Kurdî  ■  كوردی  ■  عربي
FRI, 14 DEC 2018 09:16 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

داوای ٣ حزبەكە لە عەبادی، ئاشكرا بوو
| KDP.info


 

هەولێر-KDP.info-  په‌رله‌مانتارێكی نزیك لە حه‌یده‌ر عه‌بادیی سه‌رۆكوه‌زیرانی عێراق، زانیاریی نهێنی ده‌رباره‌ی سه‌ردان و كۆبوونه‌وه‌كانی شانده‌ حزبییه‌ هاوبه‌شه‌كه‌ی گۆڕان و كۆمه‌ڵ و هاوپەیمانی ئاشكرای ده‌كات.

بە گوتەی ئەو پەرلەمانتارە کە قسەی بۆ كوردستان24 کردووە، شاندەكە له‌ به‌غدا و له‌میانه‌ی كۆبوونه‌وه‌یان له‌گەڵ عه‌بادی، داوایان لێ كردووه‌ ته‌نیا مووچه‌ی فه‌رمانبه‌رانی پارێزگای سلێمانی ره‌وانه‌ بكات، نه‌ك فه‌رمانبه‌رانی ته‌واوی هه‌رێمی كوردستان.
ئەو پەرلەمانتارە ده‌شڵێت، ھەوڵوێستی ئه‌و حزبانه‌ له‌باره‌ی ریفراندۆم و رووداوه‌كانی 16 ئۆكتۆبه‌ر نزیك بووه‌ له‌ به‌غداوه‌.
جاسم محەممەد جەعفەر، پەرلەمانتاری دەوڵەتی یاسا دەڵێ: "پێموانییە شاندەکەی بزووتنەوەی گۆڕان و کۆمەڵی ئیسلامی و ھاوپەیمانیی دیموکراسی، کە سەردانی بەغدایان کردبوو، راوبۆچوونەکانیان گوزارشت لە حکوومەتی هەرێمی کوردستان بکات، شاندەکە لەبارەی رەوانەکردنی مووچەی فەرمانبەرانی پارێزگای سلێمانی گفتوگۆیان لەگەڵ سەرۆكوەزیرانی عێراق کردووە و داوایان کردووە بە پەلە رەوانەی بکات، ئەمەش شتێکی ئاساییە، چونکە پارێزگای سلێمانی لیستی مووچەخۆرانیان ئامادەیە بە پێچەوانەی هەولێر و دهۆك، هەروەها باسیان لە بوونی ئیدارەیەکی هاوبەش بۆ بەڕێوەبردنی کەرکووك کردووە، بەڵام هەرچۆنێك بێت ئەوانە گوزارشت لە شاندی حزبی دەکەن، نەك هەرێمی کوردستان".
گوتووشیەتی: "بزووتنەوەی گۆڕان و کۆمەڵی ئیسلامی دوو حزبی نزیك لە حکوومەتی عێراقن، چونکە ئەوان هەڵوێستیان بەرامبەر بە ریفراندۆم و رووداوەکانی کەرکووك هەمان هەڵوێستی عێراق بووە، هەر ئەمەش وایکرد سەرۆكوەزیران لەگەڵیان کۆ ببێتەوە، چونکە لەگەڵ حزبەکانی دیکەی هەرێمی کوردستان لەگەڵ کۆ نابێتەوە، ئەگەرچی دوایان کردووە، ئێمە وەکو دەوڵەتی یاسا و حزبی دەعوەی ئیسلامی لە یەکێتیی نیشتمانیی کوردستان، گۆڕان و کۆمەڵ نزیکین، دوای هەڵبژاردنەکانیش هاوپەیمانێتییان لەگەڵ پێک‌دەهێنین".
رۆژی 4/1/2018، شاندێکی بزووتنەوەی گۆڕان و کۆمەڵی ئیسلامی و هاوپەیمانیی دیموکراسی و دادپەروەری، سەردانی بەغدایان کرد و لەگەڵ چەند بەرپرسێكی عێراق كۆ بوونەوە، ئەمەش كاردانەوەی لە ھەرێمی كوردستان لێكەوتەوە و بەشێك لە لایەنە سیاسییەكان و چاودێرانی سیاسی، رەخنە لە چوونی شاندی حزبی بۆ بەغدا دەگرن و پێیانوایە ھەر گفتوگۆیەك لەگەڵ بەغدا دەبێ لە رێگەی حكوومەتی ھەرێمی كوردستانەوە بێت.




