Kurdî  ■  كوردی  ■  عربي
WED, 21 NOV 2018 23:52 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وەحیدە یاقۆ: مەترسیی نەمانی كریستیانەكان لە عێراقدا هەیە
| KDP.info


 

نەینەوا-KDP.info- نوێنەری پێكهاتەی كریستیانەكان لە پەرلەمانی كوردستان ڕایگەیاند، كریستیانەكانی دەشتی نەینەوا، ئەوانەی لە ژێر دەستەڵاتی حەشد و هێزە عێراقییەكاندان، هەموویان ئاوارەن و تا ئێستا هیچیان نەگەڕاونەتەوە ناوچەكانیان.

لە دوای هاتنی داعشەوە، پێكهاتەكانی دەشتی نەینەوا لە كریستیان و ئێزدی و شەبەك و كاكەیی باجیان دا و زۆربەی هەرە زۆریان ئاوارەی هەرێمی كوردستان بوون و، وەك ئەوان دەڵین تاكە شوێن پارێزگارییان لێ بكات، هەرێمی كودستانە،

وەحیدە یاقۆ، نوێنەری كریستیانەكان لە پەرلەمانی كوردستان، بە ماڵپەڕی فەرمیی پارتی دیموكراتی كوردستانی ڕاگەیاند: "تا ئێستا هیچ كەسێكی مەسیحی و بە تایبەت ئەوانەی لە دەشتی نەینەوا نیشتەجێ ببون، نەگەڕاونەتەوە ناوچەكانیان و هەموویان لە هەرێمی كوردستانن و ناگەڕێنەوە ژێر دەستەڵاتی حەشدی شەعبی و هێزە عێراقییەكان، چونكە ئەوان بە توندترین شێوە خەڵك ئازار دەدەن و سوكایەتییان پێ دەكەن و دەستدرێژی دەكەنە سەر ئافرەتان".

ئێستا چەندین كەمپی ئاوارەكان لە هەرێمی كوردستاندا هەن و، بە پێی توانا حكوومەتی هەرێمی كوردستان هاوكاریی ئاوارەكان دەكات، چەندین جاریش پێكهاتەكانی دەشتی نەینەوا داوایان كردووە ناوچەكەیان بكرێتە پارێزگایەك و سەر بە هەرێم بێت، چونكە وەك ئەوان دەڵێن، هیچ خێرێكیان لە عێراق نەدیتووە.

یاقۆ گوتیشی: "تا ئێستا نزیكەی ٤٠٠ هەزار مەسیحی ئاوارەی هەرێمی كوردستان بوونە و، وەك خۆیان دەڵێن ناگەڕێنەوە ژێر دەستەڵاتی هێزە عێراقییەكان و بە تایبەت حەشدی شەعبی و، هەندێكیشیان ئاوارەی لوبنان بوونە".

ئەو هەروەها دەشڵێ، لە باشووری عێراقیش كریستیانەكان بەرەو نەمان دەچن و لە بەغدا و مووسڵ ڕیژەیەكی زۆر مەسیحیی لێ بوون، كەچی بەر لە چەند مانگێك و لە دوایین ئاماردا دەركەوتووە كە تەنیا چەند خێزانێك لە بەغدا ماون و لە مووسڵ یەك خێزانیش نەماوە.

نوێنەری پێكهاتەی كریستیانەكان لە پەرلەمانی كوردستان ئەوەیشی گوت: "كریستیانەكانی ژێر دەستەڵاتی پێشمەرگە لە ئارامییەكی تەواودان، بە تایبەت ئەوانەی تلسقۆف و ئەو  خەڵكەی لەوێ جێگیر بوونە".

 

كــاروان بـــــاعەدری

 

 

 




دوایین هەواڵەکان

فوئاد حوسێن و نوێنەری تایبەتی سەرۆککۆماری رووسیا کۆبوونەوە

WEDNESDAY, 21 NOVEMBER 2018 19:11:41

بەغدا-KDP.info-  د.فوئاد حوسین جێگری سەرۆكوەزیران – وەزیری دارایی پێشوازی لە میخائیل بوگدانۆف نوێنەری تایبەتی سەرۆككۆماری رووسیا بۆ رۆژهەڵاتی ناوەڕاست وباكووری ئەفریقیا وبریكاری وەزارەتی دەرەوەی رووسیای فیدراڵ وشاندی یاوەری كرد.

پەرلەمان ژماره‌یه‌ك بڕیارى كابینه‌ى پێشووى حكوومه‌تى به‌غداى سڕكرد

WEDNESDAY, 21 NOVEMBER 2018 18:11:26

بەغدا-KDP.info-  ئه‌مڕۆ ئه‌نجوومه‌نى نوێنه‌ران بۆ تاوتوێكردنى چه‌ند پرسێك كۆبوویه‌وه‌ و ژماره‌یه‌ك بڕیارى كابینه‌ى پێشووى حكوومه‌تى به‌غداى سڕكرد.

 
مه‌سروور بارزانی بۆ فراکسیۆنی پارتی: ده‌بێ له‌م خوله‌ی ئێستادا سیستمێك بۆ خزمەتی کوردستانێکی بەهێز جێگیر بکرێت

WEDNESDAY, 21 NOVEMBER 2018 17:11:06

هەولێر-KDP.info-  مه‌سروور بارزانی له‌گه‌ڵ فراكسیۆنی پارتی له‌ په‌رله‌مانی كوردستان كۆبۆوه‌ و له‌ وته‌یه‌كیدا، داوای كرد له‌ ئاست ئه‌و متمانه‌یه‌دا بن، كه‌ هاووڵاتیان پێیانی داوه‌، هەروەها رایگەیاند کە ده‌بێ له‌م خوله‌ی ئێستادا سیستمێك بۆ خزمەتی کوردستانێکی بەهێز جێگیر بکرێت.

پڕۆژەکانی وەبەرھێنان لە هەولێر دەستیان بەکار کردووەتەوە

WEDNESDAY, 21 NOVEMBER 2018 15:11:54

هه‌ولێر-KDP.info- جگە لە سێ پڕۆژە ھەموو پڕۆژەکانی وەبەرھێنان لە سنووری پارێزگای ھەولێر دەستیان بە کار کردووەتەوە و بەڕێوەبەری گشتیی وەبەرھێنانیش دەڵێ، ژمارەیەک داوکاری لە لایەن وەبەرھێنانی بیانییەوە بۆ ئەنجامدانی پڕۆژە لە ھەرێمی کوردستان ھەیە.

 
بارەگای بارزانی سەرەخۆشیی لە خانه‌واده‌ی حه‌كیم عه‌بدوڵڵا كاكه‌ وه‌یس دەکات

WEDNESDAY, 21 NOVEMBER 2018 15:11:33

به‌ناوی خودای گه‌وره‌ و میهره‌بان



 
© 2018 Kurdistan Democratic Party, KDP