Kurdî  ■  كوردی  ■  عربي
TUE, 20 NOV 2018 19:22 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی: لەگەڵ بڕیاری كۆمسیۆنین و زۆریش نەرمیمان نواندووە
| KDP.info


 

ھەولێر-KDP.info- بەرپرسی دەزگای ھەڵبژاردنی پارتی ڕایگەیاند، پارتی دیموكراتی كوردستان لەم ھەڵبژاردنەدا سەركەوتنێكی گەورەی تۆمار كردووە و رێژەیەكی باش كورسیی بەدەست ھێناوە. دەشڵێ: "ئەگەر دەنگی ئێمەیان نەسووتاندبا، ژمارەی دەنگەكانمان زیاتر دەبوو".

شەوی ڕابردوو، كۆمسیۆنی باڵای سەربەخۆی ھەڵبژاردن و راپرسی لە ھەرێمی كوردستان ئەنجامی كۆتایی ھەڵبژاردنی پەرلەمانی كوردستانی ڕاگەیاند و، پارتی دیموكراتی كوردستانیش لەو ھەڵبژاردنەدا سەركەوتنێكی گەورەی تۆمار كردووە و، لە كۆی 100كورسی، 45 كورسیی بەدەست ھێناوە.

پێوەست بەم پرسە،  بەرپرسی دەزگای ھەڵبژاردنی پارتی، خەسرۆ گۆران، بە ماڵپەڕی فەرمیی پارتی دیموكراتی كوردستانی ڕاگەیاند: "ئێمە دڵخۆشین بە راگەیاندنی ئەنجامەكان و ھەر ئەوەیش چاوەڕوانكراو بوو كە پارتی سەركەوتنی گەورە بەدەست بێنێت، بەدەست ھێنانی 45 كورسییش لە 100كورسی، سەركەوتنێكی گەورەیە بۆ پارتی، ئەمەیش بۆ رۆڵی سەرۆك بارزانی و قارەمانیەتیی پێشمەرگەی كوردستان دەگەڕێتەوە، بۆیە سەركەوتنێكی زۆر گەورەیە بۆ پارتی لە دوای 1992ـەوە تائێستا".

گۆران گوتیشی: "ئێمە گلەییمان ھەیە و سكاڵای زۆریشمان تۆمار كردووە، بەڵام نزیكەی 120ھەزار دەنگ سووتێندران كە پشكی شێری ئەو دەنگانە بەر پارتی دەكەوێت، بەوەی كە نزیكەی 50 ھەزار دەنگ دەبێت، چونكە گەورەترین لیسته‌، بۆیە گەر وانەبووایە دەنگی پارتی زۆر لەوە زیاتر دەبوو".

بەرپرسی دەزگای هەڵبژاردنی پارتی، هەروەها باسی لەوەش كرد، سێ جۆر سكاڵا ھەبوون، زەرد و سوور و سەوز، ئەو سوورانەی كە مەترسیدارن، ھەموو دەنگەكان سووتاون، جا لە ھەر پارێزگایەك بن، بۆیە ئێمەیش گلەییمان ھەیە، بەڵام ئێمە لەگەڵ بڕیاری كۆمسیۆنین و زۆریش نەرمیمان نواندووە بۆ ئەوەی پڕۆسەكە سەر بگرێت و پڕۆسەی سیاسی بەردەوام بێت بەشێوەیەكی ئاشتیانە و لەكەدار نەبێت، ئەگەر نا چاومان لە دەنگی زیاتر بوو و چاوەڕێی سووتاندنی دەنگی ئەو لایەنانە بووین كە سەرپێچییان كردبوو".

