Kurdî  ■  كوردی  ■  عربي
FRI, 26 APR 2024 14:40 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

بگەڕێنەوە پێش ٢٠٠٣!
| KDP.info


هاودەنگ فارووق

ئەو زۆردارەی وەک خاوەنی هەموو شتێک مامەڵە لەگەڵ وڵاتەکەی دەکات، سەرنجامیش ستەمکاری و گەندەڵی و تیرۆر و لەناوبردنی دەستکەوتەکانی دەوڵەت بەرهەم دێنێ.
لە سەردەمی خەباتی شاخ و شاردا کورد باوەشی مرۆڤدۆستانەی بۆ شیعەکانی عێراق کردەوە، لە دوای رووخانی ڕژیمی بەعسیش، کوردستان بووە تاکە دەروازەی هەناسەی ژیان و ئازادی و گەیاندنیان بە دەستەڵاتی بەغداوە، لێ ئەوان بە نەفەسی تائیفی و شۆڤێنی حوکمڕانییان دەست پێکرد و بەرەو سپڵەیی و لوتکەی دژەکوردبوون و تاکڕۆیی هەنگاویان ناو بە نانبڕین و هێرشی سەربازی وەڵامی وەفا و نمەکی گەلی کوردستانیان دایەوە.
سەرکردە شیعەکانی حاکمی ئێستای بەغدا داوا لە حکوومەتی کوردستان دەکەن، تا سنوورەکانی پێش (٢٠٠٣) بکشێتەوە، واتا بگەڕێتەوە سەر خەتی سەوز (٣٦)، ئەو تخوبەی دوای کۆڕەوە ملیۆنییەکەی خەڵکی کوردستان، ئەنجوومەنی ئاسایش بۆ پاراستنی کوردستان لە هێرش و هەڕەشەی ئەرز و ئاسمانی سوپای ئەوسای عێراق، لە خەتی تەماسی نێوان پیشمەرگە و سوپای عێراق دیاری کردبوو، نەک بۆ دانانی سنوور و نەخشەی(هەرێمی کوردستان).
ئەم داوا ناڕەوایەی سەرانی شیعەکان لە کاتێکدایە، کورد لە (٢٠٠٣)ـدا ڕۆڵێکی سەرەکی لە ڕووخاندنی ڕژێمی بەعسدا هەبوو، لە جەبهەی باکووریش، پێشمەرگە خوێنێکی زۆری بەخشی و قوربانیی زۆری بۆ ڕاماڵینی سوپای عێراق دا و وڵاتەکەی ئازاد کرد و دەوڵەتی عێراقی نوێی بۆ دروست کردنەوە، کوردستان داعشی تێ‌کشکاند و هەموو ناوچەکانی ماددەی (١٤٠)ی ئازاد کردەوە و مووسڵی بۆ ڕزگار کردن.
بۆیە ئەگەر داوایەکی نالۆژیکیی وا لە کورد بکرێت، زۆر باشە، کورد دەگەڕێتەوە پێش ٢٠٠٣، بەڵام بەو مەرجەی دەبێ سەرانی دەستڕۆیشتووی شیعەش، بگەڕێنەوە ئەو شوێنانەی لێیهاتوون و پەناهەندە بوون، واتا دەبێ بچنەوە بۆ تاران و شام و بەیرووت و لەندەن!!
سەرانی شیعەی عـــێراق، بە ڕقی تایەفەگەرانە، شێتی مەزنبوون و لوتبەرزی و عەقڵیەتی تۆڵەسەندەنەوە ڕەفتار دەکەن، دەیانەوێت عێراقی نوێ بەرەو بنەمای میلیشیاییی سەربازی بەرن و بە تەواوی دەست بەسەر دەوڵەتدا بگرن، دەیانەوێت لاسایی دەستەڵاتی بەعس بکەنەوە و بۆ پاکتاوکردنی کورد، عێراق بەرەو جەنگێکی ناوخۆیی و ماڵویرانی زیاتر ببەن، بەڵام دڵنیاین ئەم ئاواتەیان بە پێچەوانە دەکەوێتەوە و خەونی عێراقێکی مەزهەبگەرای یەکگرتوویان، دەبێتە وڵاتێکی دابەشکراو و کۆمەڵگەیەکی لێکترازاو.
گرووپە شیعەکانی عێراق بەر لە ڕووخانی سەددام لەوڵاتەدا، زۆرینە شیعیەکان نیشتەجێ بوون و سەرچاوەی هاندان و پیتاکیان لەو وڵات و دەستەڵاتانەوە پێدەدرا، ئێستایش شەڕی بەوەکالەت بۆ هەمان ئەو ڕژێمانە دەکەن، کە مەبەستیان نانەوەی ئاڵۆزی و ئاشووبە لە عێراقدا.
عێراقی ئەمڕۆ لەسەر دەستی حوکمڕانانی بەغدا هێندە ئاڵۆز بووە، کۆمەڵێک بازرگان و مافیا سودمەندی یەکەمن .
وڵاتیان بەرەو جەنگێکی دەروونی و پاکتاوی جەستەیی بردووە، ڕۆژ نییە بە دەیان کەسی بێ تاوان خواردەی ئەو جەنگە ترسناکەیان نەکەن .




