Kurdî  ■  كوردی  ■  عربي
WED, 16 JAN 2019 18:02 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کۆمسیۆن یەکشەممەی دابێ دەست بە تۆمارکردنی قەوارەکان بۆ هەڵبژاردنی پەرلەمانی کوردستان دەکات
| KDP.info


 

هەولێر-KDP.info- دوای دەرچوونی مەرسوومی سەرۆکی ئەنجومەنی وەزیرانی ھەرێمی کوردستان بۆ ئەنجامدانی ھەڵبژاردنی پەرلەمانی کوردستان لە ٣٠ی ئەیلوولی دابێ، گوتەبێژی کۆمسیۆنی باڵای ھەڵبژاردنەکانی ھەرێمی کوردستان ئاشکرای کرد، لە ڕۆژی یەکشەممەی دابێوە دەست بە تۆمارکردنی قەوارەکان دەکەن و حکوومەت بڕی ١٠ ملیار دیناریشی ناردووە بۆ کۆمسیۆن.

 

شیروان زرار، گوتەبێژی کۆمسیۆنی باڵای ھەڵبژاردنەکانی ھەرێمی کوردستان بە ماڵپەڕی فەرمیی پارتی دیموکراتی کوردستانی ڕاگەیاند: "فەرمانی سەرۆکایەتیی ئەنجومەنی وەزیران بۆ ئەنجامدان ھەڵبژاردنی پەرلەمانی کوردستان لە ڕۆژی ٣٠ی مانگی ئەیلوولی داھاتوو گەیشتووەتە کۆمسیۆن و ھەر ئەمڕۆ گوژمەی دە ملیار دیناریش گەیشتووەتە کۆمسیۆن بۆ خەرجی پڕۆسەکە، ئێمە ھەر ئەمڕۆ دەستمان بە خشتەی کارکردن کردووە بە مەبەستی خۆ ئامادەکردن بۆ بەڕێوەبردنی پڕۆسەی ھەڵبژاردنی ٣٠ی ئەیلوول، بڕیارە لە ڕۆژی یەکشەممەی دابێوە دەست بە کارەکانمان بۆ ھەموو ڕێکارەکانی ھەڵبژاردن بکەین، لەوانەش پاککردنەوەی تۆماری دەنگدەران و تۆمارکردنی قەوارەکان و نوێکردنەوەی تۆماری دەنگدەران، ئێمە لایەنی جێبەجێکارین و پابەندین بەوەی لە ڕۆژی ٣٠ی ئەیلوول ھەڵبژاردن بەڕێوە ببەین."

 

گوتەبێژی کۆمسیۆنی ھەڵبژاردنەکانی ھەرێم گوتی: "ئەرکی ئێمە ئەنجامدانی ھەڵبژاردنێکی شەفاف و بێ کێشەیە و ڕەوشی سیاسی چۆنە و چۆن نییە ئەوە پەیوەندی بە لایەنەکانەوە ھەیە و کۆمسیۆن پەیوەندی بەسەر ئەو پرسەوە نییە، دەمانەوێ پڕۆسەیەکی سەرکەوتوو ئەنجام بدەین و ھەوڵ دەدەین ئەو گرفتانەی لە ھەڵبژاردنی پەرلەمانی عێراق ڕووی دا ئەزموونی لێ وەربگرین و دووبارە نەبنەوە."

 

شیروان زرار ئاماژەی بۆ ئەوە کرد: "ھیچ کێشەیەکی ئەوتۆ لەبەردەم کۆمسیۆندا نییە، تەنیا دەخوازین حکوومەتی ھەرێمی کوردستان ھاوکارمان بێت لەوەی تۆماری دەنگدەران پاک بکرێتەوە و وەزارەتەکان ھاوکار بن، چونکە پێویستمان بە داتای ھەندێ وەزارەت ھەیە، لەوانەش تەندروستی و پێشمەرگە و ناوخۆ و دادگاکان."

 

ھەر پێوەست بە پاککردنەوەی تۆماری دەنگدەران زرار ڕوونی کردەوە: "کاری تێدا کراوە و تا ئەو ھەڵبژاردنە بەڕێوە دەچێت پڕۆسەی پاککردنەوەی تۆماری ناوی دەنگدەرانی ھەرێمی کوردستان بەردەوامە، ئاماری کۆتاییم لەبەردەست نییە، چونکە ڕۆژانە گۆڕانکاری بەسەردا دێت، بەڵام ھەموو ھەوڵێکمان بۆ ئەوەیە تا پێمان بکرێت تۆماری دەنگدەران لە ناوی مردوو و دووبارە پاک بکەینەوە."

