Kurdî  ■  كوردی  ■  عربي
MON, 19 FEB 2018 13:20 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"سەدر تێگەیشت لە کەرکووک چی دەگوزەرێ بۆیە بڕیاری کشانەوەی دا"
| KDP.info


کەرکوک-KDP.info- دوا ئەوەی رەوتی سەدر بڕیاری  کشانەوەی هێزەکانی لە کەرکووک دا، بە باوەڕی (شاخەوان عەبدوڵڵا) ئەو بڕیارەی سەدر بۆ ئەو تێگەیشتنە دەگەڕێتەوە کە ئەوان دەزانن هەندێ گروپی حەشدی شەعبی دەیەوێ تاوان لە کەرکووک ئەنجام بدەن.

(موقتەدا سەدر) رێبەری رەوتی سەدر داوای کرد لە ماوەی ٧٢ سەعاتدا سەرجەم هێزەکانیان لە کەرکووک بکشێننەوە و بارەگاکانیان چۆڵ بکەن.
ئەم بڕیارەی سەدر دوای ئەوەی دێ کە لە دوو رۆژی رابردوودا دوو تەقینەوە لە کەرکووک لەبەردەم بارەگای رەوتی سەدر لە کەرکووک ئەنجامدران، ئەو بارەگایانە ئەگەرچی شوێنی میلیشیای حەشدی شەعبی نەبوون و ئەوان بە پاڵپشتی ئێران هێرشیان کردە سەر کەرکووک و داگیریان کرد، دوای ئەوەیش چەندین تاوانیان بەرانبەر خەڵکی سڤیلی کەرکووک ئەنجامدا، بەڵام لە ئێستادا سەدر دەیەوێ لەو ناوچانە هێزەکانیان بکشێنێتەوە.

سەبارەت بەم بڕیارەی سەدر، (شاخەوان عەبدوڵڵا) ئەندامی لیژنەی ئاساییش و بەرگری پەرلەمانی عێراق بۆ ماڵپەڕی فەرمیی پارتی دەڵێ، سەدر لەوە گەیشت ئەو تەقینەوانەی ئەنجامدران ئەوانە داعش نەبوون، بەڵکوو تێگەیشتنیان وایە کە وڵاتێکی هەرێمی دەیەوێ هێزی سەرایەی سەلام کە سەر بە رەوتی سەدرە بکرێتە ئامانج، بۆیە ئەوان دەکشێنەوە.

دەشڵێ، رەوتی سەدر هەستی بەوەکردووە کە هێزێکی حەشدی شەعبی لەو ماوەیەدا دەیەوێ تاوانی زیاتر لە کەرکووک ئەنجام بدات، بۆیە ئەوان نایانەوێ لەو تاوانە بەشداربن و دەیانەوێ ئیدی لە کەرکووک نەمێنن.

بڵند ئیبراھیم




دوایین هەواڵەکان

میونیخ و نەوای ئارام

MONDAY, 19 FEBRUARY 2018 12:02:59

ئاریان فەرەج

ناوچەكە نەك هەر لە مەترسیی تیرۆر و توندڕۆیی و داعش و هاوشێوەكانی قورتار نەبووە، نەك هەر رووی لە ئاشتی و سەقامگیریی نییە، بەڵكو بە بڕوای زۆر لە كارناسان، هێشتا زۆر زووە باس لە كۆتاییی داعش و توندڕۆیی و تیرۆر بكرێت. هەر خۆشخەیاڵییەكیش لەو بارەیەوە نادیتەگرتنی ئەو هۆكارە جەوهەریانەن كە وەك چۆن داعشیان بەرهەم هێنا، دەتوانن لەو دڕندەتر بەرهەم بێنن و ئەو هۆكارانەش نەك هەر نەماون، بەڵكو تۆختر بوونەتەوە و لە هەركات هەراشترن.

كرمانج عەبدوڵڵا: دەسەڵاتی سەربازی، لە گۆڕینی ئیدارەی مەخموور شكستی خوارد

MONDAY, 19 FEBRUARY 2018 12:02:19

مەخموور-KDP.info- عێراق لە هەوڵی ئەوەدایە ئەگەر ئیدارەی پێش رووداوەكانی 16ـی ئۆكتۆبەر بە یەكجارەكی نەگەڕێتەوە مەخموور، ئەوان ناچار دەبن ئیدارەیەكی نوێ دابنێن. بەرپرسی لقی 23ـی پارتییش دەڵێ، زۆر هەوڵیان دا كە ئیدارەیەكی سەربازی لە ناوچەكە دابنێن، بەڵام نەیانتوانی و شكستیان خوارد.

 
ئەلوەتەن: عێراق سیستمی بەرگریی مووشەكی لە ڕووسیا دەكڕێت

MONDAY, 19 FEBRUARY 2018 12:02:40

ئەلوەتەن-KDP.info-  سەرچاوەیەكی هەواڵی سعوودیا ئاشكرای كرد، حكوومەتی عێراق بەنیازە سیستمی بەرگریی مووشەكی لە ڕووسیا بكڕێت.

 
سوپای سووریا دەچێتە عەفرینەوە

MONDAY, 19 FEBRUARY 2018 12:02:24

هەولێر-KDP.info-  گەورەبەرپرسێکی کوردی سووریا دەڵێ، لە نێوان ئەو هێزە کوردانەی سووریا کە لە عەفرین دژ بە هێزەکانی تورکیا شەڕ دەکەن، لەگەڵ حکوومەتی سووریادا ڕێکـکەوتوون، سوپای سووریا بچێتە سەر سنوور و شارەکەشەوە. میدیای حکوومەتی سووریایش دەڵێ، لە چەند سەعاتی دابێ، هێزەکانیان دەچنە نێو عەفرینەوە.

 
ڤاڵا فەرید: ئەمڕۆ پڕۆژەیاسای چاكسازیی بۆ ‌سەرۆكایەتیی پەرلەمان بەرز دەكرێتەوە

MONDAY, 19 FEBRUARY 2018 10:02:23

هەولێر-KDP.info- سەرۆكی لیژنەی یاسایی لە پەرلەمانی كوردستان دەڵێ، وەكوو لیژنە پەیوەندیدارەكانی پەرلەمان، ڕاپۆرتی كۆتاییان لەبارەی پڕۆژەیاسای چاكسازیی خانەنشینی و مووچە و دەرماڵەكانەوە ئامادە كردووە و، ئەمڕۆیش بۆ ‌سەرۆكایەتیی پەرلەمان بەرز دەكرێتەوە.

 


 
© 2017 Kurdistan Democratic Party, KDP