Kurdî  ■  كوردی  ■  عربي
TUE, 18 JUN 2019 16:31 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ڕێكخەرێکی خۆپێشاندانەكانی بەسڕە: پشتگیریی بەڕێز مەسعوود بارزانی بەرز دەنرخێنین
| KDP.info


لایەنێک لە خۆپیشاندانەکانی بەسڕە

بەسڕا-KDP.info- بەسڕەییەكان دەڵێن، زۆر شەڕەفمەندن بە پەیامی پشتگیریی سەرۆك بارزانی. باوەڕیشیان وایە، بارزانی كێشەی لەگەڵ گەلی عەرەبدا نییە، بەڵكوو بەرگری لە مافی گەلەكەی دەكات و كێشەكانی ئەو، لەگەڵ حكوومەتی ناوەندە.

دوای ئەوەی لە چەند ڕۆژی ڕابردوودا دانیشتووانی شاری بەسڕە لە هەمبەر نەبوونی خزمەتگوزاری و خراپیی باری ژیانیان دەستیان بە خۆپێشاندان كرد و لەگەڵ هێزە ئەمنییەكانی عێراق تێك هەڵچوون، خەڵكێكی زۆری سڤیل بوونە قوربانی. دوێنێ سەرۆك بارزانییش پەیامی هاوخەمی و پشتگیریی خۆی بۆ خەڵكی بەسڕا دەربڕی.

پێوەست بەو پەیامەی سەرۆك بارزانی، یاسر عەلی محەممەد، یەكێك لە ڕێكخەرانی خۆپێشاندانەكانی بەسڕا، بە ‌ماڵپەڕی فەرمیی پارتی دیموكراتی كوردستانی راگەیاند: "ئێمەی بەسڕەییەكان ئەو پشتگیرییەی بەڕێز مەسعوود بارزانی بەرز دەنرخێنین. وەك چۆن ئەو چاكەی ئێمەی لەیاد نەكردووە، ئێمەیش چاكەی ئەو لەیاد ناكەین. بارزانی كێشەی نییە لەگەڵ گەلی عەرەبدا، بەڵكوو كێشەكانی ئەو لەگەڵ حكوومەتی ناوەندە، كێشەكەی سەرەكیی ئەو، ئەوەیە كە بەرگری لە مافی گەلەكەی دەكات."

ئەو رێكخەرەی خۆپێشاندانەكانی بەسڕە، ئاماژەیشی دا: "خەڵكی داوای بچووكترین مافە سەرەتاییەكانی ژیانیان دەكەن، وەك ئاو و كارەبا و نەخۆشخانە و ...هتد، ڕێژەی بێكاری لە شارەكەدا یەكجار زۆر بەرز بووەتەوە. ئەمانە و چەندان كێشەی ترمان هەن، بەڵام حكوومەتی عێراق لەبری بەهاناوەهاتنمان، بە چەك و كوشتار وەڵاممان دەداتەوە."

لای خۆیشیەوە، عەبدوڕەحمان مستەفا سەعید، چالاكوانی مەدەنی لە شاری بەسڕا، بە ‌ماڵپەڕی فەرمیی پارتیی دیموكراتی كوردستانی راگەیاند: "بەسڕەییەكان زۆر شەڕەفمەندن بە پەیامی پشتگیریی بەڕێز مەسعوود بارزانی، ئێمە پێشوازی لە بارزانی دەكەین، وەك چۆن باب و باپیرانمان پێشوازییان لە باوكی كردووە."

ئەو چالاكە مەدەنییە ڕوونیشی كردەوە: "حكوومەتی عێراق شكستی خواردووە و تا ئێستا نەیتوانیوە كەمترین خزمەتگوزاری بۆ هاووڵاتیانی وڵاتەكەی دابین بكات، ئەوەتا ئێستایش بە چەك وەڵامی خۆپێشاندەران دەداتەوە. ئێمە نامانەوێت ئەم گەندەڵانە ئیدی حكومداریمان بكەن و ناشوەستین تاوەكو هەموو داواكارییەكانمان جێبەجێ دەكرێن."