 

قائید میرۆ

 




دوایین هەواڵەکان

دیاری حوسێن: پارتی بەبێ ئاسایکردنەوەی رەوشی کەرکووک شەرعیەت بە هیچ هەڵبژاردنێک نادات

WEDNESDAY, 16 JANUARY 2019 17:01:49

كەركووك-KDP.info- دوای ئەوەی ڕۆژی یەکشەممەی ڕابردوو کۆمسیۆنی باڵای ھەڵبژاردنەکانی عێراق بڕیاری دا ھەڵبژاردنی ئەنجومەنی پارێزگاکانی عێراق لە کۆتاییی ئەمساڵ بەڕێوە بچێت و پارێزگای کەرکووکیش دەگرێتەوە، بەرپرسێکی پارتی دەڵێ، لای ئێمە ھەڵبژاردنەکەی کەرکووک ھیچ شەرعیەتی نییە و لەگەڵ لایەنە کوردەکانی کەرکووکیش ئەو بابەتە یەکلا دەکەینەوە.

 
داوا دەکرێ سێ بەنداوی سنووری قەزای مێرگەسۆر تەواو بکرێن

WEDNESDAY, 16 JANUARY 2019 15:01:55

هەولێر-KDP.info- ساڵی ڕابردوو ھەرێمی کوردستان و تورکیا ڕێک کەوتوون لەسەر دروستکردنی سێ بەنداو، ئەندامێکی لیژنەی سەرچاوەکانی ئاوی پەرلەمانی عێراقیش دەڵێ، داوایان کردووە حکوومەتی بەغدا ھاوکار بێت بۆ دەستپێکردنی ئەو پڕۆژانە و سوودی بۆ ھەرێم و عێراقیش دەبێت.

 
"ساڵی ڕابردوو زیاتر لە پێنج ھەزار ڕووداوی ئەمنی لە کەرکووک تۆمار کراون"

WEDNESDAY, 16 JANUARY 2019 15:01:30

کەرکووک-KDP.info- تێکچوونی ڕەوشی ئەمنیی شاری کەرکووک دانیشتووانەکەی دڵگران کردووە و سەرچاوەیەکی ئەمنیش ڕوونی کردەوە، تەنیا لەساڵی ڕابردوودا زیاتر لە پێنج ھەزار ڕووداوی ئەمنی لە کەرکووک تۆمار کراون.

 
دیندار زێباری: بە گوێرەی یاسا مامەڵە لەگەڵ دەستگیرکراوان کراوە

WEDNESDAY, 16 JANUARY 2019 15:01:59

هەولێر-KDP.info-   لە دوای هێرشی تیرۆریستانی داعش بۆ سەر چەند ناوچەیەکی کوردستان، بەردەوام لە چەند سەرچاوەیەکی نێودەوڵەتی و ناوخۆییەوە تۆمەتی مامەڵەی نەشیاو لەگەڵ دەستگیرکراوان دەخرێتە پاڵ دامودەزگاکانی حکوومەتی هەرێمی کوردستان؛ وەک هێشتنەوەی ڕاگیراوان بۆ ماوەیەکی زۆر بێ ئەوەی دادگایی بکرێن  و کەیسەکانیان یەکلا بکرێتەوە. د. دیندار زێباری، ڕێکخەری ڕاسپاردە نێودەوڵەتییەکانی حکوومەتی هەرێمی کوردستان سەبارەت بەم پرسە دەڵێ، بە گوێرەی یاسا مامەڵە لەگەڵ دەستگیرکراوان کراوە.

 
سه‌رۆک بارزانی به‌شداری له‌ پرسه‌ی مامۆستا محه‌مه‌د مه‌لا قادر کرد

WEDNESDAY, 16 JANUARY 2019 14:01:27

هەولێر-KDP.info-  سەرۆک بارزانی ئەمڕۆ لە هەولێری پایتەخت بەشداری لە مەراسیمی پرسەی مامۆستا محەمەد مەلا قادر کرد.



 
© 2018 Kurdistan Democratic Party, KDP