Kurdî  ■  كوردی  ■  عربي
THU, 21 JUN 2018 03:39 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بە ئامادەبوونی زیاتر لە ٥٠ سەرۆك، داوای پشتگیریكردن بۆ كوردستان دەكرێت
| KDP.info


 

ئیسپانیا-KDP.info- بۆ یەكەم جار لە مێژووی بزاڤی ڕزگاریخوازی گەلی كوردستاندا، كوردێك بەشداری لە كۆبوونەوەی سەرۆكەكانی پارتە دیموكراتەكانی جیھاندا كرد و، لەوێیش بە ئامادەبوونی زیاتر لە ٥٠ سەرۆكی پارتە دیموكراتەكانی وڵاتانی جیھان، داوای پشتگیریكردنی لە گەلی كوردستان كرد.

جێگری سەرۆكی لاوانی سیاسیی جیھان فەلاح حەسەن، بە فەرمی بەشداری لە كۆبوونەوەی ساڵانەی سەرۆكەكانی پارتە دیموكراتەكانی وڵاتانی جیھانیدا كرد لە مەدریدی پایتەختی وڵاتی ئیسپانیا و، وتارێكیشی بۆ ئامادەبووان پێشكەش كرد لەسەر دواڕەوشی لاوانی سیاسیی جیھان .

 فەلاح حەسەن دەڵێت، "زۆر بەختەوەرم وەك لاوێكی كورد گەییشتووینەتە ئەم ئاستە كە لەگەڵ سەرۆكی حزبە دیموكراتەكانی وڵاتاندا كۆ دەبینەوە كە زۆربەی زۆری حزبەكانیش لە دەسەڵاتن و تێیاندایە سەرۆكی حكوومەتن".

جێگری سەرۆكی لاوانی سیاسیی جیھان گوتیشی، "لە بەشێك لە وتارەكەماندا داوای پشتگیریمان كرد بۆ گەلەكەمان و، سەرجەم گۆرانكارییە سیاسییەكانمان بۆیان باس كرد، لە سەرووی ھەموویشیانەوە شەڕی داعش و لەشكركێشیی حەشد بۆ سەر كەركووك و وێرانكارییەكانی خوورماتوو".

حەسەن هەروەها ڕوونیشی كردەوە، "ھەموو ھەوڵی خۆمان خستە گەر تا بتوانین لەگەڵ زۆرینەیان بە تاك قسە بكەین و داوای پشتگیرییان لێ بكەین، ئەركی ھەموو كوردێكیشە كار بۆ لۆبییەكی تەندروست و تۆكمە بكات بۆ خزمەتكردنی گەلی كوردستان لە داهاتوودا".




دوایین هەواڵەکان

وەزارەتى خوێندنى باڵا، لیستى زانکۆ باوەڕپێکراوەکانى تورکیا و ئێرانی بڵاو كرده‌وه‌

THURSDAY, 21 JUNE 2018 00:06:18

هه‌ولێر-KDP.info-  وەزارەتى خوێندنى باڵا و توێژینەوەى زانستیى حکوومەتى هەرێمى کوردستان پێداچوونەوەى بە لیستى زانکۆ باوەڕپێکراوەکانى وڵاتانى (تورکیا – ئێران) کرد و لیستێکى نوێی بڵاو كرده‌وه‌.

 
مه‌كته‌بی سه‌رۆك سه‌رخۆشی له‌ شاخەوان غەریب ده‌كات

THURSDAY, 21 JUNE 2018 00:06:05

بەناوی خودای گەورە و میهرەبان

به‌ڕێز شاخەوان غەریب

بەبیستنی هه‌واڵی كۆچی دوایی كاكە(شڤان)ـی كوڕت خەمبار بووین.

پارتی سه‌رخۆشی له‌ خانەوادەی مەلا حاجی دێلۆیی ده‌كات

THURSDAY, 21 JUNE 2018 00:06:33

بەڕێزان خانەوادەی مەلا حاجی دێلۆیی

خەمبار بووین بە بیستنی هەواڵی کۆچی دوایی پێشمەرگەی هەدوو شۆڕشی مەزنی ئەیلوول و گوڵان، کادیری تێکۆشەر و دڵسۆزی پارتی و رێبازی بارزانی، ئەندامی مەکتەبی رێکخستن و کەسایەتیی دیاری دەڤەری پشدەر (مەلا حاجی دێلۆیی).

"بۆ گەڕانه‌وه‌ی پێشمه‌رگه‌ بۆ سنووری خانه‌قین سبه‌ی خۆپێشاندان دەکرێ"

WEDNESDAY, 20 JUNE 2018 16:06:14

خانه‌قین-KDP.info-  به ‌هۆی ئه‌وه‌ی مه‌ترسییه‌كی گه‌وره‌ له‌سه‌ر خانه‌قین هه‌یه‌ و به‌رده‌وام كرده‌وه‌ی تیرۆریستی لێ ئه‌نجام ده‌درێت و چه‌ندین گوند به‌و هۆیه‌وه‌ چۆڵ كراون و خه‌ڵكێكی زۆر بوونەته‌ قوربانی. عامر رەفعەت دەڵێ، ئیدی سبه‌ی له‌ خانه‌قین خۆپێشاندان بۆ گەڕانه‌وه‌ی هێزی پێشمه‌رگه‌ بۆ ئه‌و ناوچانه‌ ده‌ست پێ ده‌كات و خه‌ڵكی خانه‌قین مان ده‌گرن و دووكانه‌كانیان داده‌خه‌ن .

 
"زیاتر له ‌20 هه‌زار په‌نابه‌ر گه‌ڕاونه‌ته‌وه‌ عێراق و هه‌رێم"

WEDNESDAY, 20 JUNE 2018 16:06:22

هه‌ولێر-KDP.info- به‌ڕێوەبه‌ری كۆچ و كۆچبه‌ران گوتی، له‌ شه‌ڕی داعش و قه‌یرانی داراییدا شه‌پۆلێكی كۆچكردن له‌ هه‌رێمی كوردستانەوە بۆ ده‌ره‌وه‌ ده‌ستی پێ كرد، به‌ڵام له‌ دوای كۆتاییهاتنی شەڕی داعش كۆچكردن پێچه‌وانه‌ بووەته‌وه‌، به‌ جۆرێك له‌ دوو ساڵی ڕابردوودا زیاتر له‌20 هه‌زار كه‌س گه‌ڕاونه‌ته‌وه‌ بۆ عێراق، كه‌ 39%یان په‌نابه‌ری هه‌رێمی كوردستانن و گه‌ڕاونه‌ته‌وه‌ هه‌رێم و به‌رنامه‌یه‌كیشیان داناوه‌ هه‌ر ئاواره‌یه‌ك بگه‌ڕێته‌وه‌ هاوكاریی دارایی پێشكه‌ش ده‌كرێت.

 


 
© 2018 Kurdistan Democratic Party, KDP