 

بڵند ئیبراھیم   




دوایین هەواڵەکان

حەشد و ھێزە عێراقییەكان سەرقاڵی بازرگانیكردنن.. ئاگایان لە دۆخی ئەمنیی مووسڵ نەماوە

TUESDAY, 20 NOVEMBER 2018 10:11:52

مووسڵ-KDP.info- بەرپرسێكی پارتی دەڵێ، دۆخی ئەمنیی مووسڵ زۆر خراپە و خەڵكی ھەست بە مەترسییەكی زۆر دەكەن، چونكە داعش جارێكی دیكە سەری ھەڵداوەتەوە و حەشدی شەعبی و ھێزە عێراقییەكانیش لەبەر كاری بازرگانی، ئاگایان لە دۆخی ئەمنیی شارەكە نەماوە.

 
هەولێر و بەغدا ڕێككەوتنێكی ٢٨خاڵییان واژۆ كرد

TUESDAY, 20 NOVEMBER 2018 10:11:36

ھەولێر-KDP.info- بەڕێوەبەری گشتیی وەزارەتی بازرگانیی حكوومەتی ھەرێمی كوردستان گوتی، لە دوای سەردانی شاندی بەغدا بۆ ھەرێمی كوردستان، سەبارەت بە خاڵە گومرگییەكان رێككەوتنێكی ٢٨خاڵییان واژۆ كردووە، كە گرینگترینیان لادانی خاڵە گومرگییە نایاساییەكانن.

 
نێچیرڤان بارزانی: وێڕاى سه‌ختییه‌كان، ئامانجه‌كانى پلانی‌ ستراتیژیی حكوومه‌تى هه‌رێم‌ دێنه‌ دى

MONDAY, 19 NOVEMBER 2018 23:11:32

هه‌ولێر-KDP.info-  نێچیرڤان بارزانی سەرۆکوەزیرانی هەرێمی کوردستان ده‌ڵێ، سەرەڕای گوشارەکانی حکوومەتی عێراق، بەربەستە دەرەکییەکان و هەروەها بارودۆخی شەڕی داعش، پلانە بەردەوامەکەی حکوومەت سەرکەوتوو بوو و ڕۆڵی بەرچاوی هەبوو لە بەرەوپێشبردنی کوردستان لە سەرجەم كه‌رته‌كان، هاوكات ‏وه‌به‌رهێنانی له‌ بوارى وزه‌ و سه‌رچاوه‌ سروشتییه‌كانى بە ڕێگەپێدراو و مافێکی دەستووری دانا.

 
سه‌رۆک بارزانی یادی له‌دایکبوونی پێغه‌مبه‌ری موسڵمانان پیرۆز ده‌کات

MONDAY, 19 NOVEMBER 2018 22:11:31

بسم الله الرحمن الرحیم

به‌بۆنه‌ی یادی له‌ دایکبوونی پێغه‌مبه‌ری مه‌زنمان محه‌مه‌دولمسته‌فا ( سڵاوی خوای له‌سه‌ر بێت) پیرۆزبایی له‌ سه‌رجه‌م موسڵمانانی جیهان و عێراق و موسڵمانانی کوردستان به‌تایبه‌تی ده‌که‌م.
هیوادارین ئه‌م بۆنه‌ پیرۆزه‌ هۆکارێکی دیکه‌ی پته‌وبوونی په‌یامی ئاشتی و برایه‌تی و پێکه‌وه‌ژیان و لێبورده‌یی بێت.

بروسكەی سەرەخۆشیی سەرۆك بارزانی بۆ دكتۆر ڕۆژ نوری شاوەیس

MONDAY, 19 NOVEMBER 2018 22:11:35

برای بەڕێزم كاك د. ڕۆژ نووری شاوەیس

بە داخێكی زۆرەوە هەواڵی كۆچی دوایی مامی بەڕێزتان خوالێخۆشبوو كاك جەوهەر شاوەیسم بیست. بەم بۆنە خەمناكەوە سەرەخۆشی لە ئێوە و خانەوادە شۆڕشگێر و تێكۆشەرەكەتان و تەواوی دۆست و كەسوكار و ئاشنایانتان دەكەم و خۆم بە هاوبەشی خەمتان دەزانم و خۆتان خۆش بن.



 
© 2018 Kurdistan Democratic Party, KDP