سەرباز واحید




دوایین هەواڵەکان

"سبەی پارتی لەبارەی ھەمواری یاسای ھەڵبژاردنی ئەنجومەنی پارێزگاکانی عێراقەوە کۆ دەبێتەوە"

TUESDAY, 18 JUNE 2019 16:06:17

هەولێر-KDP.info-  بڕیارە حەفتی دابێ پەرلەمانی عێراق ھەمواری پڕۆژەیاسای ھەڵبژاردنی ئەنجومەنی پارێزگاکانی عێراق بخاتە دەنگدانەوە و بەرپرسی ھەڵبژاردنەکانی پارتییش دەڵێ، چوارشەممە (١٩-٦-٢٠١٩) پارتی لەسەر ئەو بابەتە کۆ دەبێتەوە. دەشڵێ، پێداگیری لەسەر ھەڵوێستی پارتی دەکەن بۆ ئەوەی کۆرسییەکی کۆتا بۆ کوردانی فەیلی لە بەغدا زیاد بکرێت.

 
پێنجەمین بەنداوی گەورەی ھەرێمی کوردستان تەواو دەبێـت

TUESDAY, 18 JUNE 2019 16:06:02

دەربەندیخان-KDP.info- کارەکانی تایبەت بە تەواوکردنی پێنجەمین گەورەبەنداوی ھەرێمی کوردستان دەستیان پێ کردەوە و لە کۆتاییی مانگی ١١ـدا تەواو دەبێت. بەڕێوەبەری گشتیی بەنداو و کۆگاکانی ئاوی ھەرێمی کوردستانیش دەڵێت، بەنداوی دێوانە ٢٢ ملیۆن مەتر سێجا ئاو گل دەداتەوە.

 
"دانانی سندووقی سكاڵا له‌ كابینه‌ی نوێی حكوومه‌تدا هه‌نگاوێكی گرنگ ده‌بێت"

TUESDAY, 18 JUNE 2019 15:06:59

سلێمانی-KDP.info-  له‌ كابینه‌ی نوێی حكوومه‌تی هه‌رێمی كوردستاندا دامه‌زراوه‌یه‌ك بۆ سندووقی سكاڵا دادەمەزرێت كه‌  هاووڵاتییان و فه‌رمانبه‌رانی ده‌وڵه‌ت دەتوانن ڕاسته‌وخۆ كه‌موكووڕی و گه‌نده‌ڵی و ڕۆتینییاتی دامه‌زراوه‌كانی حكوومه‌ت له‌ ڕێگه‌ی سكاڵاوه‌ بگه‌یه‌ننه‌ به‌رپرسانی باڵای حكوومه‌ت.

سەرۆك بارزانی پێشوازی لە یاریدەدەر و ڕاوێژكاری تایبەتی سكرتێری گشتیی ڕێكخراوی نەتەوە یەكگرتووەكان کرد

TUESDAY, 18 JUNE 2019 14:06:30

هەولێر-KDP.info-  رۆژی سێشەممە 18ـی 6ـی 2019 لە سەلاحەددین سەرۆك مەسعود بارزانی پێشوازی لە كەریم ئەسعەد ئەحمەدخان یاریدەدەر و ڕاوێژكاری تایبەتی سكرتێری گشتیی ڕێكخراوی نەتەوە یەكگرتووەكان بۆ لێكۆلینەوە لە تاوانەكانی داعش و شاندێكی یاوەری كرد.

حكوومەتی هەرێم پێشوازی لە راپۆرتی كۆمیسیۆنی حكوومەتی ئەمەریكی دەكات

TUESDAY, 18 JUNE 2019 13:06:15

هەولێر-KDP.info- رۆژی 29ی نیسانی2019، كۆمسیۆنی حكوومەتی ئەمەریكی بۆ ئازادیی ئایینیی نێودەڵەتی، راپۆرتی ساڵانەی خۆی سەبارەت بە رەوشی پێكهاتە ئایینییەكان لە جیهان بڵاو كردەوە و لە بەشی تایبەت بە عێراقیش باس لە رەوشی پێكهاتەكان دەكات لە هەرێمی كوردستان. لەم بارەیەوە د. دیندار زێباری، رێكخەری راسپاردە نێودەوڵەتییەكان لە حكوومەتی هەرێم رایگەیاند: "ئێمە وەك حكوومەتی هەرێمی كوردستان، پێشوازی لە راپۆرتی كۆمیسیۆنی حكوومەتی ئەمەریكی بۆ ئازادییە ئایینییەكان دەكەین".

 


 
© 2018 Kurdistan Democratic Party, KDP