Kurdî  ■  كوردی  ■  عربي
FRI, 24 MAY 2019 15:02 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هێزێکی گەورەی ئەمه‌ریکایی گەیشتە شنگال
| KDP.info


كاروانی هێزه‌كه‌ی ئه‌مه‌ریكا. شنگال. ئه‌مڕۆ

شنگال-KDP.info-  بەرپرسێکی سەربازی لە چیای شنگال رایگەیاند، هێزێكی گەورەی ئەمه‌ریکایی گەیشتە باشووری چیای شنگال.


قاسم شەشۆ، فەرماندەی فەرماندەیی پێشمەرگەی شنگال لە چیای شنگالەوە بە ماڵپەری فەرمیی پارتی دیموکراتی کوردستان ڕایگەیاند، ئەمڕۆ هێزێکی گەورەی ئه‌مه‌ریكا به‌ چه‌كی قورسه‌وه‌ گەیشتە شنگال.

شەشۆ گوتیشی، ئەو هێزە گەیشتوونەتە باشووری چیای شنگال و ناوچەکانی گرعزێر و له‌وێ جێگیر بوون، ''هه‌ڵبه‌ته‌ ڕوون نییه‌ و نزانین ئەو هێزە بۆچی هاتووه‌تە شنگال.''

سەرچاوە مێژوویییەکان ئاماژە بەوە دەکەن، هەمیشە چیای شنگال بووەتە پەناگەیەک بۆ ڕزگارکردنی خەڵک لە دوژمنان، لەوانە ئەو کۆمەڵکوژییەی بەسەر ئێزدیاندا هات. جگە لەمەش، لە کاتی جینۆسایدی ئەرمەنەکانیشدا، ئەوان هاتن، خۆیان لە چیای شنگالدا گرتەوە و لە دوای کۆمەڵکوژیی ئێزدیانیش لە ٣ی ئابی ٢٠١٤دا کاتێک داعش دەستی بەسەر شنگالدا گرت، زۆربەی هەرە زۆری ئێزدیان بەرەوە چیاکە ڕۆیشن.

به‌گوێره‌ی چه‌ند سه‌رچاوه‌یه‌ك كه‌ به‌ ماڵپه‌ڕی فه‌رمیی پارتییان ڕاگه‌یاندووه‌، ئەم هێزە ده‌یه‌وێ بگاتە لووتکەی چل مێرا لە چیای شنگال، به‌ڵام قاسم شەشۆ ده‌ڵێ، نازانن هاتنی هێزه‌ ئه‌مه‌ریكاییه‌كه‌ بۆ ناوچه‌كه‌یان بۆ چ مه‌به‌ستێكه‌.

چیای شنگال ١٤٦٥م لەسەر ئاستی دەریاوە بەرزە، چیاکە دەکەوێتە نێوان سنووری سووریا و عێراق و لە نێوان پارێزگاکانی حەسەکە و مووسڵدایە و بەرزترین لووتکەی چیاکەش ناوچەی (چل میرا)یە. لە ساڵی ١٩٩١یش حکوومەتی بەعس لەسەر لووتکەی چل مێرا ٣٩ مووشەکی دوورمەودای ئاراسته‌ی وڵاتی ئیسرائیل كردن، دواتر فڕۆکە ئیسرائیلییەکان لە وەڵامیدا ناوچەی چل مێرایان بۆردوومان کرد و چەندین خێزانی ئێزدی لەو ناوچەیە بوونه‌ قوربانی.

شارەزایانی سیاسی هەمیشە جەخت لەوە دەکەنەوە، هەبوونی حەشدی شەعبی لە شنگالدا به‌ واتای به‌یه‌كه‌وه‌گرێدانی 'هیلالی شیعییە'، كه‌ ده‌كاته‌ پێگه‌وه‌گرێدانی ئێرانه‌ بە سووریا له‌ ڕووی زه‌وینییه‌وه‌؛ ئەمەش دەبێت به‌ هەڕەشە بۆ سەر بەرژەوەندییەکانی ئەمریکا و هاوپه‌یمانانی.

