Kurdî  ■  كوردی  ■  عربي
TUE, 16 OCT 2018 22:24 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پێداگریی پارتی و ترسی ڕكابەرەكانی لە ئەنجامدانی هەڵبژاردن
| KDP.info


محەممەد عەلی

هەڵبژاردن، ئەو پرۆسە نیشتیمانییەیە كە ڕادەی دیموكراسی لە هەر وڵاتێكدا پیشان دەدات، بەڵام ئەوەی تا ئێستا سەبارەت بە هەڵبژاردنی داهاتووی پەرلەمانی كوردستان ڕوونە، بە پێداگریی پارتی، هەڵبژاردن لە ۹/۳٠ ئەنجام دەدرێت، وەلێ پێشكەشنەكردنی لیستی كاندیدانی لایەكانی تر كە بەم شێوەیە و بە مەبەست دوادەخرێت، ئەم راستییە زیاتر ڕوون دەكاتەوە، كە تاكو دواساتەكان لایەنەكانی بەرامبەر ویستوویانە هەڵبژاردن دوا بخرێت.

هۆكارگەلێكی زۆر هەن كە پارتی لە حیزبەكانی تری كوردستان جیا دەكاتەوە، ئەمانیش بوونی قاعیدەیەكی جەماوەریی نەگۆڕ و سەركردایەتییەكی تۆكمە و یەكگرتووە، ئەمە لە كاتێكدایە بەشێک لە حیزبەكانی تر بە دەست پەتای باڵبالێن و لێشاوی جیابوونەوەی كادیرە قیادییەكانیانەوە دەناڵێنن.

لەلایەكی ترەوە، پێداگریی پارتی لەسەر ئەنجامدانی ئەم هەڵبژاردنە لە كاتی دیاركراوی خۆیدا، پێمان دەلێت تاكە حیزب كە ئارەزوو ناكات كوردستان بكەوێتە بۆشایی یاسایی و وڵاتیش لە رێگەی حكوومەتی كاربەڕێكەرەوە بەڕێوە بچێت، پارتییە. بە واتایەی تر، جارێكی دیكە ئەو حزبە سەلماندی كە دەیەوێت بە شێوەیەكی یاسایی و پاڵپشت بە دەنگی جەماوەر، لە دەسەڵات بەردەوام بێت.

لە كاتێكدا حیزبە ڕكابەرەكانی پارتی، بنەمای زیادكردنی دەنگەكانیان لەسەر دژایەتیكردنی پارتی و دەستكەوتەكانی حكوومەتی هەرێم بینا دەكەن، پێچەوانەی هەمووان پارتی هەموو هەوڵێك بۆ یەكڕیزی و دژایەتیكردنی فەرهەنگی یەكترشكاندن دەكات، كەمپینەكانی بانگەشەی پارتی دیموكراتی كوردستان لە هەڵبژاردنەكانی رابردوودا، ئەم راستییە پشتڕاست دەكاتەوە.

كۆتا هەڵبژاردنی عێراق لە ٥/۱۲، هێز و پێگە و پێشەنگایەتیی پارتی وەك حیزب لەسەر ئاستی عێراقدا دووپات كردەوە، لەلایەكی ترەوە دووبارە هەژماركردنەوەی دەستیی دەنگەكانی كوردستان بە گشتی و سلێمانی بە تایبەتی، ئەو گومان و دەنگۆیانەی بەدرۆ خستەوە كە حیزبە ڕكابەرەكانی پارتی لە ڕابردوودا دەیانكرد كە گوایە پارتی ساختەكاری لە هەڵبژاردنەكاندا دەكات.

با سەرنج بۆ ئەوەش ڕابكێشن، ئەو نهێنییەی وا لە دەنگدەری كورد دەكات كە چەندان جار دەنگ بداتەوە بە پارتی، بوونی سەرۆكێكە قەڵغانی پاراستنی هەرێمە و حیزبێكە ئامادەی هەڵگرتنی بەرپرسیارێتییە لە هەموو بارودۆخێكدا، هاوكات خاوەنی سەركردایەتییەكە كە سەركەوتوو بووە لە رزگاركردنی كوردستان لە گشت ئەو كۆسپ و تەگەرانەی رووبەڕووی بوونەوە و دەبنەوە.

پێشدەچێت ترسی ڕكابەرەكانی پارتی لە ئەنجامدانی هەڵبژاردن، بە گوشاری لایەنی دەرەكی بێت، بە تایبەت وڵاتانی ئیقلیمی، بەڵام دواجار پارتی هەر لەسەر ئەو پرسە پێداگرە و زۆریش ڕوونە كە دواخستنی هەڵبژاردن، زیان لە پرۆسەی دیموكراسی لە هەرێمی كوردستاندا دەدات.
 




