Kurdî  ■  كوردی  ■  عربي
THU, 17 JAN 2019 10:41 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کوردستانێکی بەھێز، واتە حکوومەتێکی بەھێز!!
| KDP.info


د.سالار عوسمان
دەستپێک، بەرلەوەی باس لە ھەردوو چەمکی حکومەتی بەھێز و کوردستانی بەھێز و پێوەندییەکانی نێوانیان بکەین، پێویستە ئاماژە بەو ڕاستییە بکەین، کە نادیدەگرتنی ئەوانیتر، بە تایبەت بۆ ھەرێمی کوردستان و سروشتە سیاسی و حوکمڕانییەکەی خراپە و ھەمدیس خاترخاترێنە و پۆست بەخشینەوەیش دوور لە ئیستیحقاقاتی ھەڵبژاردن خراپیەکیترە!.
کەواتە ئێستا ئێمە قسە لە دوو خراپ دەکەین: (نادیدەگرتن و خاترێنە)، کە لە قۆناغەکانی پێشوو ھەردوو خراپمان، لێرە یا لەوێ، لەم گۆشە یا لەویتر ئەزموون کرد و لێککەوتە خراپەکانشیانمان بینی، بۆیە پێویستە لە پێکھێنانی ئەمجارەی کابینەی حکومەتی ھەرێمدا، تەجاوزی ئەم دوو خراپەیە بکەین و بە کورتی ڕێز لە دەنگدەر: ھاوڵاتی بگرین و لە تەنیشتیشیدا لە سروشتی سیاسییانەی ھەرێمی کوردستان حاڵیتر بین، حاڵیتر بین بەو تێگەیشتنەی، ڕاستە پارتی و یەکێتی دوو حزبی بەھێزن و تا ئێستا ئیدارەی کوردستانیان کردووە و ھەر دەشبێ ئەوان زۆرترین شان بدەنە بەر ئەرکەکان و لە نێو ئەرکەکانیشدا بەڕێوەبردنی حکومەت، لێ خەڵک ژیانی دەوێت، بەواتایەکیتر خەڵک لە ڕوانگەی ژیانەوە سەیری سیاسەت و حوکمڕانی دەکات و، ئەوە نوخبەی سیاسییە لەتەک ژیان بە ئەرکە مەزنەکانیتریش ڕادەگات، قسەی پوخت ئەوەیە: خەڵک ژیانێکی شایستەی دەوێت، خەڵک سەقامگیریی و بژێوی و ئارامی و تەبایی دەوێت و نوخبەیش بە تێگەیشتن لەو مەتڵەبە کۆمەڵایەتی و ژیانییەی کۆمەڵگا، کوردستانێکی بەھێزی دەوێت، ئەمەیش، واتە ھەم ژیانی شایستە و ھەم کوردستانی بەھێز، بە حکومەتێکی یەکدەست و یەکڕوئیا و یەکبڕیار دەکرێت.
نەریتێکی دیموکراسییە و حزبەکان، بەشێکیان بەشدار دەبن لە حکومەت، کە دیارە لە ھەرێمی کوردستانیش ھەر وا بووە و ھەر وایش دەوم دەکات، بەڵام دەبێ ئەمجارە، حزبەکان بە تێگەیشتنێکی جیاوازەوە بەشدار بن و ڕوونتر بڵێم: نابێ بۆ ئەوە بەشدار بن تا حکومەت بنکۆڵ بکەن، میدیای حزبەکانیان بەگەڕ بێخن بۆ بڵاوکردنەوەی ژەھری دژایەتی حکومەت و، بە کورتی نابێ بەشداریکردنی حزبەکان لە حکومەت لەسەر حیسابی لاوازکردنی حکومەت بێت، ھەمدیس نابێ بەشداری حزبەکان لە حکومەت یەکدەستیی و یەکبڕیاریی حکومەت بخاتە مەترسییەوە، ئیتر قۆناغێکی نوێیە و دەبێ، دوای ئەو ھەموو ململانێیە ھیچلێشیننەبووە، حزبەکان لەو ڕاستییە گەیشتبن، کە کوردستانێکی بەھێز، واتە حکومەتێکی بەھێز، حکومەتی بەھێزیش تێگەیشتن و بنەما و میکانیزمی خۆی ھەیە و دەبێ حزبەکان، گەر پەرۆشی کوردستانێکی بەھێزن، ھاریکار بن لە دروستکردن و پێکھێنانی کابینەی نوێ و کابینەی نوێش بە ھەمان گیان و تێگەیشتن ھاریکار بن لە پێشکەشکردنی باشترین نموونەی حوکمڕانی، تا دواجار ھەموومان دەبین بە خاوەن حکومەتێکی بەھێز!..
بە دڵنیاییەوە حکومەتی بەھێز دەتوانێ کوردستانێکی بەھێز بنیات بنێت و ئەنجام لە نێو ئەو ھاوکێشەیەدا ژیان و گوزەرانی خەڵکیش باشتر دەبێت و تێگەیشتنەکانی نێوخۆ و دەرەوەیش ئەرێنیتر دەبن سەبارەت ھەرێمی کوردستان و نێوبانگە سیاسییەکەی!..
ئەم قۆناغە گرنگە، ھەموو، نێوخۆ و دەرەوە لە چاوەڕوانی کوردستانێکی بەھێزن و ڕێگە و ئەدرەسی ئەم کوردستانە بەھێزەیش حکومەتێکی بەھێزە، پرسیار ئەوەیە: حزبەکان چی دەکەن و بە کام تێگەیشتن بەرخورد لەگەڵ گرنگیی قۆناغەکە دەکەن؟. ئایا حکومەت بۆ خۆیان و بەرژەوەندییە حزبییەکانیان بەکاردەھێنن، یان بۆ کوردستانێکی بەھێز و ژیانێکی شایەستە بۆ خەڵک؟!. وەڵامی ئەم پرسیارە ڕەھەندیی نیشتیمانی و ئەخلاقی و ویژدانی لێدەبێتەوە و با ھەموومان چاوەڕێ بکەین و بزانین کام حزب شان دەداتە بەر بەرپرسیەتییە مەزنەکان و کام حزبیش، نا مەسئولانە لەسەر کورسی پۆستەکانی حکومەت دادەنیشێت و لە ھەمانکاتدا خەریکی بنکۆڵکردنی کورسییەکەیە!!..
دوما پەیڤ ئەوەیە: ئەنجامی دوا ھەڵبژادرنەکان زۆر ڕاستیی دەرخست، لە سەرووی ھەموو ئەو ڕاستییانەیش، ئەو ڕاستییە بوو، کە خەڵک دەنگ بە حزبێک دەدات، کوردستان دروست بکات نەک بیڕوخێنێت!..