کــاروان بـــاعەدری




دوایین هەواڵەکان

نووسینگەی ڕاگەیاندنی بارەگای بارزانی ڕوونکردنەوەیەک بڵاوده‌كات

THURSDAY, 23 MAY 2019 23:05:13
ڕوونکردنەوەیەک لە نووسینگەی ڕاگەیاندنی بارەگای بارزانی
 
حه‌فته‌ى داهاتوو په‌رله‌مان ده‌نگ بۆ سه‌رۆكى هه‌رێمى كوردستان ده‌دات

THURSDAY, 23 MAY 2019 17:05:15

هه‌ولێر-KDP.info- سه‌رۆكى فراكسیۆنى زه‌رد له‌ په‌رله‌مانى كوردستان ده‌ڵێ، هه‌موو ئاماده‌كارییه‌ك بۆ هەڵبژاردنى سه‌رۆكى هه‌رێمى كوردستان كراوه‌ و ناوه‌ڕاستى حه‌فته‌ى داهاتوو دانیشتنى په‌رله‌مان بۆ ئه‌م پرۆسه‌یه‌ به‌ڕێوه‌ ده‌چێت و په‌رله‌مان ده‌نگ بۆ سه‌رۆكى هه‌رێمى كوردستان ده‌دات.

"بە نه‌بوونی پێشمه‌رگه‌ له‌ ناوچه‌ کوردستانییەکاندا داعش سه‌ری هه‌ڵداوه‌ته‌وه‌"

THURSDAY, 23 MAY 2019 16:05:22

ناوچە کوردستانییەکان -KDP.info- تیرۆریستانی داعش له‌ ناوچه‌ کوردستانییەکانی ده‌ره‌وه‌ی ئیداره‌ی هه‌رێمی كوردستان دەستیان بە جووڵه‌ی تیرۆریستی و سووتاندنی كشتوكاڵی جووتیاران و وه‌رگرتنی سه‌رانه‌ی له ‌هاووڵاتییان كردووه‌ته‌وه. شاره‌زایه‌كی گرووپه‌ ئیسلامییه‌ تونده‌ڕۆ‌كانیش ده‌ڵێ، موخابه‌راتی وڵاتان به‌ مه‌به‌ستی خۆیان داعش بەكار ده‌هێنن، نه‌بوونی پێشمه‌رگه‌ش له ‌ناوچه‌ كوردستانییه‌كان ڕێگه‌خۆشكه‌ر بووه‌ بۆ سه‌رهه‌ڵدانه‌وه‌ی داعش.

لیوا بابەکر: ئەو شوێنانە لە ناوچە کوردستانییەکان دیاری کراون کە پێشمەرگە تێیدا جێگیر دەکرێت

THURSDAY, 23 MAY 2019 16:05:14

هەولێر-KDP.info- دانوستان لە نێوان ھەردوو وەزارەتی پێشمەرگە و بەرگریی عێراقدا لەبارەی ڕەوشی ئەمنییەوە بەردەوامە و، بەرپرسێکی وەزارەتی پێشمەرگەش ئاشکرای کرد، بەردەوام زانیاریگۆڕینەوە لەسەر داعش ھەیە و شوێنیش بۆ گەڕانەوەی پێشمەرگە دیاری کراوە، بەڵام بڕیاری کۆتایی ماوە.

عەبدوڵڵا گەدۆ: بەهۆی ناکۆکییەکانەوە ناوچەی ئارام دیاری نەکراوە

THURSDAY, 23 MAY 2019 16:05:38

ڕۆژئاوای کوردستان -KDP.info- ئەمەریکا چەندین جارە دووپاتی دەکاتەوە کە دەبێ ناوچەیەکی ''ئارام'' لە سووریا دیاری بکرێت، بەڵام شێواز و چۆنیەتیی بەڕێوەبردنی ئەو ناوچەیەی دیار نەکردووە. سیاسەتمەدارێکی دیاری ڕۆژئاوای کوردستانیش دەڵێت، ئەمەریکا دەیەوێ هاوسەنگیی سیاسیی خۆی لە ڕۆژئاوا بپارێزرێت، بۆیە هەنگاوەکانی دیاریکردنی ناوچەی ئارام هەڵناگیرێن.



 
© 2018 Kurdistan Democratic Party, KDP