Kurdî  ■  كوردی  ■  عربي
FRI, 22 MAR 2019 22:12 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ڕاوێژکارێكی کۆمارییەکان: تیلەرسن نەیهێشت ئەمەریکا هاوکاریی کورد بکات
| KDP.info


 

هه‌ولێر-KDP.info-  ڕاوێژکارێكی پارتی کۆمارییەکانی ئەمەریکا دەڵێ، کرانەوەی فڕگەکانی هەولێر و سلێمانی بە گوشاری ئەمەریکایە. لەبارەی لادانی رێکس تیلەرسنیشەوە گوتی، دەمێکبوو کە ترامپ بەرنامەی هەبوو تیلەرسن بگۆڕێ، چونکە ستایلی کارکردنی ترامپ فەوزای لە وەزارەتی دەرەوەی ئەمەریکا دروست کردبوو.

بۆچی تیلەرسن دوور خرایەوە؟
زەردەشت تۆفیق بەگ دانیشتووی ئه‌مه‌ریكایه‌ و خۆی بە راوێژکاری پارتی کۆمارییەکانی ئەمەریکا دەناسێنێ، بۆ ماڵپەڕی فەرمیی پارتی دیموکراتی کوردستان رایگەیاند، دەمێکە دۆناڵد ترامپ کێشەی لەگەڵ رێکس تیلەرسندا  هەیە، چونکە  تیلەرسن کەسێکی گلۆبالیستە و دۆناڵد ترامپیش لەگەڵ ئەو گلۆبالیستییەی ئەودا نییە، ''کاتێک ئەمەریکا کێشەی لەگەڵ کوریای باکووردا هەبوو، تێلەرسن سەردانی کۆریای باشووری کرد و پێچەوانەی دۆناڵد ترامپ لێدوانی دا و، پێچەوانەی ئەجێندای ترامپ رەفتاری کرد."

زەردەشت تۆفیق بەگ باوەڕی وایە، کە تێکچوونی پێوەندییەکانی ترامپ و تیلەرسن دوای ئەوەیه‌، کە ترامپ لێدوانی دا و گوتی، ''ئێمە ئاسن و ئاگر بەکار دەهێنین بۆ ئەوەی کۆریای باکوور لەنێو بەرین''، كه‌چی تیلەرسن ده‌ڵێ: ''من لە کۆریای باشوورم بۆ ئەوەی کێشەکانی کوریای باکوور و ئەمریکا بە شێوەیەکی ئاشتیانە چارە بکرێن.''
ئه‌و ئاماژەی دا، دۆناڵد ترامپ کۆمەڵێک ئەجێندای بۆ رۆژهەڵاتی ناوین و ئاسای دوور و ئەمەریکای باشوور و ئەفریکا هەیە، هه‌ڵبه‌ته‌ ستایلی تیلەرسن بۆ ئیدارەدانی وەزارەتی دەرەوە بە شێوەیەکی ئازادانە بوو کە هەرکەس وەک شارەزا ویستی هەبووا کاری لێی دەکرد، ئەمەیش فەوزایەکی لە وەزارەتی دەرەوەدا دروست کردبوو، کە ستایلەکە نەدەگونجا بۆ ترامپ.

لابردنی تێلرسن لە بەرژەوەندیی کوردە
زەردەشت تۆفیق بەگ لەبارەی هەڵوێستی تیلەرسن بەرانبەر بە کورد دەڵێ، ''تیلەرسن بەرژەوەندیی ناتۆی لە ناوچەکە لە کورد لا گرینگتر بوو، ئەو یەکێک بوو لەوانەی رێگری کرد و نەیهێشت ئەمەریکا هاوکاریی کورد بکات. تیلەرسن زیاتر باوەڕی بە پاکێج و گلۆباڵییەکه‌ی خۆی هەبوو و، باوەڕی وابوو کە پێوەندییەکی باشی لەگەڵ تورکیادا هەبێ، نموونەی بەردەستیش عەفرینە کە ئەو هیچ هەڵوێستێکی لەبارەی عەفرینه‌وه‌ نەبوو، ئامانجی سەرەکیی تیلەرسن ئەوەبوو کە پێوەندیی ئەمەریکا لەگەڵ تورکیا و چین و ئوسترالیا و کەنەدا و وڵاتانی ئەمەریکای باشوور باش بکات، ئەمەش ترامپ لەگەڵی هاوڕا نەبوو.''

