Kurdî  ■  كوردی  ■  عربي
TUE, 16 OCT 2018 22:16 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لە ڕێی سیستانییەوە، خۆپێشاندەران ٣ ڕۆژ مۆڵەتیان داوە بە بەغدا
| KDP.info



بەغدا-KDP.info-  نوێنەری خۆپێشاندەرە ناڕازییەکانی پارێزگاکانی باشوور و ناوەڕاستی عێراق، ئەمڕۆ چوارشەممە، داواکاریی نوێیان ڕاگەیاند کە لە ١٤ خاڵ پێک‌دێت.
نوێنەری خۆپێشاندەران، ئەم داواکاریانەیان داوە بە ئایەتوڵڵا عەلی سیستانی مەرجەعی باڵای شیعە لە عێراق، تا لە ڕێگەی ئەوەوە ئاراستەی حکوومەت بکرێ و جێبەجێیشی بکات.

خۆپێشاندەران دەڵێن، ٣ ڕۆژیش دەدەن بە حکوومەت تا وەڵامی داواکارییەکانیان بداتەوە کە ئەمانەن:

1- ئەنجومەنی پارێزگاکان و ئەنجوومەنە لۆکاڵەکان، هەروەها خانەنشینەکانیان هەڵوەشێندرێتەوە، هاوکات ژمارەی پەرلەمانتاران کەم بکرێتەوە بۆ یەک لە چوار و، یانیش لە هەر پارێزگایەک دوو نوێنەر هەبن لە لیژنەی نووسینەوەی یاساکان و ئەو خزمەتگوزاریانەی پارێزگایەک پیویستیەتی.
2-  خانەنشینیی سەرکۆمار، سەرۆکوەزیران، پەرلەمانتار و جێگر وەزیر و بەڕیوەبەرە گشتییەکان، هەروەها مووچە تایبەتەکان هەڵوەشێندرێنەوە.
3-  نووسینگە پشکنێەرییەکانی کۆی وەزارەتەکان هەڵوەشێندرێنەوە، چونکە کاریان پشک پشکێنەی دزی و پەردەپۆشکردنی گەندەڵی بووە.
4- دەستەی نەزاهە و نووسینگەکانی لە کۆی پاریزگاکان هەڵوەشێندرێنەوە، چونکە گەندەڵکاران دەپارێزن، هەڵوەشاندنەوەی کۆمسیۆنی باڵای هەڵبژاردنەکان لەبەر ئەوەی تەزویریان لە هەڵبژاردنی ڕابردوودا کردوووە و لێپێچینەوە لەگەڵیاندا.
5- هەڵوەشاندنەوەی خانەنشینیی پەرلەمانتارانی کۆی خوولەکانی پەرلەمان، هەروەها هەڵوەشاندنەوەی یاسای تایبەت بە ئیمتیازی پەرلەمانتاران و دەبێ مووجەکانیان بەگوێرەی بڕوانامەکانیان لێ بکرێ، هەروەها خانەنشینکردنیان هاوتای خانەنشینیی فەرمانبەرێکی ئاسایی بێ.
6- دەبێ ئیدارەی فڕگەی نەجەفی شەریف لا بدرێن و بدرێن بە دادگا، ئەوەشیان لێ بستێندرێتەوە کە دزیویانە.
7- دەبێ دادگایەک پێک‌بهێندرێ بە ناوی "دادگای گەل"، ئەندامان لە لایەن گەل و مەرجەعیەتەوە هەڵبژێدرێن، تا دادگایی ئەو گەندەڵ و دز خیانەتکارانە بکات کە لەوەتەی ڕژێمی پێشوو نەماوە تا بە ئێستا دەگات گەندەڵی دەکەن و سامانی گشتی دەدزن و، دادگایی بکرێن.
8- بۆ دامەزراندنی خێرای وێستگەی کارەبا، لەگەڵ ئەڵمانیا ڕێککەوتن بکرێ، هەروەک ئەوەی میسر بۆ دامەزراندنی ٣ وێستگە بە بڕی ٢ ملیار دینار بۆ هەریەکەیان لەگەڵیدا کردوون.
9- لیژنەیەک لە کۆی مەرجەعەکان و نوخبەی یاساناسان لە زانکۆکانی عێراق پێک‌بهێندرێ، بۆ ئەوەی ئەو بڕگە دەستووریانە هەموار بکەنەوە کە بە پیوەری خۆیان دایانڕشتوون و خزمەت بە گەل ناکەن.
10- یاسای سانتلیگۆ هەڵبوەشێندرێتەوە و بە یاسای زۆرینەی دەنگەکان بگۆڕدرێ، هەروەها ڕێ بدرێ بەوەی تاک و کەسانی سەربەخۆ بەبێ پشتیوانیی حزب خۆیان بپاڵێون و گەرەنتیی ئەوە بکات.
11- کۆمپانیاکانی حزب وەلا بنرێن کە دەستیان بەسەر پڕۆژەکاندا گرتووە و دزیی لە وڵات دەکەن و، ڕێککەوتن لەگەڵ کۆمپانیا نێودەوڵەتییەکاندا بکرێ.
12- دامەزراندن بە میکانیزمی نوێ بێ، مافی هەمووانی تێدا گەرەنتی بکرێ و ڕێ لە گەندەڵکاریی دەستەڵات لە دامەزراندندا بگیرێ.
13- دەبێ پشکی هەر تاکێک لە بەرهەمهێنانی نەوتدا، یەکسان بێ بە باج کە حکوومەت بەسەریدا سەپاندووە، یانیش خزمەتگوزارییەکانی کارەبا و ئاو و تەندروستی  ئەوانی تر خۆڕایی بن.
14- هەڵوەشاندنەوەی یاسای بڕەپارەی بەشەکارەبا و نەوت و غاز، چونکە پڕۆژەیەکە لە بەرژەوەندیی حزبەکانی دەستەڵاتدایە و لەسەر حیسابی خەڵکی هەژار و فەرمانبەر و کەمداهاتە.

