Kurdî  ■  كوردی  ■  عربي
WED, 21 NOV 2018 01:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کوردستان و فەڕەنسا بۆ یەکدی گرینگن
| KDP.info


دیداری سەرۆکی فەرەنسا و سەرۆکوەزیرانی هەرێمی کوردستان. پاریس. ٢ـی دێسەمبەری ٢٠١٧

 

هەولێر-KDP.info-  مامۆستایەكی زانكۆ دەڵێت، فەڕەنسا دەیەوێت گرینگی زیاتر بە كوردستان بدات، چونكە باش لەوە گەییشتووە كە كوردستان هۆكاری سەقامگیریی ناوچەكەیە.

دوای سەردانەكەی بۆ بەغدا، وەزیری دەرەوەی فەڕەنسا ژان ئیڤ لۆدریان، گەییشتە هەولێری پایتەختی هەرێمی كوردستان و، دواتر لەگەڵ نێچیرڤان بارزانی سەرۆكی حكوومەتی هەرێمی كوردستان كۆ بووەوە.
سەردانی وەزیری دەرەوەی فەڕەنسا لە كاتێكدایە، كە فەڕەنسا لە ئاستی باڵادا پێشوازی لە سەرۆكوەزیرانی كوردستان كردووە و پێشتریش سەرۆكی فەڕەنسا ڕۆڵی كوردستانی لە ناوچەكە بە گرینگ زانیوە.
د. كاوە شاوڵی، مامۆستای زانكۆ لە فەڕەنسا و شرۆڤەكاری سیاسی، بۆ ماڵپەڕی فەرمیی پارتی دیموكراتی كوردستان گوتی، "سەردانی وەزیری دەرەوەی فەڕەنسا بۆ كوردستان زۆر گرینگ بوو، چونكە لە دوای پرۆسەی ڕیفراندۆم سەردانی وڵاتان بۆ كوردستان كەم بووەتەوە، فەڕەنسایش لە هەموو كات زیاتر سەلماندوویەتی كە هاوڕێی گەلی كوردستانە، بۆیە پشتی كورد بەر نادات."

لە ماوەی شەڕی دژ بە داعشدا، دوو جار سەرۆككۆماری فەڕەنسا هاتووەتە كوردستان، هاتنی وەزیری دەرەوەی فەڕەنسایش بۆ كوردستان، دەرخەری ئەوەیە كە فەڕەنسا نایەوێت پرسی كورد لە خۆی دوور بخاتەوە و هەمیشە خۆی بە نزیكی کورد زانیوە.
ئەو مامۆستایەی زانكۆ، دەڵێ "دیارە فەرەنسا سوپاسگوزاری هەڵوێستی حكوومەتی هەرێمی كوردستانن و هەڵوێستی حكوومەتیان بەرز راگرتووە. كوردستانیش پێویستی بە فەڕەنسایە، بە داخەوە بەغدا خەریكە هەڵوێستەكانی بەرەو توندڕۆیی دەڕۆن، بۆیە فەڕەنسا هەستی بە گوتاری بەغدا كردووە و دەزانێت كە هەڵوێستی بەغدا چۆنە، لەبەر ئەوە كاتێك نێچیرڤان بارزانی سەردانی فەڕەنسای كرد، لەوێ سەرۆكی فەڕەنسا گوتی كە دەبێت بەغدا بگەڕێتەوە بۆ واقعی گفتوگۆ".
شاوڵی دەشڵێت، "فەڕەنسا بەلایەوە گرینگە ئابڵۆقەی سەر كوردستان بشكێندرێت و گرفتی هەولێر و بەغدا چارە بكرێت، دەشخوازێت كوردستان ڕۆڵی سەرەكی ببینێت لە ناوچەكەدا، چونكە ئەوان ئەوە لەبیر ناكەن كە كوردستان شەڕێكی سەختی كردووە لەگەڵ داعش و، باش دەزانن كوردستان ڕۆڵی هەبووە لە شەڕی داعش و قارەمانەتیی پێشمەرگە بۆ ئەوان زۆر گرینگە".

