Kurdî  ■  كوردی  ■  عربي
SAT, 23 MAR 2019 14:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

فازڵ میرانی: پارتی بەرنامەی خۆی بۆ حکوومەتی داھاتوو ڕادەستی عادل عەبدولمەھدی کردووە
| KDP.info


ھەولێر-KDP.info- سکرتێری مەکتەبی سیاسیی پارتی دیموکراتی کوردستان رایگەیاند، پارتی دیموکراتی کوردستان بەرنامەی خۆی بۆ حکوومەتی داھاتووی عێراق ڕادەستی عادل عەبدولمەھدی کردووە و ئالیەتی حوکمڕانیشی لە عێراق دیاری کردووە، کە پێویستە لە عێراق کار بە زۆرینە و کەمینە نەکرێت و ھاوسەنگی و شەراکەت و تەوافق ھەبێت.

فازڵ میرانی، سکرتێری مەکتەبی سیاسیی پارتی دیموکراتی کوردستان، دوای کۆبوونەوە لەگەڵ شاندی ھاوپەیمانیی بنیاتنان و چاکسازی لە لێدوانێکی ڕۆژنامەوانیدا ڕایگەیاند: "شاندی ئەوان ھاتبوون، یەکەم بۆ سەردانی سەرۆک بارزانی و قسەکردن لەبارەی دۆخی عێراق و، دووەم بۆ ئەوەی پەیوەندییان لەگەڵ ھەرێمی کوردستان بە گشتی و پارتی بە تایبەت باش بێت و ھەوڵ بدرێت بەرنامەیەکی ھاوبەش بۆ حکوومەتی داھاتوو ھەبێت و ھاوکاریی عادل عەبدولمەھدی بکرێت و پێیان باشە پارتی دیموکراتی کوردستان بە ھێزەوە لە حکوومەتی داھاتوودا بەشداری بکات، بۆ ئەوەی سەقامگیری لە عێراق بێتە ئاراوە و پەیوەندیی نێوان ھەرێم و بەغدا وەکو پێشوو بگەڕێتەوە و ئەو شێوە حوکمە ھەڵەی ھەبووە چیی تر دووبارە نەبێتەوە."

فازڵ میرانی گوتیشی: "ئێمە پێمان گوتن کارێکی باشە و پێوەندیمان دەبێت و بەرنامەی خۆمان داوەتە عادل عەبدولمەھدی و ئالیەتمان دیاری کردووە کە چۆن حوکمی عێراق دەکرێت و زۆرینە و کەمینە نییە و گەورە و بچووک نییە و ھەموومان پێکەوە بەرژوەندیی ھاوبەشمان ھەیە، ھەر واجبێک لەسەر ئێمە ھەیە ئەدای دەکەین و ئەوەی مافی ئێمەشە وەریدەگرین، چونکە ھەردووکی بێ یەکتر نابن و جگە لەوەش، پێویستە  تەوافق و شەراکەت و ھاوسەنگی  ھەبێت و ئێمە بەو شێوەیە دەچینە پێشەوە و پێویستە بەو شێوەیەش بێت."

بڵند ئیبراھیم

 




دوایین هەواڵەکان

خۆشناو: پرۆژەیاسای سەرۆکایەتی هەرێمی کوردستانمان داوەتە سەرۆکایەتی پەرلەمان

SATURDAY, 23 MARCH 2019 13:03:33
هەولێر-KDP.info- پارتی پرۆژەیاسایەکی بۆ هەمواری یاسای سەرۆکایەتی هەرێمی کوردستان داوەتە سەرۆکایەتی پەرلەمان. سەرۆكی فراكسیۆنی پارتی لە پەرلەمانی كوردستان رایگەیاند، هەموو هەوڵێك دەدەن بەبێ‌ یەكێتی یاسای سەرۆكایەتی هەرێم هەموار نەكەنەوە. لەهەمانکاتدا گوتیشی، ئەگەر هەر نەهاتن، هەمواری یاساكە راناگرن.
 
شەقامی ١٢٠ مەتری دەکرێتەوە و دەست بە شەقامی ١٥٠ مەتری دەکرێت

SATURDAY, 23 MARCH 2019 12:03:31
هەولێر-KDP.info- شارەوانی ھەولێر لەبارەی دواکەوتنی کردنەوەی شەقامی ١٢٠ مەتری شاری ھەولێر ده‌ڵێ، لە ئایندەیەکی نزیکدا شەقامەکە دەکرێتەوە و گوتەبێژی شارەوانیش دەڵێ، رەوشی دارایی باشبێت دەست بە شەقامی ١٥٠ مەتری دەکەین.
 
مەكتەبی سیاسی پارتی، سەرەخۆشیی لە خانه‌واده‌ی حەمید ئاغای كاكە زیادی کۆیە دەکات

SATURDAY, 23 MARCH 2019 12:03:00
پرسەنامەی مەكتەبی سیاسی پارتی دیموكراتی كوردستان
بۆ كۆچی دوایی كەسایەتی نیشتیمانپەروەر(حەمید ئاغای كاكە زیادی کۆیە)
 
بەڕێزان خانەوادەی كەسایەتی نیشتیمانپەروەر (حەمید ئاغای كاكە زیادی کۆیە) 
گەورەترین پێشانگای کتێب لەھەولێر دەکرێتەوە

SATURDAY, 23 MARCH 2019 12:03:23
هەولێر-KDP.info-  بڕیارە لە مانگی نیسانی دابێ چواردەمین پێشانگای نێودەوڵەتی بۆ کتێب لە شاری ھەولێر بکرێتەوە و ھەزاران ناونیشان لەبوارە جیاوازەکان نمایش بکرێن و چەندین وڵاتیش بەشداری دەکەن.
 
پەیامی پیرۆزبایی دەزگای رۆشنبیریی و راگەیاندنی پارتی بۆ رادیۆی زاگرۆس

SATURDAY, 23 MARCH 2019 10:03:53
هەولێر-KDP.info- دەزگای رۆشنبیریی و راگەیاندنی پارتی دیموكراتی كوردستان، بەبۆنەی (13)هەمین ساڵیادی دامەزراندنی (رادیۆی زاگرۆس) په‌یامێكی پیرۆزبایی ئاراسته‌ی بەڕێوەبەر و  ستافی بەڕێوەبردن و تێكڕای كارمەندانی رادیۆی زاگرۆس كرد.
 


 
© 2018 Kurdistan Democratic Party, KDP