دوایین هەواڵەکان

کرمانج عوسمان: دەبێ تاوانی ١٦ی ئۆکتۆبەر بەنێودەوڵەتی بکرێت

TUESDAY, 16 OCTOBER 2018 19:10:19

ھەولێر-KDP.info- شارەزایەکی نێودەوڵەتی دەڵێ، حکوومەتی عێراق خۆی تاوانباری ڕووداوەکانی ١٦ی ئۆکتۆبەرە و بۆخۆی نایەت سزای خۆی بدات. بۆیە دەبێ ئەم کەیسە بەنێودەوڵەتی بکرێت و لە دادگا نێودەوڵەتییەکان یەکلایی بکرێتەوە.

 
سەرچاوەیەک لە کۆمسیۆن: ٣١٤ وێستگەی دەنگدان لە سلێمانی بۆ ئۆفیسی نیشتمانی نەگەڕێندراونەتەوە

TUESDAY, 16 OCTOBER 2018 18:10:48

ھەولێر-KDP.info-  سەرچاوەیەک لە کۆمسیۆنی باڵای سەربەخۆی هەڵبژاردن و ڕاپرسیی هەرێم دەڵێت, تا ئێستا ٣١٤ وێستگەی دەنگدان لە ئۆفیسی ھەڵبژاردنەکانی پارێزگای سلێمانی نەگەڕاوەتەوە ئۆفیسی نیشتمانی لە ھەولێر، بۆ ئەم مەبەستە کۆمسیۆن لێژنەیەکی پێنج کەسیی لە نوێنەری ھەر پێنج لایەنەکە پێک ھێناوە. بەو دەنگانە و سندووقە قردێڵە سوورەکانیشەوە ٤ تا ٥ کوردسی زیاد دەکات.

 
دەیان بەڵگەنامە لەسەر تاوانەکانی ١٦ی ئۆکتۆبەر ڕادەستی دادگا نێوخۆیی و نێودەوڵەتییەکان دەکرێن

TUESDAY, 16 OCTOBER 2018 16:10:29

  هەولێر -KDP.info- بە ھۆی ھێرشی داگیرکاریی ساڵی ڕابردووی عێراق ھێزەکانی عێراق بە پۆلیس و دژەتیرۆر و میلیشیاکانی حەشدی شەعبییەوە کەوتنە ئەنجامدانی چەندین تاوانی قێزەونی دژەمرۆڤایەتی لە دژی پێکھاتەکانی ئەو ناوچانە و پارێزەرێکیش دەڵێ، چەندین بەڵگە و دیکۆمێنت ئامادەیە و ڕادەستی دادگا نێوخۆیی و نێودەوڵەتییەکانی دەکەین.

 
د. مەحموود عوسمان: دەبێ بکەرانی ١٦ی ئۆکتۆبەر سزا بدرێن

TUESDAY, 16 OCTOBER 2018 16:10:52

هەولێر-KDP.info- ئەمڕۆ ساڵێک بەسەر خیانەتی ١٦ی ئۆکتۆبەری ساڵی ڕابردوودا تێپەڕی کە بە ھۆی خیانەتی ھەندێ بەرپرسی کوردەوە بەشێکی زۆری خاکی کوردستان لەدەست درا و کارەساتی مرۆییشی بەدوادا ھات، سیاسەتمەدارێکی کوردیش نیگەرانە لەوەی تا ئێستا تۆمەتبارانی ڕووداوەکانی ١٦ی ئۆکتۆبەر سزا نەدراون و ئاشکرای کرد، ڕەوشی کەرکووک ئاڵۆزە و نابێت عەسکەر دەستەڵاتدار بێت.

 
لە ترسی چالاکیی کوردانی کەرکووک، حەشدی شەعبی ناوچە کوردییەکان دەپشکنێت

TUESDAY, 16 OCTOBER 2018 15:10:59

کەرکووک-KDP.info- لە ترسی مانگرتن و چالاکیی کوردانی کەرکووک ھێزەکانی پۆلیس و حەشدی شەعبی کەوتووتەنە پشکنینی ناوچە کوردییەکانی شاری کەرکووک و بەرپرسێکی کوردیش دەڵێ، خەڵکی کەرکووک بڕیاری دابوو لە دژی داگیرکاری مانگرتن ڕابگەیەنێت، بەڵام شارەکە کراوەتە سەربازگە بۆ ڕێگریکردن لە چالاکیی کورد.

 


 
© 2018 Kurdistan Democratic Party, KDP