بەڵام شێواز و چۆنیەتیی بەڕێوەبردنی ئەو ناوچەیەی دیار نەکردووە. سیاسەتمەدارێکی دیاری ڕۆژئاوای کوردستانیش دەڵێت، ئەمەریکا دەیەوێ هاوسەنگیی سیاسیی خۆی لە ڕۆژئاوا بپارێزرێت، بۆیە هەنگاوەکانی دیاریکردنی ناوچەی ئارام هەڵناگیرێن.



 
© 2018 Kurdistan Democratic Party, KDP