Kurdî  ■  كوردی  ■  عربي
SAT, 22 SEP 2018 18:43 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وەزارەتی دارایی ڕوونكردنەوە دەدات و مووچەی چەند وەزارەتێكیش دابەش دەكرێت
| KDP.info


 

هەولێر-KDP.info- وەزارەتی دارایی و ئابووری، لە ڕوونكردنەوەیەكدا ڕایدەگەیێنێت، سبەینێ و دووسبەی، جگە لە مووچەی وەزارەتی پەروەردە، مووچەی وەزارەتەكانی تەندروستی، شارەوانی و گەشتوگوزار، ناوخۆ، شەهیدان و كەسوكاری شەهیدان و ئەنفالكراوان، زیندانیانی سیاسی، دارایی و رەگەزنامە دابەش دەكرێت.

دەقی ڕوونكردنەوەكە:

هاووڵاتیان و مووچەخۆرانی هەرێمی كوردستان، دوابەدوای بڵاوبوونەوەی چەند هەواڵێك لەسەر ناردنی مووچه لە بەغداوە لە راگەیاندنەكان، لێرەوە تەواوی زانیارییەكانتان پێ ڕادەگەیێنین.
سەرەتا سوپاسی سەرۆكوەزیرانی حكوومەتی فیدراڵ و سەرۆكوەزیرانی هەرێمی كوردستان دەكەین، كە توانییان بە پشوودرێژی لە قۆناخێكی سەختدا گفتوگۆیەكی بەرهەمدار ئەنجام بدەن و لەو رێگەیەوە بڕەپارەیەك لە بەغداوە بگاتە هەرێمی كوردستان، ئەمە دەستپێكێكی ئەرێنییە، بەڵام بڕی مووچەی هەرێمی كوردستان بە بێ پاشەكەوت ٩٠٠ ملیار دینارە و بە سیستمی ئێستای پاشەكەوتەوە پێویستمان بە ٥٩٠ ملیار دینارە، بۆیە هیوادارین بەغدا بەردەوام بێت لەسەر ناردنی مووچەی مانگانە.
١-دەقی نامەی بەڕێز سەرۆكی بانكی مەركەزی بۆ وەزارەتی دارایی و ئابووری
اگلاق راتب لشهر واحد لموڤفی اقلیم كردستان

رواتب الاقلیم عدا البیشمركە       281,724,634
+
رواتب البیشمركە 35,815,831
=
مجموع رواتب الاقلیم مع البیشمركە          317,540,465
٢- ئەم بڕە (317,540,465) دینار بۆ مووچەی هەموو وەزارەتەكانە بە پێشمەرگەیشەوە، نەك تەنیا بۆ تەندروستی و پەروەردە.
٣- رۆژی ٢٠١٨/٣/١٩ دووشەممە لە لقی بانكی مەركەزی لە هەولێر پارەكە رادەستی وەزارەتی دارایی و ئابووری دەكرێت.

٤-وەزارەتمان بە راوێژ لەگەڵ سەرۆكایەتیی ئەنجوومەنی وەزیرانی هەرێمی كوردستان دووشەممە و سێشەممە واتا ١٩ و ٢٠ی مانگ جگە لە مووچەی وەزارەتی پەروەردە، بەردەوام دەبین لە پێدانی مووچە و لەو بڕەپارەیە مووچەی وەزارەتەكانی تەندروستی، شارەوانی و گەشتوگوزار، ناوخۆ، شەهیدان و كەسوكاری شەهیدان و ئەنفالكراوان، زیندانییانی سیاسی، دارایی و رەگەزنامە دابەش دەكەین، هەروەها دوای نەورۆزیش تەواوی وەزارەتەكانی دیكە دابەش دەكەین.

٥-پاش نەورۆز، حكوومەتی هەرێمی كوردستان كۆبوونەوەیەك ئەنجام دەدات بۆ ئەوەی بەو بڕەپارەیەی كە بەغدا دەینێرێ، هەروەها بە داهاتی ناوخۆ و داهاتی نەوت، لیستی مووچە رێك بخرێتەوە. هەموو هەوڵێك دەخەینە گەڕ بۆ باشتركردنی بژێویی هاووڵاتیان و مووچەخۆران.
 




