Kurdî  ■  كوردی  ■  عربي
FRI, 14 DEC 2018 09:05 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بۆ ئەو ئاڵایە دەژین
| KDP.info


ئاریان فەرەج

حەفتاو دوو ساڵە دەمانەوێ بشەكێتەوە و دەیانەوێ بكەوێ. لە كۆماری كوردستان و چوارچرای مەهابادەوە تا كەركوكی دڵی كوردستان، نەوە دوای نەوە و رابەر دوای رابەر بە ئەمانەت تەسلیم دەكرێ. بە گیان و دڵ دەپارێزرێ، هەر ئەوان لاری دەكەنەوە و هەر ئێمە شانی دەدەینەوەبەر و دوبارە دەیشەكێنینەوە.
ئەو ئاڵایە هیمای گەل و نیشتمانێكی بێبەش لە مافی چارەنووس و دەوڵەت و سەربەخۆیی و ئازادییە. ئاڵای گەلێكە سەد ساڵە بەو واقیعە تاڵە رانەهاتووە و رانایەت، چۆك دانادات و كەوی نابێ و خۆبەدەستەوە نادات. نسكۆ و شكستی بەسەر دێ و هەڵدەستێتەوە، ئەنفال دەكرێ و زیندوودەبێتەوە.
ژەهری كیمیایی دەرخوارد دەدرێ و دوبارە شین دەبێتەوە. خاكی سوتماك و گوند و شاری وێران دەكرێ و دوبارە بە چنگكڕێ بونیادی دەنێتەوە. هەر نەوەیەكی لەوەی پێش خۆی سەرسەخت و خەباتكار و سوورترە لەسەر ماف و ئازادی. لەوەتەی هەیە قوربانی دەدا و شەهید دەبێ و بەڵام هەرگیز نە كۆڵ دەدا و نە ماندوو دەبێ.
ئەوانەی مافی ئازادی و سەربەخۆیی بەم گەلە رەوا نابینن و گرە و لەسەر بەزین و خۆبەدەستەوەدانی دەكەن، مایەیوچ و بێ هیوان. گەلێك لە نێوان مەرگ و بندەستیدا، مەرگ هەڵبژێرێ، هەرگیز تا ئەبەد بە دیلی نامێنێتەوە و لەگەڵ بندەستیی ناحەوێتەوە. گەلێك ئەوە خەسڵەت و ئیمان و باوەڕی بێت، دوژمنەكانی دەمرن و ئەو دەمێنێ. داگیركەرانی مەحف دەبنەوە و ئەو دواجار بە ئامانج دەگات.
ئێمە لەگەڵ چیرۆكەكانی نسكۆ و پاشەكشەی كاتی و غەدر و گەلەكۆمەكێ و پیلانگێڕی و تەنانەت لەگەڵ خیانەتی خیانەتكارانی ناوخۆش راهاتوین و شۆك نامانگرێ. ئەم كاروانە هەرگیز نەوەستاوە و هەرگیز ناوەستێ. ئەم كاروانە هیچ شك نابات جگە لە حەق و رەوایی دۆزی میللەتێكی مەزڵوم، بەڵام بەهێز و كۆڵنەدەر و ماندوونەناس.
رۆژی ئاڵای كوردستان لە هەموو كوردستانییەكی سەر راست و كوردپەروەر و قوربانیدەر پیرۆز بێ، بە تایبەتیش لە رۆڵە نەبەزەكانی كەركوكی دڵی كوردستان، ئەوانەی جارێكی تر وورەی سەردەمی خەباتی نهێنی و نوسینی دروشمەكانی سەر دیوارەكان و خڕبونەوەی جەسورانەی ساحەی قوتابخانەكان و ووتنەوەی بە حەماسی ئەی رەقیب و بەگژاچونەوەی ئەمن و چەتەوڵەكانی بەعسیان لە بەرەنگاربونەوەی بەڵتەجییەكانی حەشد و میلیشیاكاندا، لە دەرونی هەر كوردستانییەكدا زیندووكردەوە.