كارزان سەباح هەورامی




دوایین هەواڵەکان

باڵیۆزی فەرەنسا پیرۆزبایی لە فوئاد حوسێن کرد

TUESDAY, 20 NOVEMBER 2018 19:11:27

بەغدا-KDP.info-  باڵیۆزی فەڕەنسا لە بەغدا لەگەڵ د.فوئاد حوسێن جێگری سەرۆکوەزیران و وەزیری دارایی عێراق، کۆبوویەوە و پیرۆزبایی دەستبەکاربوونی لێ کرد.

حەشد و ھێزە عێراقییەكان سەرقاڵی بازرگانیكردنن.. ئاگایان لە دۆخی ئەمنیی مووسڵ نەماوە

TUESDAY, 20 NOVEMBER 2018 10:11:52

مووسڵ-KDP.info- بەرپرسێكی پارتی دەڵێ، دۆخی ئەمنیی مووسڵ زۆر خراپە و خەڵكی ھەست بە مەترسییەكی زۆر دەكەن، چونكە داعش جارێكی دیكە سەری ھەڵداوەتەوە و حەشدی شەعبی و ھێزە عێراقییەكانیش لەبەر كاری بازرگانی، ئاگایان لە دۆخی ئەمنیی شارەكە نەماوە.

 
هەولێر و بەغدا ڕێككەوتنێكی ٢٨خاڵییان واژۆ كرد

TUESDAY, 20 NOVEMBER 2018 10:11:36

ھەولێر-KDP.info- بەڕێوەبەری گشتیی وەزارەتی بازرگانیی حكوومەتی ھەرێمی كوردستان گوتی، لە دوای سەردانی شاندی بەغدا بۆ ھەرێمی كوردستان، سەبارەت بە خاڵە گومرگییەكان رێككەوتنێكی ٢٨خاڵییان واژۆ كردووە، كە گرینگترینیان لادانی خاڵە گومرگییە نایاساییەكانن.

 
نێچیرڤان بارزانی: وێڕاى سه‌ختییه‌كان، ئامانجه‌كانى پلانی‌ ستراتیژیی حكوومه‌تى هه‌رێم‌ دێنه‌ دى

MONDAY, 19 NOVEMBER 2018 23:11:32

هه‌ولێر-KDP.info-  نێچیرڤان بارزانی سەرۆکوەزیرانی هەرێمی کوردستان ده‌ڵێ، سەرەڕای گوشارەکانی حکوومەتی عێراق، بەربەستە دەرەکییەکان و هەروەها بارودۆخی شەڕی داعش، پلانە بەردەوامەکەی حکوومەت سەرکەوتوو بوو و ڕۆڵی بەرچاوی هەبوو لە بەرەوپێشبردنی کوردستان لە سەرجەم كه‌رته‌كان، هاوكات ‏وه‌به‌رهێنانی له‌ بوارى وزه‌ و سه‌رچاوه‌ سروشتییه‌كانى بە ڕێگەپێدراو و مافێکی دەستووری دانا.

 
سه‌رۆک بارزانی یادی له‌دایکبوونی پێغه‌مبه‌ری موسڵمانان پیرۆز ده‌کات

MONDAY, 19 NOVEMBER 2018 22:11:31

بسم الله الرحمن الرحیم

به‌بۆنه‌ی یادی له‌ دایکبوونی پێغه‌مبه‌ری مه‌زنمان محه‌مه‌دولمسته‌فا ( سڵاوی خوای له‌سه‌ر بێت) پیرۆزبایی له‌ سه‌رجه‌م موسڵمانانی جیهان و عێراق و موسڵمانانی کوردستان به‌تایبه‌تی ده‌که‌م.
هیوادارین ئه‌م بۆنه‌ پیرۆزه‌ هۆکارێکی دیکه‌ی پته‌وبوونی په‌یامی ئاشتی و برایه‌تی و پێکه‌وه‌ژیان و لێبورده‌یی بێت.



 
© 2018 Kurdistan Democratic Party, KDP