 




دوایین هەواڵەکان

بە سەرۆکایەتی د.فوئاد حوسێن چەند بڕیارێک دەربارەی هەولێر و بەغدا دران

WEDNESDAY, 16 JANUARY 2019 19:01:12

بەغدا-KDP.info-  ئەمڕۆ بە سەرۆکایەتیی د. فوئاد حوسێن، جێگری سەرۆکوەزیران-وەزیری داراییی حکوومەتی عێراقی فیدراڵ، چەند بڕیارێک دەرکران کە پێوەندییان بە هەولێر و بەغداوە هەبوو.

 
رێبوار هادی: بە ماددەیەكی یاسایی، بەغدا ناچار بە ناردنی مافە داراییەكانی هەرێم دەكرێ

WEDNESDAY, 16 JANUARY 2019 18:01:32

بەغدا-KDP.info- ئەندامێكی لیژنەی یاساییی ئەنجومەنی نوێنەران دەڵێ، لە هەوڵی زیادكردنی ماددەیەكدان لە نێو پرۆژەیاسای بودجەی 2019ی عێراقدا، کە لەو ماددەیەدا حكوومەتی عێراق پابەند دەكەن بەوەی كە یاری بە مووچە و مافە داراییەكانی هاووڵاتیانی هەرێم نەكات.

 
دیاری حوسێن: پارتی بەبێ ئاسایکردنەوەی رەوشی کەرکووک شەرعیەت بە هیچ هەڵبژاردنێک نادات

WEDNESDAY, 16 JANUARY 2019 17:01:49

كەركووك-KDP.info- دوای ئەوەی ڕۆژی یەکشەممەی ڕابردوو کۆمسیۆنی باڵای ھەڵبژاردنەکانی عێراق بڕیاری دا ھەڵبژاردنی ئەنجومەنی پارێزگاکانی عێراق لە کۆتاییی ئەمساڵ بەڕێوە بچێت و پارێزگای کەرکووکیش دەگرێتەوە، بەرپرسێکی پارتی دەڵێ، لای ئێمە ھەڵبژاردنەکەی کەرکووک ھیچ شەرعیەتی نییە و لەگەڵ لایەنە کوردەکانی کەرکووکیش ئەو بابەتە یەکلا دەکەینەوە.

 
داوا دەکرێ سێ بەنداوی سنووری قەزای مێرگەسۆر تەواو بکرێن

WEDNESDAY, 16 JANUARY 2019 15:01:55

هەولێر-KDP.info- ساڵی ڕابردوو ھەرێمی کوردستان و تورکیا ڕێک کەوتوون لەسەر دروستکردنی سێ بەنداو، ئەندامێکی لیژنەی سەرچاوەکانی ئاوی پەرلەمانی عێراقیش دەڵێ، داوایان کردووە حکوومەتی بەغدا ھاوکار بێت بۆ دەستپێکردنی ئەو پڕۆژانە و سوودی بۆ ھەرێم و عێراقیش دەبێت.

 
"ساڵی ڕابردوو زیاتر لە پێنج ھەزار ڕووداوی ئەمنی لە کەرکووک تۆمار کراون"

WEDNESDAY, 16 JANUARY 2019 15:01:30

کەرکووک-KDP.info- تێکچوونی ڕەوشی ئەمنیی شاری کەرکووک دانیشتووانەکەی دڵگران کردووە و سەرچاوەیەکی ئەمنیش ڕوونی کردەوە، تەنیا لەساڵی ڕابردوودا زیاتر لە پێنج ھەزار ڕووداوی ئەمنی لە کەرکووک تۆمار کراون.

 


 
© 2018 Kurdistan Democratic Party, KDP