Kurdî  ■  كوردی  ■  عربي
MON, 10 DEC 2018 07:55 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ڕوونكردنەوەیەك لە وەزارەتی داراییەوە سەبارەت بە جیاوازیی مووچە
| KDP.info


 

هەولێر-KDP.info- وەزارەتی دارایی و ئابووریی حكوومەتی هەرێمی كوردستان، ڕوونكردنەوەیەكی سەبارەت بە جیاوازیی مووچەی فەرمانبەران بڵاو كردەوە.

ئەمە دەقەكەیەتی:

ئاماژە بە رێنماییمان ژمارە (18)ی ساڵی 2018 و بە هۆی ئەو لێكدانەوە جیاجیایانەی كە بۆی كراوە لە رێگەی ئەم روونكردنەوەیە مەبەستی رێنماییەكە دەیخەینە ڕوو، كە بۆ كەمكردنەوەی رۆتینات و دەسەڵاتدانە بە بەڕێوەبەرایەتیی گەنجینەكانی سەر بە وەزارەتمان بۆ:

1- ئەم رێنماییە خەرجكردنەوەی پاشەكەوتی مووچەی فەرمانبەران نییە كە بەپێی رێنماییمان ژمارە (15)ی ساڵی /2016 و لەسەر بنەمای بڕیاری ئەنجوومەنی وەزیران ژمارە /64 لە 3/2/2016 جێبەجێ كراوە، بەڵكوو تەنیا خەرجكردنەوەی جیاوازیی مووچەیە (مووچەی بنەڕەتی + دەرماڵەكان).

2- خەرجكردنەوەی جیاوازیی مووچەی‌ (مووچە بنەڕەتییەكە و دەرماڵەكان) مانگەكانی ساڵی 2017 كە بە هەڵە ‌یان بە هۆی دواكەوتنی فەرمانە كارگێڕییەكان خەرج نەكراوە و لەگەڵ مووچەی مانگی كانوونی یەكەم /2017 بەستراون.

3- بە هۆی ئەوەی مووچەی مانگی كانوونی یەكەمی ساڵی 2017 كراوەتەوە پاشەكەوت، بڕی ئەم جیاوازییەی كە فەرمانبەر شاییستەی دەبێت، بۆی خەرج دەكرێتەوە، بۆ نموونە:

_ فەرمانبەرێك شاییستەی سەرمووچەی ساڵانە ‌بێت لە رێكەوتی 1/10/2017 بەڵام فەرمانی كارگێڕیی دوا بكەوێت بۆ مانگی (11)ی ساڵی /2017 و جیاوازیی سەرمووچەی  ناوبراو لە رێكەوتی 1/10/2017 تاكو 31/11/2017 لەگەڵ مووچەی مانگی (كانوونی دووەمی) ساڵی /2017 بۆ بەسترابێت، لەم‌ حاڵەتەدا ئەم جیاوازییەی بۆ خەرج دەكرێتەوە.

_ یاخود فەرمانبەرێك شاییستەی دەرماڵەی هاوسەری ‌بێت بە بڕی (000 50) پەنجا هەزار دینار مانگانە لە مانگی (11)ی ساڵی /2017 بۆی خەرج نەكرابێت، لەم حاڵەتەدا ئەگەر ئەم دەرماڵەیە لەگەڵ مووچەی مانگی (12)ی ساڵی /2017 بۆی بەسترابێت، ئەوا ئەم دەرماڵەیەی بە بڕی (000 50) پەنجا هەزار دینار بۆی خەرج دەكرێتەوە.

4- فەرمانبەرێك مووچەی مانگی (11)ی ساڵی /2017ی بۆ خەرج نەكرابێت و لەگەڵ مووچەی مانگی (12)ی ساڵی /2017 بۆی بەسترابێت، ئەوكات مووچەی مانگی (11)ی ساڵی /2017 ی بۆ خەرج دەكرێتەوە .