دوایین هەواڵەکان

فڕۆکە جەنگییەکانی توركیا بە چڕی شنگال بۆردوومان ده‌كه‌ن

THURSDAY, 13 DECEMBER 2018 23:12:02

شنگال-KDP.info-  فەرماندەی فەرماندەیی پێشمەرگەی شنگال ڕایگەیاند، فڕۆکە جەنگییەکانی تورکیا بە چڕێ شنگال بۆردوومان ده‌كه‌ن، به‌ڵام زیانه‌كانی بۆردوومان نه‌زانراون.

 
سەرۆك بارزانی پیرۆزبایی جەژنی ڕۆژووی ئێزیدی لە خوشك و برا ئێزیدییەكان دەكات

THURSDAY, 13 DECEMBER 2018 16:12:04

هەولێر-KDP.info-  سەرۆك بارزانی پیرۆزبایی جەژنی ڕۆژووی ئێزیدی لە خوشك و برا ئێزیدییەكان کرد و لە پەیامیدا رایگەیاند، شانازییە بۆ هەموومان كە كوردستان وڵاتی برایەتی و پێكەوەژیانە و، دەبێ بە هیممەتی هەموو لایەك ئەو برایەتی و پێكەوەژیانە قوڵتر و فراوانتر ببێت.

نادیە موراد سەردانی پەرلەمانی كوردستانی كرد

THURSDAY, 13 DECEMBER 2018 16:12:04

هەولێر-KDP.info-  نادیە موراد، باڵیۆزی نیازپاكیی نەتەوەیەكگرتووەكان و خاوەنی خەڵاتی نۆبڵی ئاشتی بۆ ساڵی ٢٠١٨، سەردانی پەرلەمانی كوردستانی كرد و لە لایەن ڕێڤنگ محەمەد هرورى، بەتەمەنترین ئەندامی خولی هەڵبژاردنی پێنجەمی پەرلەمانی كوردستانەوە وەك سەرۆكی یەكەمین دانیشتنی خولی پێنجەمی پەرلەمان و سەرۆك و نوێنەرى فراكسیۆنەكانی پارتی دیموكراتی كوردستان و یەكێتیی نیشتمانیی كوردستان و بزووتنەوەى گۆڕان و پێكهاتەكانى توركمان و كلدان و ئاشوور و سریانەوە پێشوازیی لێ كرا.

 
پسپۆڕێكی بواری وزه‌: وڵاتانی دنیا چاویان له‌ نه‌وت و غازی كوردستانه‌

THURSDAY, 13 DECEMBER 2018 15:12:05

سلێمانی-KDP.info- پسپۆڕێكی بواری وزه‌ ده‌ڵێ، زۆربەی حکوومەت و کۆمپانیا جیاجیاکان، سەرەڕای ئەوەی لە ڕووی سیاسییەوە وەک ناوچەیەکی جیاواز لە ڕۆژهەڵاتی ناوەڕاستدا گرینگی بە هەرێمی کوردستان دەدەن، لە هەمان کاتدا لە ڕووی ئابووریشەوە بووەتە جێگەی سەرنجیان و ده‌یانه‌وێت وه‌به‌رهێنان له‌ بواری وزه‌ی كوردستاندا بكه‌ن.

 
سەرۆك بارزانی پیرۆزبایی یادی دامەزراندنی حزبی زەحمەتكێشانی كوردستان دەكات

THURSDAY, 13 DECEMBER 2018 15:12:53

هەولێر-KDP.info-  سەرۆك بارزانی بەبۆنەی سی و سێیەمین ساڵیادی دامەزراندنی حزبی زەحمەتكێشانی كوردستان، پەیامێکی پیرۆزبایی ئاراستەکردن کە ئەمە دەقەکەیەتی:



 
© 2018 Kurdistan Democratic Party, KDP