Kurdî  ■  كوردی  ■  عربي
WED, 12 DEC 2018 06:36 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پەیمانگەی کوردستان: پارتی بڕیارێکی دروستی بۆ بایکۆتی هەڵبژاردن لە کەرکووک دا
| KDP.info


هەولێر-KDP.info-  نوێنەرێکی کەرکووک لە پەرلەمانی عێراق ئاشکرای کرد، ھەوڵەکانمان بەردەوامن بۆ ئاساییکردنەوەی ڕەوشی ئاڵۆزی کەرکووک و دەشڵێ، بەدەم تانک و زرێپۆشەوە خەڵک ناچێتە ھەڵبژاردنەکان. بەڕێوەبەری پەیمانگەی کوردستان بۆ پرسە سیاسییەکان نەیشاردەوە پارتی دیموکراتی کوردستان بڕیارێکی دروستی دا بۆ بایکۆتکردنی ھەڵبژاردن لە کەرکووک.

ئەمیرە زەنگەنە، نوێنەری کەرکووک لە پەرلەمانی عێراق، بە ماڵپەڕی فەرمیی پارتی دیموکراتی کوردستانی ڕاگەیاند: "بەو ئاڵۆزییەوە ھەڵبژاردنەکانی کەرکووک زۆر بێمانایە، چۆن دەبێت ھاووڵاتی لەجیاتی ئەوەی لە کەشێکی ئارامدا ڕوو لە سندووقەکانی دەنگدان بکات، لە ماڵی خۆی بێتە دەرەوە تانک و زرێپۆش لەبەرچاوی بێت، زەحمەتە پڕۆسەکە وەک خۆی بەڕێوە بچێت، لەبەر ئەوەش، پێمان وایە پێویستە بەر لە بەڕێوەچوونی پڕۆسەی ھەڵبژاردنەکانی داھاتوو ڕەوشی کەرکووک ئاسایی بکرێتەوە."

نسرەت سۆفی، بەڕێوەبەری پەیمانگەی کوردستان بۆ پرسە سیاسییەکانیش بە ماڵپەڕی فەرمیی پارتی دیموکراتی کوردستانی ڕاگەیاند: "ئەوەی لە کەرکووک ھەیە دەسەڵاتێکی سەربازیی بێمانایە و ڕەوشی ناوچەکە بۆ پڕۆسەی ھەڵبژاردن گونجاو نییە، چونکە ئیدارەی سەربازیی شارەکە ھەندێک ڕێوشوێنی توندی داناوە بۆ بەڕێوەچوونی پڕۆپاگەندای ھەڵبژاردنەکان کە نابێ لە شەودا پڕۆپاگندا بکرێت و ئاڵای کوردستان قەدەغە کراوە."

سۆفی ئەوەیشی نەشاردەوە کە نابێ کورد بێدەنگ بێت لە ھەمبەر ئەو  ڕێکارانەی لە کەرکووک گیراونەتەبەر بۆ بەڕێوەچوونی پڕۆسەی ھەڵبژاردن و ھەڵمەتی بانگەشەکردن و دەشڵێ: "پارتی دیموکراتی کوردستان بڕیارێکی دروستی دا لەوەی لە کەرکووک بایکۆتی ھەڵبژاردنەکان بکات، چونکە بەو ڕەوشەی شارەکەی تێدایە ھەڵبژاردن ھیچ واتایەک نابەخشێ و ئاستەنگی زۆر دروست دەکرێت."

