Kurdî  ■  كوردی  ■  عربي
SAT, 22 SEP 2018 07:00 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"مەسیحییەکان دەڵێن بەغدا فەرامۆشی کردووین"
| KDP.info


هەولێر-KDP.info-  رۆمیۆ هەکاری سکرتێری حزبی بەیتنەهرێن دەڵێ، وەک پێکهاتەکان هیچ هەست ناکەین کە ئێمە لە لایەن بەغداوە لە پرسە چارەنوسسازەکاندا بەشداریمان پێدەکرێ، بەغدا پێکهاتەکانی فەرامۆش کردووە.

مەسیحییەکان کە ئێستا بەشی هەرەزۆریان لە هەرێمی کوردستان ئاوارەن و دەژین، ئەوان نیگەرانن لە دەسەڵاتدارانی بەغدا کە هەست ناکەن پێکهاتەکان لە بەشداری عێراقدا گرینگیان پێبدرێ، رۆمیۆ هەکاری سکرتێری گشتی حزبی بەیتنەھرێن بە ماڵپەڕی فەرمیی پارتی دیموکراتی کوردستانی راگەیاند، " جگە لە عەرەب بە شیعە و سوونەوە دواتر کورد ھیچ لایەنێکی دیکەی پێکھاتەکانی کلدو ئاشوور و تورکومان بەشدار نین لە دانوستانەکانی پێکھێنانی حکوومەتی نوێی عێراق، خۆی عێراق کە دەوڵەتێکی فرە ئاینی و نەتەوەییە، لەبەر ئەوە پێویستە بۆ پێکھێنانی ھەر حکوومەتێک و پرسێکی چارەنووسسازدا پرس بە ھەموو پێکھاتەکان و لایەنانە بکرێت، کە کار بۆ بنیاتنانی عێراقێکی دیموکرات و فرە نەتەوە و ئاینی، نەخێر تا ئێستا پرس بە ئێمە ناکرێت، تەنیا عەرەب لە عەرەبیش لیستە براوەکانی شیعە دانوستان بۆ پێکھێنانی حکوومەتی نوێ دەکەن.

لە عێراق  شیعە زۆرینەی پەرلەمانیە و لەدوای پڕۆسی ئازادی عێراق گەورەترین کۆتلەی پەرلەمانی بوونە و بەپێی یاساش مافی پێکھێنانی حکوومەتیان ھەیە ھەکاری دەڵێ، "ھیوادارین ھەولەکانی پێکھێنانی حکوومەت لە ئایندەیەکی نزیکدا سەربگرێت، تا عێراق نەکەوێت گێژاوێکی سیاسی و بۆشایی سیاسی، یاسایی،  ئیداری، حکوومەتێکی نوێ پێکبێت بە بەشداری سەرجەم لایەن و پێکھاتەکانی نێو عێراق، بەڵام جیاوازبێت لە حکوومەتەکانی رابردوو کە تەنیا لایەنێک و پێکھاتەیەک سەرپشکبێت و دەستی والابێت، ئەوانی دیکەش وەک خەڵکی لاواز سەیر بکرێن.

سکرتێری گشتی حزبی بەیتنەھرێن راگەیاند، گەرەنتی بۆ ھیچ پێکھاتەیەک لە عێراقدا نییە، بەڵام زیاتر مەترسی بۆ ئەو پێکھاتانەی لەڕووی ئاینییەوە ھەیە و لە سەرەتای پەیدابوونی گروپە توندڕەوە ئیسلامیەکانیش ھەریەکە لە پێکھاتەی کریستیان و کاکەیی و ئێزدی کراونەتە ئامانج."
  ئەو سەرکردەیەی کلدو ئاشوور ماژەی بۆ ئەوەکرد، "تا ئێستا گەرەنتی بۆ ھیچ نەتەوە و پێکھاتەیەکی عێراقی نییە تا بۆ پێکھاتەکانی کلدو ئاشوور ھەبێت، بەڵێ ئێمە روبەڕووی گەورەترین ھەڕەشەی کوشتن و لەنیوبردن و دەرکردنیان لەناوچە رەسەنەکانی خۆیان بونەتەوە لەسەرتاسەری عێراق.

کلدو ئاشوور چاویان بڕیوەتە حکوومەتی نوێی عێراق تا بتوانرێ رەچاوی مافەکانیان بکرێ و سەقامگیربن و مەترسیەکانی رابردوو دوبارە نەبنەوە بەڵام وەک رۆمیو ھەکاری دەڵێ، "ئێمە پێمانوایە ئەگەر حکوومەتی دابێت لەڕووی بیرۆچوون و ئەدای کارکردن و خزمەتکردنی ھەموو ھاوڵاتیانی عێراق بەبێ جیاوازی خزمەتیان نەکات، ئەوا گومانی تێدانییە جارێکی دیکە پێکھاتەکان دەکەونە ژێر مەترسییەوە.

