Kurdî  ■  كوردی  ■  عربي
THU, 21 JUN 2018 07:59 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وا له‌ باوه‌ڕی سه‌رۆك تێگه‌یشتووم
| KDP.info


به‌كر ئه‌حمه‌د ئاكۆ
ده‌وڵه‌تی كوردستان، ده‌وڵه‌تی هاووڵاتی ده‌بێ كه‌ تێیدا هه‌مووان له‌ ئه‌رك و مافدا یه‌كسان ده‌بن، ده‌وڵه‌تی دامه‌زراوه‌ ده‌بێ و ده‌سته‌ڵاته‌كان تێیدا دابه‌ش ده‌كرێن. به‌و واتایه‌ی ده‌وڵه‌تێكی دیموكراتی فیدراڵی كۆماری ده‌بێ و ده‌ستاوده‌ستكردنی ده‌سته‌ڵات تێیدا به‌ شێوه‌ی ئاشتیانه‌ و به‌ ده‌نگی جه‌ماوه‌ر ده‌بێ له‌ ڕێگه‌ی سندووقه‌كانی ده‌نگدانه‌وه‌.
ده‌وڵه‌تی هاووڵاتی ده‌بێ، به‌ ناسنامه‌ی نیشتیمانیی كوردستانییه‌وه‌، به‌ڵام كۆی پێكهاته‌كانی ئه‌م نیشتیمانه‌ به‌ جیاوزیی ئایین و مه‌زهه‌ب و نه‌ته‌وه‌وه‌، وه‌كچۆن له‌ رابردوو و تا ئێستا پێڕۆیان له‌ ماف و ئازادییه‌كانی خۆیان كردووه‌ و، به‌گوێره‌ی ئه‌و ده‌ستووره‌ نه‌نووسراوه‌یه‌ی كه‌ سه‌رچاوه‌كه‌ی ئه‌خلاق و ویژدان و فه‌رهه‌نگی كورده‌، له‌ كۆماری فیدارڵی كوردستانیشدا به‌گوێره‌ی ده‌ستووره‌كه‌ی له‌ پاشه‌ڕۆژدا، نه‌ك مافه‌كانیان پارێزراو ده‌بن و په‌راوێز ناخرێن، ده‌چه‌سپێندرێن و به‌ كرده‌نییش له‌ به‌ڕێوه‌بردن و ئیداره‌دانی ئه‌و ناوچانه‌ی لێی نیشته‌جێن، ڕۆڵی گرینگ و شایسته‌یان ده‌بێ.
هه‌ربۆیه‌ ده‌توانین بڵێین، به‌م موزایكه‌ بێوێنه‌یه‌وه‌، ده‌وڵه‌تی كۆماری فیدراڵی كوردستان، به‌شداریێكی كارا و كاریگه‌ری ده‌بێ له‌ ناوچه‌كه‌ و له‌ جیهاندا به‌ گشتی و، له‌سه‌ر بنه‌مای به‌رژه‌وه‌ندیی هاوبه‌ش، پێوه‌ندی له‌گه‌ڵ وڵاتانی جیهاندا گرێ ده‌دات و، هاوكار ده‌بێ له‌ پاراستنی ئاسایش و سه‌قامگیریی ناوچه‌كه‌ و جیهاندا.
سه‌رۆك بارزانی چه‌ندان جار جه‌ختی له‌و بنه‌مایانه‌ كردووه‌ته‌وه‌ و گوتووشیه‌تی، له‌وپێناوه‌دا تێده‌كۆشین و، هیچ تێكۆشانێكیش بێ قوربانیدان سه‌رناكه‌وێ. به‌ڵام، بۆ ئه‌وه‌ی خاوه‌نی خۆمان بین، ده‌بێ به‌ئامانج بگه‌ین، ده‌نا ئه‌وه‌ی هه‌یشمانه‌ ده‌كه‌وێته‌ به‌ر نه‌شته‌ری بێبه‌زه‌ییانه‌ی سته‌مكارانی ناوچه‌كه‌ و ڕیسه‌كه‌مان لێ ده‌كه‌نه‌وه‌ به‌ خووری.
