Kurdî  ■  كوردی  ■  عربي
WED, 21 NOV 2018 01:28 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

گفتوگۆی ناڕاستەوخۆ له‌ نێوان پارتی و لایەنەكاندا هه‌بووە.. پارتی دوو لیژنە پێك دەهێنێت
| KDP.info


 

هەولێر-KDP.info- بەرپرسی مەكتەبی پەیوەندییەكانی پارتی رایدەگەیێنێت، بەم زووانە دوو لیژنە بۆ یەكلاكردنەوەی سەرۆكایەتیی پەرلەمان و پێكهێنانی كابینەی نوێ پێك دەهێنن. دەشڵێ، گفتوگۆی ناڕاستەوخۆ لەگەڵ لایەنەكاندا كراوە.

٦ی ئەم مانگە، یەكەم دانیشتنی خولی پێنجەمی پەرلەمانی هەرێمی كوردستان كرا و كاندیدە دەرچووەكان سوێندی یاساییان خوارد و بەپێی یاسا بوونە پەرلەمانتاری خولی نوێ، عەلی حوسێن، بەرپرسی مەكتەبی پەیوەندییەكانی پارتی، بۆ ماڵپەڕی فەرمیی پارتی دیموكراتی كوردستان، رەتی دەكاتەوە لە ئێستادا لیژنە بۆ گفتوگۆ لەگەڵ لایەنەكان سەبارەت بە چۆنیەتیی پێكهێنانی كابینەی نوێ دیاری كرابێت، هۆكارەكەیشی بۆ ئەوە گەڕاندەوە، كە دەبێت سەرەتا دەستەی سەرۆكایەتیی پەرلەمان دیاری بكرێت.

بەرپرسی پەیوەندییەكانی پارتی، نایشارێتەوە وەك سەرەتا بە ناڕاستەوخۆ گفتوگۆ دەربارەی پێكهێنانی كابینەی نوێ كراوە، بەڵام وەك شاند، دانوستانی فەرمی لەگەڵ هیچ لایەنێكدا نەكراوە، وەك خۆی ئاماژەی بۆ كرد، گفتوگۆ ناڕاستەوخۆكان لە پێناو لێكنزیكبوونەوەیانە لەگەڵ لایەنەكاندا، تا وادەیەكی نزیك بۆ ئەو مەبەستە دیاری بكرێت.

پارتی دیموكراتی كوردستان پاكێجی تایبەتی خۆی بۆ یەكلاكردنەوەی سەرۆكایەتیی پەرلەمان و كابینەی نوێی حكوومەتی هەرێمی كوردستان دەبێت، عەلی حوسێن ئاماژە بۆ ئەوە دەكات، كە بەم زووانە دوو لیژنە بۆ ئەو مەبەستە پێك دەهێنن.

سەبارەت بە دیاریكردنی كاندیدی پارتی بۆ پۆستی سەرۆكوەزیران، بەرپرسی پەیوەندییەكان گوتیشی، به‌ یه‌كلاكردنه‌وه‌ی پۆسته‌كانی سەرۆكایەتیی پەرلەمان، به‌ فه‌رمی پارتی ناوی كاندیدەكەی بۆ پۆستی سەرۆكایەتیی كابینەی نوێ ئاشكرا ده‌كات.

بە گوتەی حوسێن، پارتی دیموكراتی كوردستان وەك هێزی براوە، بە مەبەستی دانوستان لەگەڵ لایەنەكاندا، دوو لیژنە پێك دەهێنێت، كە لیژنەی یەكەم ئەركی نزیككردنەوەی لایەنەكانە لە پاكێجی پارتی بۆ پەرلەمان و حكوومەت، لیژنەی دووەم، كە شاندی فەرمییە، لە دوای یەكلاكردنەوەی سەرۆكایەتیی پەرلەمان دەبێت، ئەویش بۆ گفتوگۆكردن لەسەر پێكهێنانی كابینەی نوێی حكوومەتی هەرێم.