قائید میرۆ

 




دوایین هەواڵەکان

نێچیرڤان بارزانی و وه‌زیری وزه‌ی ئه‌مه‌ریكا كۆ بوونه‌وه‌

TUESDAY, 11 DECEMBER 2018 20:12:27

هه‌ولێر-KDP.info-  له‌ كۆبوونه‌وه‌یدا له‌گه‌ڵ وه‌زیری وزه‌ی وڵاته‌ یه‌كگرتووه‌كانی ئه‌مه‌ریكا، نێچیرڤان بارزانی گرنگیى به‌رده‌وامیی هاوپه‌یمانه‌تی و دۆستایه‌تی له‌گه‌ڵ ئه‌مه‌ریكا دووپات كرده‌وه. هاوكات هیوای خواست ئه‌مه‌ریكا سه‌باره‌ت به‌ هه‌نارده‌كردنی نه‌وتی كه‌ركووك بگێڕێت، چونكه‌ له‌ به‌رژه‌وه‌ندی و داهاتی گشتیی عێراق به‌كار ده‌بێت.

 
سەرەخۆشیی بارەگای بارزانی بۆ خانەوادەی موقه‌ده‌م زوبێر خدر ره‌سوڵ

TUESDAY, 11 DECEMBER 2018 20:12:55

به‌ناوی خودای گه‌وره‌ و میهره‌بان

شاندێكی یه‌كێتیى ئه‌ورووپا سه‌ردانی په‌رله‌مانی كوردستانیان كرد

TUESDAY, 11 DECEMBER 2018 19:12:58

هەولێر-KDP.info-  شاندێكی یه‌كێتیى ئه‌ورووپا سه‌ردانی په‌رله‌مانی كوردستانیان كرد و ئاماده‌یی خۆیان بۆ  كردنه‌وه‌ى خولى راهینان و گه‌شه‌پێدانى تواناكان له‌گه‌ڵ ئه‌ندامانى خولى نوێى په‌رله‌مان نیشانداو  جه‌ختیشیان له‌سه‌ر كاركردنى هاوبه‌ش له‌گه‌ڵ هه‌رێمى كوردستان و عێراق كرده‌وه‌ له‌ هه‌ردوو بوارى  چاودێریى دارایی گشتى و چاكسازى له‌بوارى وزه‌دا به‌تایبه‌تى له‌بوارى كه‌رتى كاره‌بادا.

وەزیری وزەی ئەمەریکا سڵاو و سوپاسگوزاری تایبەتی مایک پێنسی بە سەرۆک بارزانی گەیاند

TUESDAY, 11 DECEMBER 2018 19:12:33

هەولێر-KDP.info-  سەرۆك بارزانی لە شاری هەولێر لەگەڵ وەزیری وزەی ئەمەریكا كۆبووەوە و لە دیدارەکەدا وەزیری وزەی ئەمریکا، سڵاوی تایبەتی مایک پێنس جێگری سەرۆکی ئەمریکای بە سەرۆک بارزانی گەیاند، سوپاسگوزاری تایبەتی ئەویشی بە سەرۆک بارزانی گەیاند، سەبارەت بە پەنادان و حەوانەوە و پاراستنی پێکهاتە ئایینییەکان بەتایبەتی کریستیانەکان لە هەرێمی کوردستاندا. هیواشی خواست ئەو هاونیشتمانییانەی بەهۆی شەڕی داعشەوە پەڕاگەندەو ئاوارە بوون بە زووترین کات بگەڕێنەوە سەر ماڵ و حاڵی خۆیان.

مه‌سروور بارزانی: ھەرێمی کوردستان دەخوازێت بە شێوەیەکی کرداری سوود لە ناوەڕۆکی رێککەوتنی ستراتیژی ئەمەریکا و عێراق وەرگرێت

TUESDAY, 11 DECEMBER 2018 19:12:33

هەولێر-KDP.info- مەسروور بارزانی راوێژکاری ئەنجوومەنی ئاسایشی هەرێمی کوردستان و وەزیری وزەی ئەمەریکا کۆبوونەوە و لە دیدارەکەدا مەسروور بارزانی رایگەیاند،  ھەرێمی کوردستان دەخوازێت بە شێوەیەکی کرداری سوود لە رێکەوتنی ستراتیجی نێوان ئەمەریکا و عێراق وەرگرێت بە تایبەت لە بواری کەرتەکانی وزە و ئابووری و چاکسازی.



 
© 2018 Kurdistan Democratic Party, KDP