دوایین هەواڵەکان

چلەی ماتەمینی تێکۆشەر و خەباتگێڕ دکتۆر جەرجیس حەسەن بەڕێوەچوو

FRIDAY, 26 APRIL 2024 01:04:37

ھەولێر-KDP.info- ڕۆژی پێنجشەممە لە شاری هەولێر بە ئامادەبوونی نوێنەری سەرۆک بارزانی چلەی ماتەمینی تێکۆشەر و خەباتگێڕ (دکتۆر جەرجیس حەسەن) بەڕێوەچوو.

 

فازڵ میرانی: پارتی به‌ سه‌رۆكایه‌تیی سه‌رۆك بارزانی دوو ئه‌ركی له‌ ئه‌ستۆدایه‌

THURSDAY, 25 APRIL 2024 21:04:43

ھەولێر-KDP.info- به‌رپرسی ده‌سته‌ی كارگێڕیی مه‌كته‌بی سیاسیی پارتی ئاماژه‌ به‌وه‌ ده‌كات، پارتی به‌ سه‌رۆكایه‌تیی سه‌رۆك بارزانی له‌م هه‌لومه‌رجەدا دوو ئه‌ركی له‌ ئه‌ستۆدایه‌، ده‌شڵێت، ده‌بێت ئه‌مڕۆ بپارێزن بۆ ئه‌وه‌ی سه‌رفرازییه‌كانی دوێنێ به‌رده‌وام بن.

 
شێروان دوبەردانی" ھەندێ لایەن لە نەینەوا دەیانەوێ زێدەڕۆیی بکەنە سەر مافەکانی کورد و پارتی"

THURSDAY, 25 APRIL 2024 20:04:44

نەینەوا -KDP.info- پەرلەمانتارێکی پارتی دەڵێت، ھەندێ لایەن لە نەینەوا دەیانەوێ  دەستوەردان لە پۆستە کارگێڕییەکانی نەیەنەوا بکەن و گۆڕانکاری لەو پۆستانە بکەن کە پشکی پارتی و کوردن..دەشڵێت، ئێمە بەرەنگاریان دەبینەوە.

 
مەکتەبی سیاسی پرسەنامەیەک ئاراستەی خانەوادەی (سەید مەحموود تاوەگۆزی) دەکات

THURSDAY, 25 APRIL 2024 19:04:31

ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی خانەوادەی خوالێخۆشبوو (سەید مەحموود سەید حسێن تاوەگۆزی) دەکات.

 
بەڕێوەبەری کوشتارگەی هەولێر"بڕیاری سەرۆکی حکوومەت کاریگەری لەسەر نرخی گۆشت دەبێت

THURSDAY, 25 APRIL 2024 17:04:26

ھەولێر-KDP.info-  بەڕێوەبەری کوشتارگەی هەولێر دەڵێت، نرخی گۆشت لە بازاڕەکانی هەرێم دادەبەزێت..دەشڵێت، بڕیاری سەرۆکی حکوومەت کاریگەری لەسەر نرخی گۆشت دەبێت.

 


 
© 2023 Kurdistan Democratic Party, KDP

Contact