هه‌موومان باش ده‌زانین كه‌ به‌ تایبه‌ت وڵاتانی كوردستانیان به‌زۆر پێوه‌ لكێندراوه‌، له‌مپه‌ر له‌ به‌رده‌م ئامانجی له‌مێژینه‌مان كه‌ وا خه‌ریكه‌ ده‌بێ به‌ ئه‌مری واقیع كه‌ ده‌وڵه‌تی هاووڵاتییه‌، دروست ده‌كه‌ن. چونكه‌ چاك ده‌زانن گرینگترین و سه‌ختترین ئه‌و قۆناغانه‌ی گه‌لی كوردستان پێیدا ڕه‌ت ده‌بێ كه‌ راگه‌یاندنی ده‌وڵه‌ته‌، وه‌رچه‌رخانه‌ له‌ سیستێمكی نادیموكراتیی ناوچه‌ییه‌وه‌ بۆ سیستمی دیموكراتیكی نوێ، سیتمێك كه‌ تێیدا پاراستنی ماف و ئازادیی دانیشتوانی و فره‌یی و دادی كۆمه‌ڵایه‌تی به‌ بنه‌ما ده‌گیرێ.
سته‌مكاران باش ده‌زانن 25 ساڵه‌ كورد له‌ باشووری كوردستاندا و به‌ كه‌موكوڕییه‌كانییه‌وه‌ ئیداره‌ی خۆی ده‌كات، ده‌زانن به‌ كرده‌نی ده‌وڵه‌ت بووه‌. ده‌وڵه‌ت بووه‌ له‌ نێو ده‌وڵه‌تێكی دیكه‌دا كه‌ سه‌روه‌رییه‌كه‌ی لێ زه‌وت كراوه‌. باشیش ده‌زانن بۆ سه‌ندنه‌وه‌ی ئه‌و سه‌ره‌وه‌رییه‌، هه‌وڵدان و هه‌نگاونانی جیددى له‌ بڕیاره‌كه‌ی سه‌ركردایه‌تیی سیاسیی كوردستاندا به‌رجه‌سته‌ بووه‌ كه‌ ده‌ڵێ، گه‌لی كوردستان نایه‌وێ چی دی له‌ په‌راوێزدا بمێنێته‌وه‌. نایه‌وێ چی دی له‌ سایه‌ى خۆسه‌پاندنی داگیركه‌رانی كوردستاندا خاوه‌نی شوناسی خۆی نه‌بێ و تا هه‌تایه‌ له‌گه‌ڵ مه‌ترسییه‌كانی ئه‌نفال، كیمیاباران و فه‌رمانی قڕكردندا به‌ره‌وڕوو بێ، نایه‌وێ چی دی كۆیله‌ و ژێرده‌سته‌ى داگیركاران بێ.
به‌له‌به‌رچاوگرتنی ئه‌م راستیانه‌ی سه‌ره‌وه‌، ده‌نگدان بۆ سه‌ربه‌خۆییی یه‌كجاره‌كی كه‌ له‌ 25ی ئه‌م مانگه‌دا به‌ڕێوه‌ ده‌چێ، سه‌رخستنی ئیراده‌ی گه‌لی كوردستانه‌، بڕیاردانه‌ له‌ مافی چاره‌نووس و، گوزارشته‌ له‌وه‌ی كه‌ تاكه‌كانی ئه‌م كوردستانه‌ خۆیان به‌كه‌متر له‌ گه‌لانی دیكه‌ نازانن و ده‌ڵێن هه‌ین. سه‌ركه‌وتنی ئیراده‌ی كوردستانیانه‌ به‌سه‌ر بژارده‌ی خۆبه‌كه‌مزان و كرێگرته‌كاندا كه‌ قه‌ت به‌راورد ناكرێ، قوربانیدان و تێكۆشانی ده‌یانساڵه‌شیان، پاش هه‌ژده‌ ڕۆژی دیكه‌، به‌رهه‌می ده‌بێ كه‌ ڕاگه‌یاندنی ده‌وڵه‌تێكی خاوه‌نی شوناس و سه‌روه‌رییه‌.