قائید میرۆ

 




دوایین هەواڵەکان

سه‌رۆك بارزانی: یه‌كێتیی زانایان ڕێیان لە گەشەی هزری توندڕۆیی و ئینكار لەنێو خەڵكی كوردستان گرتووە

FRIDAY, 21 SEPTEMBER 2018 16:09:16

هه‌ولێر-KDP.info-  وێڕای پیرۆزبایی بەبۆنەی چل و هەشتەمین ساڵیادی دامەزراندنی یەكێتیی زانایانی ئایینی ئیسلامیی كوردستان، سه‌رۆك بارزانی پێزانینی هەیە بۆ ڕۆڵ و كاریگەریی یەكێتیی زانایان و مامۆستا و پیاوانی ئایینی، كە ڕێگەیان لە گەشەی هزری توندڕۆیی و ئینكار لەنێو خەڵكی كوردستان گرتووە و هەمیشە لە بارودۆخی سەخت و ئاڵۆزدا پشتیوانی دۆزی ڕەوای گەلەكەیان بوونە.

 
پەیامی پارتی، بەبۆنەی 48 ساڵەی یادی دامەزراندنی یەكێتیی زانایانی ئایینی ئیسلامیی كوردستان‎

FRIDAY, 21 SEPTEMBER 2018 16:09:37
هەولێر-KDP.info- بەبۆنەی (48)ەمین ساڵیادی دامەزراندنی یەكێتی زانایانی ئایینی ئیسلامی كوردستان، مەكتەبی سیاسی پارتی دیموكراتی كوردستان، له‌ په‌یامێكدا پیرۆزبایی دامەزراندنی یەكێتی زانایانی ئایینی ئیسلامی كوردستان ده‌كات. 
 
بەشی خۆم بۆ خۆم، بەشی تۆیش دەخۆم

FRIDAY, 21 SEPTEMBER 2018 15:09:00

هۆشیار سیوەیلی
کێشمەکێشەکانی پرسی سەرۆککۆماری عێراق لە ناو سەرکردایەتیی یەکێتی بە پلەی یەکەم و دواتر لە نێوان پارتی و یەکێتیدا هێشتا یەکلا نەبووه‌تەوە. هەرچەندە ئەنجوومەنی سەرکردایەتیی یەکێتی د. بەرهەم ساڵحی کاندید کردووە بۆ وەرگرتنی ئەو پۆستە، بەڵام دووبارەکردنەوەی سیناریۆی خوولی پێشوو کە دکتۆر نەیتوانی سەرکەوتن بە دەست بهێنێ، هێشتا ئەگەرێکە بە تایبەتی وەک دەبیستین کە دکتۆرێکی تری زۆر نزیک لە ناوەندی دەسەڵات، بە نیازن خۆیان کاندید بکه‌ن و پارتییش ناڕازییە بە دیاریکردنی تاکلایەنەی کاندید بۆ پۆستەکە.

کەریم سنجاری: نابێت فشار بخرێتەسەر هیچ کەسێک بۆ دەنگدان بە بەربژێرێکی دیاریکراو

FRIDAY, 21 SEPTEMBER 2018 13:09:58
هەولێر-KDP.info- وەزیری ناوخۆی هەرێمی کوردستان بەشداریی لە هەڵبژاردن و دەنگدان بە مافێکی رەوای هەر تاکێکی کۆمەڵگە ناودەبات و رایدەگەیێنێت، نابێت هیچ بەرپرس و ئەفسەر و فەرمانبەر و کارمەندێک لەهەر ئاستێکی وەزیفیدا بێت پاڵەپەستۆ و هەڕەشە بخاتەسەر هەر ئەفسەر و کارمەند و فەرمانبەرێک بۆ دەنگدان بە کاندیدێکی دیارییکراو و بەناچاری.
 
نێچیرڤان بارزانی: پارتی باوەڕی زۆربەی خەڵکی کوردستانی لەگەڵدایە

THURSDAY, 20 SEPTEMBER 2018 20:09:54

هه‌ولێر-KDP.info-  ئێوارەی ئەمڕۆ پێنجشەممە ٢٠/٩/٢٠١٨، بە ئامادەبوونی نێچیرڤان بارزانی جێگری سەرۆکی پارتی دیموکراتی کوردستان، ئه‌ندامانی مه‌كته‌بی سیاسی و سه‌ركردایه‌تیی و به‌رپرسانی لق و کاندیدانی پارتی بۆ پەرلەمانی کوردستان، ئاهەنگێکی بەرفراوانی جەماوەری بۆ ئافرەتان، لاوان و قوتابیانی کوردستان، لە پیشانگای نێودەوڵەتیی هەولێر ساز کرا.

 


 
© 2018 Kurdistan Democratic Party, KDP