5- هەر جیاوازییەكی مووچەیی و دەرماڵەیی فەرمانبەر كە شاییستەیەتی، بەڵام بۆی خەرج نەكراوە و لەگەڵ مووچەی مانگی (12)ی ساڵی /2017 تۆمار كرابێت، بۆی خەرج دەكرێتەوە بە لیستی جیاو و لـە كاتی دابەشكردنی مووچـەی مانگانەدا.

 




دوایین هەواڵەکان

نێچیرڤان بارزانی سه‌ره‌خۆشی له‌ قه‌داسه‌تی پاتریارك مار گۆرگیسی سێیه‌م سڵێوه‌ ده‌كات

SUNDAY, 09 DECEMBER 2018 22:12:41

هه‌ولێر-KDP.info-  نێچیرڤان بارزانی سه‌رۆكوه‌زیرانی هه‌رێمی كوردستان، له‌ په‌یامێكدا هاوخه‌میی خۆی به‌ كۆچی دوایی خوشكی قەداسەتی پاتریارک مار گۆرگیسی سێیەم سڵێوە، پارتیارکی کەنیسەی ئاشووریی ڕۆژهەڵات لە جیهان و خانه‌واده‌كه‌ی ڕاده‌گه‌یێنێ كه‌ ئه‌مه‌ ده‌قه‌كه‌یه‌تی:

 
د.نەجمەدین کەریم: خیانەتی ١٦ ئۆکتۆبەر وایکرد ٥٠% خاک لە دەستبدەین

SUNDAY, 09 DECEMBER 2018 18:12:59

مێرگەسۆر-KDP.info-  بەڕێوەبەرایەتیی ڕۆشنبیریی هونەریی مێرگەسۆر و سەنتەری ڕۆشنبیریی مێرگەسۆر بۆ ساڵی چوارەم دیداری مێرگەسۆریان بەڕێوە برد و باس لە پاراستنی دەستكەوتەكانی هەرێمی كوردستان و بەهێزكردنی هەستی نەتەوایەتی لای تاكی كورد كرا.

 
فرسەت سۆفی: پارتی لە کوردستان هەوڵ بۆ چاکسازییەکی سەرتاسەری دەدات

SUNDAY, 09 DECEMBER 2018 18:12:28

ھەولێر-KDP.info- فرسەت سۆفی، ئەندامی فراکسیۆنی پارتی لە خولی پێشووی پەرلەمانی کوردستان ئاشکرای کرد کە بۆ پێکھێنانی کابینەی نوێی حکوومەتی ھەرێمی کوردستان، پارتی ھەوڵی حکوومەتێکی نوێ و  بەھێز دەدات و چوار ساڵی داھاتووش چاکسازییەکی سەرتاسەری لە ھەرێمی کوردستان ئەنجام دەدەین.

 
261 پارچەزەوی لە دهۆک دابەش کران

SUNDAY, 09 DECEMBER 2018 18:12:26

دهۆک -KDP.info- سەرۆکی کۆمەڵەی زێندانیانی سیاسی لە دهۆک ڕایگەیاند، ئەمڕۆ لە ڕێگای تیروپشکەوە ٢٦١ پارچەزەوی بۆ زێندانیانی سیاسی دابەش کران.

 
بەغدا دەیەوێ لە کاتی بەڕێوەچوونی سەرژمێریدا پێکھاتەکان لەسەر کورد ھەژمار نەکرێن

SUNDAY, 09 DECEMBER 2018 18:12:34

ھەولێر-KDP.info-   بڕیارە لە ساڵی دابێت ئامادەکاریی تەواو بۆ بەڕێوەچوونی سەرژمێریی گشتیی دانیشتوانی عێراق بکرێت و ئەندامێکی لیژنەی سەرژمێریش دەڵێ، بەغدا پیلانی ھەیە پرسیاری نەتەوە ھەر بە یەکجاری لە سەرژمێریی گشتیدا لاببرێت.

 


 
© 2018 Kurdistan Democratic Party, KDP