زریان زیاد
 




دوایین هەواڵەکان

کرمانج عوسمان: دەبێ تاوانی ١٦ی ئۆکتۆبەر بەنێودەوڵەتی بکرێت

TUESDAY, 16 OCTOBER 2018 19:10:19

ھەولێر-KDP.info- شارەزایەکی نێودەوڵەتی دەڵێ، حکوومەتی عێراق خۆی تاوانباری ڕووداوەکانی ١٦ی ئۆکتۆبەرە و بۆخۆی نایەت سزای خۆی بدات. بۆیە دەبێ ئەم کەیسە بەنێودەوڵەتی بکرێت و لە دادگا نێودەوڵەتییەکان یەکلایی بکرێتەوە.

 
سەرچاوەیەک لە کۆمسیۆن: ٣١٤ وێستگەی دەنگدان لە سلێمانی بۆ ئۆفیسی نیشتمانی نەگەڕێندراونەتەوە

TUESDAY, 16 OCTOBER 2018 18:10:48

ھەولێر-KDP.info-  سەرچاوەیەک لە کۆمسیۆنی باڵای سەربەخۆی هەڵبژاردن و ڕاپرسیی هەرێم دەڵێت, تا ئێستا ٣١٤ وێستگەی دەنگدان لە ئۆفیسی ھەڵبژاردنەکانی پارێزگای سلێمانی نەگەڕاوەتەوە ئۆفیسی نیشتمانی لە ھەولێر، بۆ ئەم مەبەستە کۆمسیۆن لێژنەیەکی پێنج کەسیی لە نوێنەری ھەر پێنج لایەنەکە پێک ھێناوە. بەو دەنگانە و سندووقە قردێڵە سوورەکانیشەوە ٤ تا ٥ کوردسی زیاد دەکات.

 
دەیان بەڵگەنامە لەسەر تاوانەکانی ١٦ی ئۆکتۆبەر ڕادەستی دادگا نێوخۆیی و نێودەوڵەتییەکان دەکرێن

TUESDAY, 16 OCTOBER 2018 16:10:29

  هەولێر -KDP.info- بە ھۆی ھێرشی داگیرکاریی ساڵی ڕابردووی عێراق ھێزەکانی عێراق بە پۆلیس و دژەتیرۆر و میلیشیاکانی حەشدی شەعبییەوە کەوتنە ئەنجامدانی چەندین تاوانی قێزەونی دژەمرۆڤایەتی لە دژی پێکھاتەکانی ئەو ناوچانە و پارێزەرێکیش دەڵێ، چەندین بەڵگە و دیکۆمێنت ئامادەیە و ڕادەستی دادگا نێوخۆیی و نێودەوڵەتییەکانی دەکەین.

 
د. مەحموود عوسمان: دەبێ بکەرانی ١٦ی ئۆکتۆبەر سزا بدرێن

TUESDAY, 16 OCTOBER 2018 16:10:52

هەولێر-KDP.info- ئەمڕۆ ساڵێک بەسەر خیانەتی ١٦ی ئۆکتۆبەری ساڵی ڕابردوودا تێپەڕی کە بە ھۆی خیانەتی ھەندێ بەرپرسی کوردەوە بەشێکی زۆری خاکی کوردستان لەدەست درا و کارەساتی مرۆییشی بەدوادا ھات، سیاسەتمەدارێکی کوردیش نیگەرانە لەوەی تا ئێستا تۆمەتبارانی ڕووداوەکانی ١٦ی ئۆکتۆبەر سزا نەدراون و ئاشکرای کرد، ڕەوشی کەرکووک ئاڵۆزە و نابێت عەسکەر دەستەڵاتدار بێت.

 
لە ترسی چالاکیی کوردانی کەرکووک، حەشدی شەعبی ناوچە کوردییەکان دەپشکنێت

TUESDAY, 16 OCTOBER 2018 15:10:59

کەرکووک-KDP.info- لە ترسی مانگرتن و چالاکیی کوردانی کەرکووک ھێزەکانی پۆلیس و حەشدی شەعبی کەوتووتەنە پشکنینی ناوچە کوردییەکانی شاری کەرکووک و بەرپرسێکی کوردیش دەڵێ، خەڵکی کەرکووک بڕیاری دابوو لە دژی داگیرکاری مانگرتن ڕابگەیەنێت، بەڵام شارەکە کراوەتە سەربازگە بۆ ڕێگریکردن لە چالاکیی کورد.

 


 
© 2018 Kurdistan Democratic Party, KDP