دوایین هەواڵەکان

دڕاندن و سوتاندنی پۆسته‌ری كاندیدان، سزای هه‌یه‌

SATURDAY, 22 SEPTEMBER 2018 18:09:32

هەولێر-KDP.info-  دڕاندن و سوتاندنی پۆسته‌ری به‌ربژێره‌كانی پارتی دیموكراتی كوردستان له‌ سلێمانی بووه‌ به‌ دیارده‌ و، به‌شی یاسایی كۆمسیۆنی باڵای سه‌ربه‌خۆی هه‌ڵبژاردن و راپرسییش روونكردنه‌وه‌ له‌و باره‌وه‌ ده‌دات.

 
سەرۆك بارزانی پێشوازی لە سەرۆكی ئەنجوومەنی نوێنەرانی عێراق كرد

SATURDAY, 22 SEPTEMBER 2018 17:09:29

هەولێر-KDP.info- سەرۆك بارزانی پێشوازی لە سەرۆكی ئەنجوومەنی نوێنەرانی عێراق كرد و هەردوولا لەسەر ئەوە هاوڕا بوون كە پێویستە هەموو لایەك پابەندی تەوقیتاتی دەستووری بێت لە پڕۆسەی سیاسی و جەختیش لە پابەندبوون بە هەر سێ پڕەنسیپی هاوبەشی و تەوافوق و هاوسەنگیی نێوان پێكهاتەكان لە پڕۆسەی حوكمڕانیدا كرایەوە.

مه‌سروور بارزانی پێشوازی له‌ سه‌رۆكی ئه‌نجوومه‌نی نوێنه‌رانی عێراق كرد

SATURDAY, 22 SEPTEMBER 2018 16:09:44

هەولێر-KDP.info-  مه‌سروور بارزانی پێشوازی له‌ سه‌رۆكی ئه‌نجوومه‌نی نوێنه‌رانی عێراق كرد و لە دیدارەکەدا سه‌رۆكی ئه‌نجوومه‌نی نوێنه‌رانی عێراق رایگەیاند كه‌ له‌نزیكه‌وه‌ له‌گه‌ڵ سه‌رجه‌م فراكسیۆنه‌كانی ئه‌نجوومه‌ن كاری هاوبه‌ش ده‌كه‌ن له‌ گه‌ڵاڵه‌كردن و ده‌ركردنی یاساكان به‌ ئامانجی گێرانه‌وه‌ی متمانه‌ی نێوان پێكهاته‌كان و خزمه‌تكردنی باشتری هاووڵاتیانی وڵات بێ جیاوازی.

سەرۆك بارزانی لەگەڵ ئەندامانی فڕاكسیۆنی پارتی دیموكراتی كوردستان لە ئەنجوومەنی نوێنەرانی عێراق كۆبۆوە

SATURDAY, 22 SEPTEMBER 2018 15:09:51

هەولێر-KDP.info-   سەرۆك بارزانی لەگەڵ ئەندامانی فڕاكسیۆنی پارتی دیموكراتی كوردستان لە ئەنجوومەنی نوێنەرانی عێراق كۆبۆوە و لەو كۆبوونەوەیەدا سەرۆك بارزانی لە گوتەیەكدا دەستخۆشی و پیرۆزبایی لە ئەندامانی فڕاكسیۆنی پارتی دیموكراتی كوردستان لە ئەنجوومەنی نوێنەرانی عێراق كرد و ڕۆشنایی خستەسەر بایەخی هەڵبژاردنەكانی عێراق و سەركەوتنی لیستی پارتی لەو هەڵبژاردنە و جەختیشی لەوە كردەوە كە پێویستە فڕاكسیۆنی پارتی نموونەی بەرزی ئاكاری سیاسی بێت و پابەندیش بێت بە ئامانجە ستراتیژییەكانی گەلی كوردستان كە ئامانجی ستراتیژیی پارتی دیموكراتی كوردستانیشن.

پارتی چی كردووە و چیی تر دەكات؟

SATURDAY, 22 SEPTEMBER 2018 14:09:07

دهۆك-KDP.info- پارتی دیموكراتی كوردستان هەر لە سەرەتای دامەزرانییەوە كاری بۆ كوردستانێكی بەهێز كردووە و دەیكات، هەروەها توانیویەتی پێگەی سیاسی و جیۆسیاسیی كوردستان بەهێز بكات، وەك شارەزایانیش دەڵێن، پارتی كاری بۆ بەرزكردنەوەی هەموو ئاستەكانی ژیان لە هەرێم كردووە و دەیشیكات، دەشتوانێت پێگەی كورد زیاتر بەهێز و بەرەوپێشتر ببات.

 


 
© 2018 Kurdistan Democratic Party, KDP