Kurdî  ■  كوردی  ■  عربي
WED, 16 JAN 2019 18:05 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئه‌حمه‌د كانی: له‌ هه‌ولێر ده‌نگ و كورسیمان زیادی كردووه‌
| KDP.info


 

هه‌ولێر-KDP.info- به‌رپرسی لقی 2ی پارتی دیموكراتی كوردستان گوتی، هه‌رچه‌نده‌ چه‌ند هۆكارێك هه‌بوون كه‌ پارتی له‌ سنووری هه‌ولێر نه‌یتوانی ده‌نگی ڕاسته‌قینه‌ی خۆی به‌ده‌ست بێنێت، به‌ڵام سه‌ره‌ڕای ئه‌مه‌ش ده‌نگ و كورسییه‌كانی پارتی له‌ سنووری هەولێر زیادی كردووه‌.

 

پارتی دیموكراتی كوردستان له‌ هه‌ڵبژاردنی په‌رله‌مانی عێراق به‌راورد له‌گه‌ڵ هه‌ڵبژاردنی ڕابردوو ده‌نگه‌كانی زیادی كردووه‌ و ته‌نیا له‌ سنووری سلێمانی به‌ ده‌نگی ڕاسته‌قینه‌ی خۆی نازانێت و سكاڵای تۆمار كردووه.‌

 

به‌رپرسی لقی 2ی پارتی دیموكراتی كوردستان، ئه‌حمه‌د كانی، به‌ ماڵپه‌ڕی فه‌رمیی پارتی دیموكراتی كوردستانی ڕاگه‌یاند: "له‌ سنووری پارێزگای هه‌ولێر ده‌نگی باشمان به‌ده‌ست هێناوه‌ و به‌ غرووریش باس ناكه‌ین، به‌ڵام پارتی ده‌نگی ڕاسته‌قینه‌ی خۆی به‌ده‌ست نه‌هێناوه‌ له ‌سنووری هه‌ولێر، هۆكاره‌كانیش ئه‌مانه‌ن، یه‌كه‌م سیسته‌می نوێی ده‌نگدان ڕێگر بوو ده‌نگده‌رانی ئێمه‌ ده‌نگی خۆیان بده‌ن و دووه‌م كه‌ ڕه‌نگه‌ خه‌ڵك لای سه‌یر بێت، به‌ڵام ڕێگری له ‌ده‌نگده‌رانی ئێمه‌ ده‌كرا و له‌ ده‌نگدانی تایبه‌ت له‌ په‌یامنێری كوردستان تیڤیان دا و ئێمه‌ هیچ ڕه‌تدانه‌وه‌مان نه‌بوو بۆ ئه‌وه‌ی پرۆسه‌كه‌ به ‌ئارامی به‌رێوه ‌بچێت، چونكه‌ ته‌نیا ئارامی خزمه‌تی ئێمه‌ و هاووڵاتیانیش ده‌كات."

ئه‌حمه‌د كانی گوتی: "ئه‌وانه‌ی خۆیان به‌ ڕکابەری پارتی ده‌زانی هه‌شت ساڵه‌ باس له‌وه‌ ده‌كه‌ن پارتی لاواز ده‌بێت و پێگه‌ی جه‌ماوه‌ری نامینێت، ئێستا پێچه‌وانه‌ی هاته‌ دی، چونكه‌ له‌ سنووری لقی 2ی پارتی 5% ده‌نگه‌كانی  زیادی كردووه‌ و حه‌وت كورسیشمان هه‌بوو، بووەته‌ هه‌شت كورسی، چونكه‌ ڕێژه‌ی ده‌نگی ئێمه‌ هه‌ڵبژاردنی ڕابردوو 38%بوو ئێستا بووەتە نزیكەی ‌43%‌."

كانی ڕوونیشی كرده‌وه: "له ‌ساڵی 2014دا 330 هه‌زار ده‌نگده‌ر هه‌بوو، له‌وانه‌ پارتی 130 هه‌زار ده‌نگی هه‌بوو، جگه‌ له ‌ده‌نگی تایبه‌ت، ئه‌م جاره‌ له‌ كۆی زیاتر له‌200 هه‌زار ده‌نگ پارتی 105 هه‌زار ده‌نگی هێناوه."

