Kurdî  ■  كوردی  ■  عربي
TUE, 20 NOV 2018 19:24 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

فازڵ میرانی: هیواخوازین حكوومەتى نوێى عێراق ڕەچاوى پابەندبوون بە دەستوور بکات
| KDP.info


هەولێر-KDP.info- فازڵ میرانى، سكرتێرى مەكتەبى سیاسیى پارتی پێشوازیى لە شاندى پارتى (للعراق متحدون) كرد و لە دیدارەکەدا میرانی ڕایگەیاند، هیواخوازین حكوومەتى نوێى عێراق ڕەچاوى پابەندبوون بە دەستور بکات كە گەلانى عێراق دەنگیان بۆ داوە و بكرێتە بنەما بۆ چارەسەرى كێشەكان و هەموو لایەك پابەند بن بە جێبەجێكردنى وەكو یەك پاكێچ.


ئەمڕۆ لە بارەگاى مەكتەبى سیاسیى پارتى دیموكراتى كوردستان، فازڵ میرانى، سكرتێرى مەكتەبى سیاسى پێشوازیى لە شاندى  پارتى (للعراق متحدون) كرد.

لە دانیشتنێكدا كە عەلى حوسێن، بەرپرسى پەیوەندییە نیشتمانییەکان ئامادەى بوو، فازڵ میرانى وێڕاى بەخێرهێنانى شاندى میوان تیشكى خستەسەر ڕەوشى ئەمڕۆى عێراق و هەرێمى كوردستان و ناوچەكە و پەرەسەندنە سیاسی و ئابوورى و سەربازى و گۆڕانكارى و هاوكێشە تازەكان و ئایندەى پرۆسەى سیاسیى عێراق گفتوگۆى لەسەر كرا.

میرانى تەئكیدى كرد کە عێراقى نوێ لەسەر پڕەنسیپەكانى تەوافق و تەوازون و بەشدارى لە حوكمڕانیدا بنیات نراوە، بەڵام لە ڕابردوودا هیچ مانایەكیان بۆ ئەم پڕەنسیپە نەهێشتووەتەوە و هیواخوازین حكوومەتى نوێى عێراق ڕەچاوى پابەندبوون بە دەستور بکات كە گەلانى عێراق دەنگیان بۆ داوە و بكرێتە بنەما بۆ چارەسەرى كێشەكان و هەموو لایەك پابەند بن بە جێبەجێكردنى وەكو یەك پاكێچ.

دیسان میرانى تەئكیدى كرد، كارنامەى حكوومەتى نوێ و دانانى ئالیەتێكى ڕوون زۆر گرنگە بۆ ئەوەی مافە دەستوورییەكانى هەرێمى كوردستان لە ئەولەویاتى كارى حكوومەت بێت و ئەمە گرنگترە لە هەر پلە و پۆستێك.

شاندى (للعراق متحدون)یش سوپاسى سكرتێرى مەكتەبى سیاسییان كرد بۆ ئەو پێشوازییە و ڕۆڵى كاریگەرى سەرۆك مەسعوود بارزانى و سەنگى پارتى دیموكراتى كوردستانیان بەرز نرخاند لە پرۆسەى سیاسیی عێراقدا و هاوڕا بوون لەگەڵ دید و بۆچوونەكانى سكرتێرى مەكتەبى سیاسی كە دەبێ دەستوور بكرێتە بنەما بۆ چارەسەرى كێشەكان و بەشداریى ڕاستەقینەى هەموو لایەك لە بڕیارداندا ڕەچاو بكرێت بۆ ئەوەی ئارامى و ئۆقرەییى سیاسی و خۆشگوزەرانیى خەڵكى عێراق بێتەدى.