زیندووە قەت نانەوێ ئاڵاكەمان .

 




دوایین هەواڵەکان

فڕۆکە جەنگییەکانی توركیا بە چڕی شنگال بۆردوومان ده‌كه‌ن

THURSDAY, 13 DECEMBER 2018 23:12:02

شنگال-KDP.info-  فەرماندەی فەرماندەیی پێشمەرگەی شنگال ڕایگەیاند، فڕۆکە جەنگییەکانی تورکیا بە چڕێ شنگال بۆردوومان ده‌كه‌ن، به‌ڵام زیانه‌كانی بۆردوومان نه‌زانراون.

 
سەرۆك بارزانی پیرۆزبایی جەژنی ڕۆژووی ئێزیدی لە خوشك و برا ئێزیدییەكان دەكات

THURSDAY, 13 DECEMBER 2018 16:12:04

هەولێر-KDP.info-  سەرۆك بارزانی پیرۆزبایی جەژنی ڕۆژووی ئێزیدی لە خوشك و برا ئێزیدییەكان کرد و لە پەیامیدا رایگەیاند، شانازییە بۆ هەموومان كە كوردستان وڵاتی برایەتی و پێكەوەژیانە و، دەبێ بە هیممەتی هەموو لایەك ئەو برایەتی و پێكەوەژیانە قوڵتر و فراوانتر ببێت.

نادیە موراد سەردانی پەرلەمانی كوردستانی كرد

THURSDAY, 13 DECEMBER 2018 16:12:04

هەولێر-KDP.info-  نادیە موراد، باڵیۆزی نیازپاكیی نەتەوەیەكگرتووەكان و خاوەنی خەڵاتی نۆبڵی ئاشتی بۆ ساڵی ٢٠١٨، سەردانی پەرلەمانی كوردستانی كرد و لە لایەن ڕێڤنگ محەمەد هرورى، بەتەمەنترین ئەندامی خولی هەڵبژاردنی پێنجەمی پەرلەمانی كوردستانەوە وەك سەرۆكی یەكەمین دانیشتنی خولی پێنجەمی پەرلەمان و سەرۆك و نوێنەرى فراكسیۆنەكانی پارتی دیموكراتی كوردستان و یەكێتیی نیشتمانیی كوردستان و بزووتنەوەى گۆڕان و پێكهاتەكانى توركمان و كلدان و ئاشوور و سریانەوە پێشوازیی لێ كرا.

 
پسپۆڕێكی بواری وزه‌: وڵاتانی دنیا چاویان له‌ نه‌وت و غازی كوردستانه‌

THURSDAY, 13 DECEMBER 2018 15:12:05

سلێمانی-KDP.info- پسپۆڕێكی بواری وزه‌ ده‌ڵێ، زۆربەی حکوومەت و کۆمپانیا جیاجیاکان، سەرەڕای ئەوەی لە ڕووی سیاسییەوە وەک ناوچەیەکی جیاواز لە ڕۆژهەڵاتی ناوەڕاستدا گرینگی بە هەرێمی کوردستان دەدەن، لە هەمان کاتدا لە ڕووی ئابووریشەوە بووەتە جێگەی سەرنجیان و ده‌یانه‌وێت وه‌به‌رهێنان له‌ بواری وزه‌ی كوردستاندا بكه‌ن.

 
سەرۆك بارزانی پیرۆزبایی یادی دامەزراندنی حزبی زەحمەتكێشانی كوردستان دەكات

THURSDAY, 13 DECEMBER 2018 15:12:53

هەولێر-KDP.info-  سەرۆك بارزانی بەبۆنەی سی و سێیەمین ساڵیادی دامەزراندنی حزبی زەحمەتكێشانی كوردستان، پەیامێکی پیرۆزبایی ئاراستەکردن کە ئەمە دەقەکەیەتی:



 
© 2018 Kurdistan Democratic Party, KDP