خێڵان بەختیار




دوایین هەواڵەکان

باڵیۆزی فەرەنسا پیرۆزبایی لە فوئاد حوسێن کرد

TUESDAY, 20 NOVEMBER 2018 19:11:27

بەغدا-KDP.info-  باڵیۆزی فەڕەنسا لە بەغدا لەگەڵ د.فوئاد حوسێن جێگری سەرۆکوەزیران و وەزیری دارایی عێراق، کۆبوویەوە و پیرۆزبایی دەستبەکاربوونی لێ کرد.

حەشد و ھێزە عێراقییەكان سەرقاڵی بازرگانیكردنن.. ئاگایان لە دۆخی ئەمنیی مووسڵ نەماوە

TUESDAY, 20 NOVEMBER 2018 10:11:52

مووسڵ-KDP.info- بەرپرسێكی پارتی دەڵێ، دۆخی ئەمنیی مووسڵ زۆر خراپە و خەڵكی ھەست بە مەترسییەكی زۆر دەكەن، چونكە داعش جارێكی دیكە سەری ھەڵداوەتەوە و حەشدی شەعبی و ھێزە عێراقییەكانیش لەبەر كاری بازرگانی، ئاگایان لە دۆخی ئەمنیی شارەكە نەماوە.

 
هەولێر و بەغدا ڕێككەوتنێكی ٢٨خاڵییان واژۆ كرد

TUESDAY, 20 NOVEMBER 2018 10:11:36

ھەولێر-KDP.info- بەڕێوەبەری گشتیی وەزارەتی بازرگانیی حكوومەتی ھەرێمی كوردستان گوتی، لە دوای سەردانی شاندی بەغدا بۆ ھەرێمی كوردستان، سەبارەت بە خاڵە گومرگییەكان رێككەوتنێكی ٢٨خاڵییان واژۆ كردووە، كە گرینگترینیان لادانی خاڵە گومرگییە نایاساییەكانن.

 
نێچیرڤان بارزانی: وێڕاى سه‌ختییه‌كان، ئامانجه‌كانى پلانی‌ ستراتیژیی حكوومه‌تى هه‌رێم‌ دێنه‌ دى

MONDAY, 19 NOVEMBER 2018 23:11:32

هه‌ولێر-KDP.info-  نێچیرڤان بارزانی سەرۆکوەزیرانی هەرێمی کوردستان ده‌ڵێ، سەرەڕای گوشارەکانی حکوومەتی عێراق، بەربەستە دەرەکییەکان و هەروەها بارودۆخی شەڕی داعش، پلانە بەردەوامەکەی حکوومەت سەرکەوتوو بوو و ڕۆڵی بەرچاوی هەبوو لە بەرەوپێشبردنی کوردستان لە سەرجەم كه‌رته‌كان، هاوكات ‏وه‌به‌رهێنانی له‌ بوارى وزه‌ و سه‌رچاوه‌ سروشتییه‌كانى بە ڕێگەپێدراو و مافێکی دەستووری دانا.

 
سه‌رۆک بارزانی یادی له‌دایکبوونی پێغه‌مبه‌ری موسڵمانان پیرۆز ده‌کات

MONDAY, 19 NOVEMBER 2018 22:11:31

بسم الله الرحمن الرحیم

به‌بۆنه‌ی یادی له‌ دایکبوونی پێغه‌مبه‌ری مه‌زنمان محه‌مه‌دولمسته‌فا ( سڵاوی خوای له‌سه‌ر بێت) پیرۆزبایی له‌ سه‌رجه‌م موسڵمانانی جیهان و عێراق و موسڵمانانی کوردستان به‌تایبه‌تی ده‌که‌م.
هیوادارین ئه‌م بۆنه‌ پیرۆزه‌ هۆکارێکی دیکه‌ی پته‌وبوونی په‌یامی ئاشتی و برایه‌تی و پێکه‌وه‌ژیان و لێبورده‌یی بێت.



 
© 2018 Kurdistan Democratic Party, KDP