 




دوایین هەواڵەکان

حەشد و ھێزە عێراقییەكان سەرقاڵی بازرگانیكردنن.. ئاگایان لە دۆخی ئەمنیی مووسڵ نەماوە

TUESDAY, 20 NOVEMBER 2018 10:11:52

مووسڵ-KDP.info- بەرپرسێكی پارتی دەڵێ، دۆخی ئەمنیی مووسڵ زۆر خراپە و خەڵكی ھەست بە مەترسییەكی زۆر دەكەن، چونكە داعش جارێكی دیكە سەری ھەڵداوەتەوە و حەشدی شەعبی و ھێزە عێراقییەكانیش لەبەر كاری بازرگانی، ئاگایان لە دۆخی ئەمنیی شارەكە نەماوە.

 
هەولێر و بەغدا ڕێككەوتنێكی ٢٨خاڵییان واژۆ كرد

TUESDAY, 20 NOVEMBER 2018 10:11:36

ھەولێر-KDP.info- بەڕێوەبەری گشتیی وەزارەتی بازرگانیی حكوومەتی ھەرێمی كوردستان گوتی، لە دوای سەردانی شاندی بەغدا بۆ ھەرێمی كوردستان، سەبارەت بە خاڵە گومرگییەكان رێككەوتنێكی ٢٨خاڵییان واژۆ كردووە، كە گرینگترینیان لادانی خاڵە گومرگییە نایاساییەكانن.

 
نێچیرڤان بارزانی: وێڕاى سه‌ختییه‌كان، ئامانجه‌كانى پلانی‌ ستراتیژیی حكوومه‌تى هه‌رێم‌ دێنه‌ دى

MONDAY, 19 NOVEMBER 2018 23:11:32

هه‌ولێر-KDP.info-  نێچیرڤان بارزانی سەرۆکوەزیرانی هەرێمی کوردستان ده‌ڵێ، سەرەڕای گوشارەکانی حکوومەتی عێراق، بەربەستە دەرەکییەکان و هەروەها بارودۆخی شەڕی داعش، پلانە بەردەوامەکەی حکوومەت سەرکەوتوو بوو و ڕۆڵی بەرچاوی هەبوو لە بەرەوپێشبردنی کوردستان لە سەرجەم كه‌رته‌كان، هاوكات ‏وه‌به‌رهێنانی له‌ بوارى وزه‌ و سه‌رچاوه‌ سروشتییه‌كانى بە ڕێگەپێدراو و مافێکی دەستووری دانا.

 
سه‌رۆک بارزانی یادی له‌دایکبوونی پێغه‌مبه‌ری موسڵمانان پیرۆز ده‌کات

MONDAY, 19 NOVEMBER 2018 22:11:31

بسم الله الرحمن الرحیم

به‌بۆنه‌ی یادی له‌ دایکبوونی پێغه‌مبه‌ری مه‌زنمان محه‌مه‌دولمسته‌فا ( سڵاوی خوای له‌سه‌ر بێت) پیرۆزبایی له‌ سه‌رجه‌م موسڵمانانی جیهان و عێراق و موسڵمانانی کوردستان به‌تایبه‌تی ده‌که‌م.
هیوادارین ئه‌م بۆنه‌ پیرۆزه‌ هۆکارێکی دیکه‌ی پته‌وبوونی په‌یامی ئاشتی و برایه‌تی و پێکه‌وه‌ژیان و لێبورده‌یی بێت.

بروسكەی سەرەخۆشیی سەرۆك بارزانی بۆ دكتۆر ڕۆژ نوری شاوەیس

MONDAY, 19 NOVEMBER 2018 22:11:35

برای بەڕێزم كاك د. ڕۆژ نووری شاوەیس

بە داخێكی زۆرەوە هەواڵی كۆچی دوایی مامی بەڕێزتان خوالێخۆشبوو كاك جەوهەر شاوەیسم بیست. بەم بۆنە خەمناكەوە سەرەخۆشی لە ئێوە و خانەوادە شۆڕشگێر و تێكۆشەرەكەتان و تەواوی دۆست و كەسوكار و ئاشنایانتان دەكەم و خۆم بە هاوبەشی خەمتان دەزانم و خۆتان خۆش بن.



 
© 2018 Kurdistan Democratic Party, KDP