Kurdî  ■  كوردی  ■  عربي
THU, 21 JUN 2018 03:31 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وه‌زاره‌تی داد بڕیارێكی نوێ له‌باره‌ی شارۆچكه‌ی مه‌خمووره‌وه‌ ده‌رده‌كات
| KDP.info


 
هه‌ولێر-KDP.info- وه‌زاره‌تی دادی حكوومه‌تی هه‌رێمی كوردستان بڕیارێكی نوێی سه‌باره‌ت به‌ شارۆچكه‌ی مه‌خموور ده‌ركرد. به‌ پێی ئه‌و بڕیاره‌، فه‌رمانی داخستنی به‌ڕێوه‌به‌رایه‌تییه‌ك له‌و شارۆچكه‌یه‌ دراوه‌.
 
وه‌زاره‌تی دادی حكوومه‌تی هه‌رێمی كوردستان له‌ سه‌ر زاری وته‌بێژه‌كه‌یه‌وه‌، راگه‌یه‌ندراوێكی بڵاو كرده‌وه‌ و تێیدا باس له‌ دۆخی شارۆچكه‌ی مه‌خموور ده‌كات. به‌ پێی ئه‌و راگه‌یه‌ندراوه‌، وه‌زاره‌تی داد به‌ شێوه‌یه‌كی كاتیی بڕیاری داخستنی به‌ڕێوه‌به‌رایه‌تی تێبینه‌رایه‌تی تۆماركردنی خانووبه‌ره‌ی مه‌خموور داوه‌. 
 
له‌ راگه‌یه‌ندراوه‌كه‌دا هۆكاری ئه‌و بڕیاره‌ی وه‌زاره‌تی داد بۆ ئه‌و "باره‌ نائاساییه‌" گه‌ڕێندراوه‌ته‌وه‌ كه‌ به‌سه‌ر هه‌رێمی كوردستاندا هاتووه‌، به‌ هاتنی هێزه‌ عێراقییه‌كان و میلیشیاكانی حه‌شدی شه‌عبی و دروستبوونی دۆخێكی ناله‌بار له‌ ناوچه‌ كوردستانییه‌كانی ده‌ره‌وه‌ی ئیداره‌ی هه‌رێمدا.
 
له‌ رۆژی 16 ئۆكتۆبه‌ری ئه‌مساڵد، سوپای عێراق و حه‌شدی شه‌عبی هێرشیان كرده‌ له‌سه‌ر كوردستان و ئێستا به‌شێكی زۆری له‌ ناوچه‌ كوردستانییه‌كانی ده‌ره‌وه‌ی ئیداره‌ی هه‌رێم له‌ ژێر ده‌سته‌ڵاتی ئه‌و هێزانه‌ دایه‌. شارۆچكه‌ی مه‌خموور یه‌ك له‌و ناوچانه‌یه‌ و تا ئێستا حكوومه‌ته‌كانی به‌غدا و هه‌ولێر له‌سه‌ر ئیداره‌ی هاوبه‌شی ئه‌و ناوچانه‌ رێكنه‌كه‌وتوون. 
 
كاوه‌ جه‌م  
 



دوایین هەواڵەکان

وەزارەتى خوێندنى باڵا، لیستى زانکۆ باوەڕپێکراوەکانى تورکیا و ئێرانی بڵاو كرده‌وه‌

THURSDAY, 21 JUNE 2018 00:06:18

هه‌ولێر-KDP.info-  وەزارەتى خوێندنى باڵا و توێژینەوەى زانستیى حکوومەتى هەرێمى کوردستان پێداچوونەوەى بە لیستى زانکۆ باوەڕپێکراوەکانى وڵاتانى (تورکیا – ئێران) کرد و لیستێکى نوێی بڵاو كرده‌وه‌.

 
مه‌كته‌بی سه‌رۆك سه‌رخۆشی له‌ شاخەوان غەریب ده‌كات

THURSDAY, 21 JUNE 2018 00:06:05

بەناوی خودای گەورە و میهرەبان

به‌ڕێز شاخەوان غەریب

بەبیستنی هه‌واڵی كۆچی دوایی كاكە(شڤان)ـی كوڕت خەمبار بووین.

پارتی سه‌رخۆشی له‌ خانەوادەی مەلا حاجی دێلۆیی ده‌كات

THURSDAY, 21 JUNE 2018 00:06:33

بەڕێزان خانەوادەی مەلا حاجی دێلۆیی

خەمبار بووین بە بیستنی هەواڵی کۆچی دوایی پێشمەرگەی هەدوو شۆڕشی مەزنی ئەیلوول و گوڵان، کادیری تێکۆشەر و دڵسۆزی پارتی و رێبازی بارزانی، ئەندامی مەکتەبی رێکخستن و کەسایەتیی دیاری دەڤەری پشدەر (مەلا حاجی دێلۆیی).

"بۆ گەڕانه‌وه‌ی پێشمه‌رگه‌ بۆ سنووری خانه‌قین سبه‌ی خۆپێشاندان دەکرێ"

WEDNESDAY, 20 JUNE 2018 16:06:14

خانه‌قین-KDP.info-  به ‌هۆی ئه‌وه‌ی مه‌ترسییه‌كی گه‌وره‌ له‌سه‌ر خانه‌قین هه‌یه‌ و به‌رده‌وام كرده‌وه‌ی تیرۆریستی لێ ئه‌نجام ده‌درێت و چه‌ندین گوند به‌و هۆیه‌وه‌ چۆڵ كراون و خه‌ڵكێكی زۆر بوونەته‌ قوربانی. عامر رەفعەت دەڵێ، ئیدی سبه‌ی له‌ خانه‌قین خۆپێشاندان بۆ گەڕانه‌وه‌ی هێزی پێشمه‌رگه‌ بۆ ئه‌و ناوچانه‌ ده‌ست پێ ده‌كات و خه‌ڵكی خانه‌قین مان ده‌گرن و دووكانه‌كانیان داده‌خه‌ن .

 
"زیاتر له ‌20 هه‌زار په‌نابه‌ر گه‌ڕاونه‌ته‌وه‌ عێراق و هه‌رێم"

WEDNESDAY, 20 JUNE 2018 16:06:22

هه‌ولێر-KDP.info- به‌ڕێوەبه‌ری كۆچ و كۆچبه‌ران گوتی، له‌ شه‌ڕی داعش و قه‌یرانی داراییدا شه‌پۆلێكی كۆچكردن له‌ هه‌رێمی كوردستانەوە بۆ ده‌ره‌وه‌ ده‌ستی پێ كرد، به‌ڵام له‌ دوای كۆتاییهاتنی شەڕی داعش كۆچكردن پێچه‌وانه‌ بووەته‌وه‌، به‌ جۆرێك له‌ دوو ساڵی ڕابردوودا زیاتر له‌20 هه‌زار كه‌س گه‌ڕاونه‌ته‌وه‌ بۆ عێراق، كه‌ 39%یان په‌نابه‌ری هه‌رێمی كوردستانن و گه‌ڕاونه‌ته‌وه‌ هه‌رێم و به‌رنامه‌یه‌كیشیان داناوه‌ هه‌ر ئاواره‌یه‌ك بگه‌ڕێته‌وه‌ هاوكاریی دارایی پێشكه‌ش ده‌كرێت.

 


 
© 2018 Kurdistan Democratic Party, KDP