Kurdî  ■  كوردی  ■  عربي
TUE, 18 JUN 2019 16:43 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

قوشتەپه‌.. ٣٠٠ كەسی دیكە پەیوەندییان بە ڕیزەكانی پارتییەوە كرد
| KDP.info


 

مەخموور-KDP.info- بەرپرسی لقی پارتی لە مەخموور دەڵێ، ئەمڕۆ ٣٠٠ كەس لە عەشیرەتی كەلھوڕ لە قوشتەپەوە پەیوەندییان بە ڕیزەكانی پارتی دیموكراتی كوردستانەوە كردووە و، ھاتنی خەڵكیش بۆ ناو پارتی، بەردەوامە.

بەردەوام لایەنگر و هەوادارانی حزبەكانی دیكە و خەڵكی بێلایەنیش، پەیوەندی بە ریزەكانی پارتی دیموكراتی كوردستانەوە دەكەن، چونكە پارتی لە مێژووی خەباتی خۆیدا دەستكەوتی زۆری نەتەوەیی بە دەست هێناون و خزمەتی زۆری خەڵكی كوردستانیشی كردووە.

كرمانج عەبدوڵڵا، بەرپرسی لقی پارتی لە مەخموور، بە ماڵپەڕی فەرمیی پارتی دیموكراتی كوردستانی ڕاگەیاند: "پارتی دیموكراتی كوردستان حیزبێكی نەتەوەییە و خەڵك بەردەوام پەیوەندی بە ریزەكانییەوە دەكەن، ئەمڕۆش لە عەشیرەتی كەلھوڕ ٣٠٠ كەس كە دانیشتووی قوشتەپەن، پەیوەندییان بەریزەكانی پارتی دیموكراتی كوردستانەوە كردووە و، ئێمەیش سەردانمان كردوون و پێشوازییەكی گەرمیشمان لێ كردوون".

عەبدوڵڵا گوتیشی: "ئەمە جاری یەكەم نییە و لەچەند رۆژی ڕابردوویشدا نزیكەی ٦٠ كەسی دیكە لە سنووری ئێمە ھاتنە ناو ریزەكانی پارتی، هەروەها لە ناوچە جیاجیاكانی مەخموور ناوە ناوە  ١٠ بۆ ١٥ تا ٢٠ كەس دێنە ناو ڕیزەكانی پارتییەوە، بەڵام ئێمە تەنیا ژمارە زۆرەكان لە راگەیاندن باس دەكەین".

 

بڵند ئیبراھیم 

 




دوایین هەواڵەکان

تێکەڵکردنی پەیپەڕەکان نامانگەیەنێت

TUESDAY, 18 JUNE 2019 16:06:16
كه‌ریم قادر
 
 
بەدانانی مەرج و هەڕەشەی تێکچوونی دۆخی ناوخۆی هەرێم، لەوە زیاتر هیچیان مەشێوێنن و ئاڵۆز مەکەن. لەڕووی جوگرافیا و مێژوو کەرکووک و ئیدارەی هەرێم یەک بازنەن، مێژوو بۆخۆی شاهیدە پارتی هیچکات ئامادەی دەستبەرداری نەبووە و نییە، بەڵام پێکهێنانی کابینەی نوێی حکوومەتی هەرێمی کوردستان، کە لەچاو چاوەڕوانی دەنگدەر و هاووڵاتیانی هەرێمی کوردستانەوە دوا کەوتووە، لەگەڵ کۆی ئەو کێشەیە( کێشەی کەرکووک) یا دانانی فەرمانبەرێک دوو شتی جودان.
مه‌كته‌بى سیاسیى پارتى پیرۆزبایى له‌ نێچیرڤان بارزانى ده‌كات

TUESDAY, 18 JUNE 2019 16:06:42

هەولێر-KDP.info-  به‌بۆنه‌ى ده‌ستبه‌كاربوونییه‌وه‌ وه‌ك سه‌رۆكى هه‌رێمى كوردستان و به‌مه‌به‌ستى پیرۆزباییكردن، مه‌كته‌بى سیاسیى پارتى دیموكراتى كوردستان، سه‌ردانى به‌ڕێز نێچیرڤان بارزانى كرد.

"سبەی پارتی لەبارەی ھەمواری یاسای ھەڵبژاردنی ئەنجومەنی پارێزگاکانی عێراقەوە کۆ دەبێتەوە"

TUESDAY, 18 JUNE 2019 16:06:17

هەولێر-KDP.info-  بڕیارە حەفتی دابێ پەرلەمانی عێراق ھەمواری پڕۆژەیاسای ھەڵبژاردنی ئەنجومەنی پارێزگاکانی عێراق بخاتە دەنگدانەوە و بەرپرسی ھەڵبژاردنەکانی پارتییش دەڵێ، چوارشەممە (١٩-٦-٢٠١٩) پارتی لەسەر ئەو بابەتە کۆ دەبێتەوە. دەشڵێ، پێداگیری لەسەر ھەڵوێستی پارتی دەکەن بۆ ئەوەی کۆرسییەکی کۆتا بۆ کوردانی فەیلی لە بەغدا زیاد بکرێت.

 
پێنجەمین بەنداوی گەورەی ھەرێمی کوردستان تەواو دەبێـت

TUESDAY, 18 JUNE 2019 16:06:02

دەربەندیخان-KDP.info- کارەکانی تایبەت بە تەواوکردنی پێنجەمین گەورەبەنداوی ھەرێمی کوردستان دەستیان پێ کردەوە و لە کۆتاییی مانگی ١١ـدا تەواو دەبێت. بەڕێوەبەری گشتیی بەنداو و کۆگاکانی ئاوی ھەرێمی کوردستانیش دەڵێت، بەنداوی دێوانە ٢٢ ملیۆن مەتر سێجا ئاو گل دەداتەوە.

 
"دانانی سندووقی سكاڵا له‌ كابینه‌ی نوێی حكوومه‌تدا هه‌نگاوێكی گرنگ ده‌بێت"

TUESDAY, 18 JUNE 2019 15:06:59

سلێمانی-KDP.info-  له‌ كابینه‌ی نوێی حكوومه‌تی هه‌رێمی كوردستاندا دامه‌زراوه‌یه‌ك بۆ سندووقی سكاڵا دادەمەزرێت كه‌  هاووڵاتییان و فه‌رمانبه‌رانی ده‌وڵه‌ت دەتوانن ڕاسته‌وخۆ كه‌موكووڕی و گه‌نده‌ڵی و ڕۆتینییاتی دامه‌زراوه‌كانی حكوومه‌ت له‌ ڕێگه‌ی سكاڵاوه‌ بگه‌یه‌ننه‌ به‌رپرسانی باڵای حكوومه‌ت.



 
© 2018 Kurdistan Democratic Party, KDP