بڵند ئیبراهیم

 




دوایین هەواڵەکان

دیاری حوسێن: پارتی بەبێ ئاسایکردنەوەی رەوشی کەرکووک شەرعیەت بە هیچ هەڵبژاردنێک نادات

WEDNESDAY, 16 JANUARY 2019 17:01:49

كەركووك-KDP.info- دوای ئەوەی ڕۆژی یەکشەممەی ڕابردوو کۆمسیۆنی باڵای ھەڵبژاردنەکانی عێراق بڕیاری دا ھەڵبژاردنی ئەنجومەنی پارێزگاکانی عێراق لە کۆتاییی ئەمساڵ بەڕێوە بچێت و پارێزگای کەرکووکیش دەگرێتەوە، بەرپرسێکی پارتی دەڵێ، لای ئێمە ھەڵبژاردنەکەی کەرکووک ھیچ شەرعیەتی نییە و لەگەڵ لایەنە کوردەکانی کەرکووکیش ئەو بابەتە یەکلا دەکەینەوە.

 
داوا دەکرێ سێ بەنداوی سنووری قەزای مێرگەسۆر تەواو بکرێن

WEDNESDAY, 16 JANUARY 2019 15:01:55

هەولێر-KDP.info- ساڵی ڕابردوو ھەرێمی کوردستان و تورکیا ڕێک کەوتوون لەسەر دروستکردنی سێ بەنداو، ئەندامێکی لیژنەی سەرچاوەکانی ئاوی پەرلەمانی عێراقیش دەڵێ، داوایان کردووە حکوومەتی بەغدا ھاوکار بێت بۆ دەستپێکردنی ئەو پڕۆژانە و سوودی بۆ ھەرێم و عێراقیش دەبێت.

 
"ساڵی ڕابردوو زیاتر لە پێنج ھەزار ڕووداوی ئەمنی لە کەرکووک تۆمار کراون"

WEDNESDAY, 16 JANUARY 2019 15:01:30

کەرکووک-KDP.info- تێکچوونی ڕەوشی ئەمنیی شاری کەرکووک دانیشتووانەکەی دڵگران کردووە و سەرچاوەیەکی ئەمنیش ڕوونی کردەوە، تەنیا لەساڵی ڕابردوودا زیاتر لە پێنج ھەزار ڕووداوی ئەمنی لە کەرکووک تۆمار کراون.

 
دیندار زێباری: بە گوێرەی یاسا مامەڵە لەگەڵ دەستگیرکراوان کراوە

WEDNESDAY, 16 JANUARY 2019 15:01:59

هەولێر-KDP.info-   لە دوای هێرشی تیرۆریستانی داعش بۆ سەر چەند ناوچەیەکی کوردستان، بەردەوام لە چەند سەرچاوەیەکی نێودەوڵەتی و ناوخۆییەوە تۆمەتی مامەڵەی نەشیاو لەگەڵ دەستگیرکراوان دەخرێتە پاڵ دامودەزگاکانی حکوومەتی هەرێمی کوردستان؛ وەک هێشتنەوەی ڕاگیراوان بۆ ماوەیەکی زۆر بێ ئەوەی دادگایی بکرێن  و کەیسەکانیان یەکلا بکرێتەوە. د. دیندار زێباری، ڕێکخەری ڕاسپاردە نێودەوڵەتییەکانی حکوومەتی هەرێمی کوردستان سەبارەت بەم پرسە دەڵێ، بە گوێرەی یاسا مامەڵە لەگەڵ دەستگیرکراوان کراوە.

 
سه‌رۆک بارزانی به‌شداری له‌ پرسه‌ی مامۆستا محه‌مه‌د مه‌لا قادر کرد

WEDNESDAY, 16 JANUARY 2019 14:01:27

هەولێر-KDP.info-  سەرۆک بارزانی ئەمڕۆ لە هەولێری پایتەخت بەشداری لە مەراسیمی پرسەی مامۆستا محەمەد مەلا قادر کرد.



 
© 2018 Kurdistan Democratic Party, KDP