کێشە نێوخۆییەکانی عێراق لە دیتی ئەمریکاوه‌
زەردەشت تۆفیق بەگ لەبارەی کرانەوەی فڕگەی هەولێر و سلێمانی لەلایەن بەغداوه‌ کە گەمارۆی نێودەوڵەتی خستبووە سەر، دەڵێ، ئەمەریکا گوشاری خستەسەر بەغدا کە دەبێ فڕگەکان بکرێنەوە و به‌ بڕوای ئه‌و، ئەمەش دوو دیوی هەیە، یەکێک ئەوەیە کە ئەو وڵاتانەی کە پێوەندییان لەگەڵ عێراقدا هەیە بەم رەفتارەی عێراق تووڕە بوون، چونکە ئەمە پرسێکی بارزگانییە نەک سیاسی، دیوێکی دیکەشی ئه‌وه‌یه‌ کە ئەمەریکا گوشاری لە عێراق کردووە كه‌ دەبێ گوزەرانی خەڵکی کوردستان باش بکات. دەشڵێ، لەمدواییەدا بەرنامە هەبوو کە عێراق ئاوەدان بکرێتەوە، بەڵام هیچ وڵاتێک ئەوەی نەکرد، ئیدی تەنیا ئەمەریکا دەیەوێ ئەوکارە بکات، بۆیە ئەمەریکایش کارتی بەهێزی لە عێراقدا لە دەستە.

کــاروان بــاعەدری




دوایین هەواڵەکان

حکوومەتی هەرێمی کوردستان ماتەمی راگەیاند

FRIDAY, 22 MARCH 2019 12:03:20
هەولێر-KDP.info- حکوومەتی هەرێمی کوردستان بەهۆی رووداوەکەی دوێنی شاری مووسڵ پەیامێکی بڵاوکردەوە و تیایدا راگرتنی بۆنە و ئاهەنگەکانی جەژنی نەورۆزی راگەیاند.
 
نێچیرڤان بارزانی په‌یوه‌ندی به‌‌ پارێزگاری مووسڵه‌وه‌ ده‌كات

THURSDAY, 21 MARCH 2019 22:03:42
هه‌ولێر-KDP.info- ئێواره‌ی ئه‌مڕۆ پێنجشه‌ممه‌ 21/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، په‌یوه‌ندییه‌کی ته‌له‌فۆنی به‌ به‌ڕێز نه‌وفه‌ل حه‌ممادی پارێزگاری مووسڵه‌وه‌ كرد و تیایدا پرسه‌ و سه‌ره‌خۆشی و هاوخه‌میی خۆی و گه‌لی كوردستانی به‌ به‌ڕێزیان و به‌ ڕێگای ئه‌ویشه‌وه‌ به‌ كه‌سوكاری قوربانیان ڕاگه‌یاند که‌ ئێواره‌ی ئه‌مڕۆ له‌ مووسڵ به‌هۆی ژێرئاوكه‌وتنی به‌له‌مێكی گه‌شتیارانه‌وه‌ له‌ ڕووباری دیجله‌ به‌ ده‌یان که‌س گیانیان له‌ده‌ست دا.
 
پرسه‌نامه‌ی باره‌گای بارزانی بۆ به‌ڕێز ئانۆ جه‌وهه‌ر عه‌بدۆکا‎

THURSDAY, 21 MARCH 2019 22:03:43
به‌ناوی خودای مه‌زن و دڵۆڤان
 
به‌ڕێز کاک ئانۆ جه‌وهه‌ر عه‌بدۆکا
 
به‌دڵگرانیه‌وه‌ هه‌واڵی کۆچی دوایی خاتوو (سارا تۆما بێهنام) هاوژینی خوالێخۆشبوو هونه‌رمه‌ند (عه‌بدولمه‌سیح ئێلیا عه‌بدۆکا) و داپیری به‌ڕێزتانمان پێگه‌یشت.
نێچیرڤان بارزانی: هاوخه‌میی قووڵی خۆمان بۆ که‌سوکاری قوربانیانی ئه‌مڕۆی مووسڵ ده‌رده‌بڕ‌ین

THURSDAY, 21 MARCH 2019 21:03:33
هەولێر-KDP.info- نێچیرڤان بارزانی، سه‌رۆکوه‌زیرانی هه‌رێمی کوردستان په‌یامێکی پرسه‌ و سه‌ره‌خۆشی ئاراسته‌ی که‌سوکاری قوربانیانی رووداوی ئه‌مڕۆی ژێرئاوکه‌وتنی به‌له‌مێکی گه‌شتیاری له‌ مووسڵ کرد و هه‌موو هاوکاری و پشتیوانییه‌کی داموده‌زگاکانی حکوومه‌تی هه‌رێمی کوردستانی بۆ لێقه‌وماوان نیشان دا.
 
سەرۆک بارزانی سەرەخۆشی لە کەسوکاری ڕووداوەکەی شاری موسڵ دەکات

THURSDAY, 21 MARCH 2019 21:03:26

هەولێر-KDP.info- سەرۆک بارزانی سەرەخۆشی لە کەسوکاری ڕووداوەکەی شاری موسڵ دەکات

ئەمە دەقەكەیەتی:



 
© 2018 Kurdistan Democratic Party, KDP