دوایین هەواڵەکان

وەزارەتى خوێندنى باڵا، لیستى زانکۆ باوەڕپێکراوەکانى تورکیا و ئێرانی بڵاو كرده‌وه‌

THURSDAY, 21 JUNE 2018 00:06:18

هه‌ولێر-KDP.info-  وەزارەتى خوێندنى باڵا و توێژینەوەى زانستیى حکوومەتى هەرێمى کوردستان پێداچوونەوەى بە لیستى زانکۆ باوەڕپێکراوەکانى وڵاتانى (تورکیا – ئێران) کرد و لیستێکى نوێی بڵاو كرده‌وه‌.

 
مه‌كته‌بی سه‌رۆك سه‌رخۆشی له‌ شاخەوان غەریب ده‌كات

THURSDAY, 21 JUNE 2018 00:06:05

بەناوی خودای گەورە و میهرەبان

به‌ڕێز شاخەوان غەریب

بەبیستنی هه‌واڵی كۆچی دوایی كاكە(شڤان)ـی كوڕت خەمبار بووین.

پارتی سه‌رخۆشی له‌ خانەوادەی مەلا حاجی دێلۆیی ده‌كات

THURSDAY, 21 JUNE 2018 00:06:33

بەڕێزان خانەوادەی مەلا حاجی دێلۆیی

خەمبار بووین بە بیستنی هەواڵی کۆچی دوایی پێشمەرگەی هەدوو شۆڕشی مەزنی ئەیلوول و گوڵان، کادیری تێکۆشەر و دڵسۆزی پارتی و رێبازی بارزانی، ئەندامی مەکتەبی رێکخستن و کەسایەتیی دیاری دەڤەری پشدەر (مەلا حاجی دێلۆیی).

"بۆ گەڕانه‌وه‌ی پێشمه‌رگه‌ بۆ سنووری خانه‌قین سبه‌ی خۆپێشاندان دەکرێ"

WEDNESDAY, 20 JUNE 2018 16:06:14

خانه‌قین-KDP.info-  به ‌هۆی ئه‌وه‌ی مه‌ترسییه‌كی گه‌وره‌ له‌سه‌ر خانه‌قین هه‌یه‌ و به‌رده‌وام كرده‌وه‌ی تیرۆریستی لێ ئه‌نجام ده‌درێت و چه‌ندین گوند به‌و هۆیه‌وه‌ چۆڵ كراون و خه‌ڵكێكی زۆر بوونەته‌ قوربانی. عامر رەفعەت دەڵێ، ئیدی سبه‌ی له‌ خانه‌قین خۆپێشاندان بۆ گەڕانه‌وه‌ی هێزی پێشمه‌رگه‌ بۆ ئه‌و ناوچانه‌ ده‌ست پێ ده‌كات و خه‌ڵكی خانه‌قین مان ده‌گرن و دووكانه‌كانیان داده‌خه‌ن .

 
"زیاتر له ‌20 هه‌زار په‌نابه‌ر گه‌ڕاونه‌ته‌وه‌ عێراق و هه‌رێم"

WEDNESDAY, 20 JUNE 2018 16:06:22

هه‌ولێر-KDP.info- به‌ڕێوەبه‌ری كۆچ و كۆچبه‌ران گوتی، له‌ شه‌ڕی داعش و قه‌یرانی داراییدا شه‌پۆلێكی كۆچكردن له‌ هه‌رێمی كوردستانەوە بۆ ده‌ره‌وه‌ ده‌ستی پێ كرد، به‌ڵام له‌ دوای كۆتاییهاتنی شەڕی داعش كۆچكردن پێچه‌وانه‌ بووەته‌وه‌، به‌ جۆرێك له‌ دوو ساڵی ڕابردوودا زیاتر له‌20 هه‌زار كه‌س گه‌ڕاونه‌ته‌وه‌ بۆ عێراق، كه‌ 39%یان په‌نابه‌ری هه‌رێمی كوردستانن و گه‌ڕاونه‌ته‌وه‌ هه‌رێم و به‌رنامه‌یه‌كیشیان داناوه‌ هه‌ر ئاواره‌یه‌ك بگه‌ڕێته‌وه‌ هاوكاریی دارایی پێشكه‌ش ده‌كرێت.

 


 
© 2018 Kurdistan Democratic Party, KDP