Kurdî  ■  كوردی  ■  عربي
SUN, 24 JUN 2018 02:40 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

دایكی شه‌هیدێكی هه‌ڵه‌بجه‌: داوا لە خودا دەکەم، گیانم نەکێشێت، تا بە چاوی خۆم دەوڵەتی کوردستان ببینم
| KDP.info


 


هەڵەبجە-KDP.info-  لە هەڵەبجە دەنگدەران دەڵێن، دەنگمان بەڵێ بوو بۆ سەربەخۆییی کوردستان، بۆ ئەوەی ڕۆحی شەهیدان ئاسوودە بێت، ئێمە سەربەخۆییمان هەڵبژارد.

لە هەڵەبجە لە کاتی دەنگداندا هاووڵاتی، (زینۆ کاکەیی)، بە ماڵپەڕی فەرمیی پارتی دیموکراتی کوردستانی گوت: ''خۆشحاڵ بووم ئەمڕۆ توانیم دەنگ بە سەربەخۆییی کوردستان بدەم، ئیدی پاش دەنگدان ئەرکی سیاسییەکانە کار لەسەر ئەنجامەکەی بکەن و دەوڵەتی کوردستانمان بۆ دامەزرێنن.''

(کاکەیی) هۆکاری دەنگدانەکەی بۆ ئەوە گەڕاندەوە، کە ئەو دەیەوێت ڕۆحی شەهیدان ئاسوودە بکات، بۆیە دەنگەکەی بەڵێ بووە.

(ئامینە ڕەحیم)یش، دایکی شەهید، بۆ ماڵپەڕی فەرمیی پارتی دیموکراتی کوردستان گوتی: ''کاتێک دەنگم بە ڕێفراندۆمی سەربەخۆیی دا، ئیدی برینی لە دەستدانی کوڕەکەم ساڕێژ بووەوە، بۆیە داوا لە هاووڵاتییان دەکەم، لەبەر خاتری خوێنی شەهیدان بە بەڵێ دەنگ بە سەربەخۆیی بدەن.''


(ڕەحیم) بە نزاوە دەڵێت: ''داوا لە خودا دەکەم، گیانم نەکێشێت، تا بە چاوی خۆم دەوڵەتی کوردستان ببینم و  بڕۆمە سەر گۆڕی کوڕەکەم و پێی بڵێم، ئازیزم بنوو، خوێنی ئاڵی تۆ سەربەخۆیی بەرهەمەکەی بوو.''


پاش ئەوەی کاتژمێر 8ی سەرلەبەیانی دەرگای بنکەکانی دەنگدان کرایەوە، هاووڵاتییان بە جۆش و خرۆشەوە، ڕوویان کردووەتە سەر سندووقەکانی دەنگدان و دەنگ دەدەن و لە تۆڕە کۆمەڵایەتییەکاندا وێنەی دەنگدانەکەیان وەک وێنەیەکی مێژوویی بڵاو دەکەنەوە و، تەماشای دەکەن و دەنووسن بەشانازییەوە دەنگمان بە بەڵێ بۆ سەربەخۆی دا.''



هێڤیار هەڵەبجەیی




دوایین هەواڵەکان

"رێگای یاسایی بۆ دەستبەکاربوونی پەرلەمانی عێراق ھەیە"

SATURDAY, 23 JUNE 2018 18:06:58

هەولێر-KDP.info- پەرلەمانی عێراق ھەموو ھەوڵێکی خستووەتە کار بۆ درێژکردنەوەی تەمەنی خۆی، بڕیارە سبەی کۆبوونەوەیەکی دیکەش بەڕێوە بچێت، چاودێرێکیش پێی وایە ڕێگەی یاسایی ھەیە و نابێت پەرلەمان دەست بۆ بابەتی درێژکردنەوی تەمەنی خۆی ببات.

 
ھەندێک لایەن ئاستەنگ بۆ پێکھێنانی حکوومەتی عێراق دروست دەکەن

SATURDAY, 23 JUNE 2018 16:06:28

هەولێر-KDP.info- عێراق بە ھۆی بەڕێوەچوونی پڕۆسەی ھەڵبژاردنەکانی مانگی ڕابردوو لە ڕەوشێکی ھەستیاردا دەرباز دەبێت و شرۆڤەکارێکی سیاسیش پێی وایە ھێشتا ئەزموونی دیموکراتی لە عێراق لاوازە و ھەندێ لایەن ئاستەنگ بۆ پڕۆسەی سیاسی دروست دەکەن.

 
"ئەنجومەنی پارێزگاکانی هەرێم تەمەنی یاسایی کۆتایی دێ"

SATURDAY, 23 JUNE 2018 16:06:19

هه‌ولێر-KDP.info- ئه‌مڕۆ ماوه‌ی یاساییی ئه‌نجومه‌نی پارێزگاكانی هه‌رێمی كوردستان كۆتایی پێ دێت و له‌ سبه‌یه‌وه‌ ده‌بنه‌ ئه‌نجومه‌نی كاربه‌ڕێكه‌ر، سه‌رۆكی فراكسیۆنی پارتیش له‌ ئه‌نجومه‌نی پارێزگای هه‌ولێر ده‌ڵێ، ئه‌نجومه‌ن سێ مانگ ده‌توانێت له‌ كاره‌كه‌ی به‌رده‌وام بێت، دواتر دوو ڕێگا هه‌یه‌ بۆ ئه‌وه‌ی ئه‌نجومه‌نی وه‌زیران چاره‌ی ئه‌و كێشه‌یه‌ بكات، ئه‌ویش یاسای هه‌ڵبژاردنی ئه‌نجومه‌نی پارێزگاكان هه‌موار بكاته‌وه‌، یان هه‌ڵبژاردنی ئه‌نجومه‌نی پارێزگاكان ئه‌نجام بدرێن.

 
حەمید روبەتکى: ب کەرتێ پیشەسازیێ بەرهەمێ خومالى زێدە دبیت

SATURDAY, 23 JUNE 2018 14:06:47

دهۆک-KDP.info- بەرپرسێ پشکا پیشەسازى ل ژۆرا بازرگانیا دهۆکێ راگەهاند، فەرە حکومەتا هەرێما کوردستانێ گرنگیێ بدەتە کەرتێ پیشەسازى، جونکى ئەڤ کەرتە ستووینا پێشکەفتنا هەمى مللەتایە، دیسان ئەڤ کارگەهێن ل هەرێما کوردستانێ کار دکەن ب کوالیتەکا باش و بلند بەرهەمێ خومالى دروست دکەن.

 
ئەنجوومەنی شارۆچكەی شنگال: دەگەڕێینەوە شنگال

SATURDAY, 23 JUNE 2018 11:06:06
شنگال-KDP.info- سەرۆكی ئەنجوومەنی شارۆچكەی شنگال ڕایدەگەیێنێت، بڕیارە لە چەند رۆژی دابێ بگەڕێنەوە بۆ شنگال و دەست بە دەوامی فەرمیی خۆیان بكەنەوە. دەشڵێت، باس لەوە دەكرێت كە ئەمەریكا بنكە سەربازییە كۆنەكەی لەسەر چیای شنگال نۆژەن دەكاتەوە، بەمەیش ئەمنییەت بۆ تەواوی ناوچەكە دەگەڕێتەوە.
 


 
© 2018 Kurdistan Democratic Party, KDP