Kurdî  ■  كوردی  ■  عربي
SUN, 27 MAY 2018 07:55 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کەسوکاری یەکەم شەهیدی پێشمەرگە لە شەڕی داعشدا داوای سەرخستنی ڕیفراندۆم دەکەن
| KDP.info


دهۆک-KDP.info- (جەمیل شلی)، کە یەکەم پێشمەرگەی شەهید بوو لە شەڕی دژی داعشدا، کەسوکارەکانی دەڵێن، پێویستە تەوای گەلی کورد پشتیوانی پرۆسەی ڕیفراندۆم بن، چونکە ئەمە پرسێکی بە گەلەوە بەستراوە و پێویستە خوێنی شەهیدەکانمان بەفیڕۆ نەچێت.

(ئینزار ئیسماعیل مووسا)، خێزانی (جەمیل شلی)یە، کە یەکەم پێشمەرگەی شەهید بوو لە دژی چەکدارانی داعش، بە ماڵپەڕی فەرمیی پارتی دیموکراتی کوردستانی گوت: ''تاکە هێوای من ئەوەیە، کە ئەو کوردستانەی هاوسەرەکەم خوێنی خۆی بۆ ڕشت، سەربەخۆ بیت و منداڵەکانم لەو وڵاتەدا پەروەردە بکەم و داخواز لە هەموو کوردستانیان دەکەم، لە ڕۆژی ٢٥ی ئەیلوولی ئەم ساڵدا بەرەو سندووقەکانی دەنگدان بچن و بە ''بەڵێ'' دەنگ بدەن و خوێنی شەهیدان لەبیر نەکەن، چونکە پیشمەرگە بە ڕەنجی خۆی هەرچوار وەرزی ساڵ بێ گوێدان بە نەخۆشی، پاریزگاری لە ئیمە دەکەن، پێویستە ئێمەش سەربەخۆ بین.''

لە پەرلەمانی ئەوروپاش پەرلەمانتارەکانی ئەو پەرلەمانە ستایشی ڕۆڵی پێشمەرگەیان کرد، کە وەک یەک یەکەم هێز توانی ئوستوورەی داعش تێک بشکێنیت.

(خالد شلی)، براگەورەی (جەمیل شلی)یە، بە ماڵپەڕی فەرمیی پارتی دیموکراتی کوردستانی گوت: ''گەلانی دنیا هەموویان سەربەخۆن، پێویستە ئێمەش سەربەخۆ بین، ئێمە دەریایەک خوێنمان ڕشتووە بۆ ئەم وڵاتە، بۆ ئەوەی بەتەنیا سەربەخۆ بین، کەچی هەندێک دژایەتی دەکەن، هەر کەسێ دژی سەربەخۆبوون بێت، خیانەت لە خوێنی شەهیدان دەکات.''

هەر لەو بارەیەوە، (سەفین جەمیل)، کوڕی (جەمیل شلی)، کە خۆی پێشمەرگەیە و لە سەنگەردایە، بە ماڵپەڕی فەرمیی پارتی دیموکراتی کوردستانی گوت: ''منیش ئامادەم لە سەر ڕێبازی باوکم، خۆم بکەم بە قوربانی بۆ خاکەکەم و بەردەوام دەبم بۆ ئەوەی گەلەکەم سەربەخۆ بێت، بۆ ئەوەی ئەم خەباتە بەفیڕۆ نەچێت، پێویستە هەموومان بە یەکەوە بە هەموو لایەنە سیاسییەکانیشەوە لە ٢٥ی ئەیلوولدا بە (بەڵێ) دەنگ بدەین.''

شیاوی باسە، برایەکی دیکەی (جەمیل شلی)، بە ناوی (حازم شلی)، ساڵی ١٩٨٨ پێشمەرگە بوو، خۆینی خۆی ڕشت بۆ کوردستان و لە پێناو سەربەخۆییی کوردستاندا  شەهید بوو.

لە جەنگی دژی داعشدا زیاتر لە ١٥٠٠ پێشمەرگە شەهید بووە، کە ڕێکەوتی١١/٦/٢٠١٤، (جەمیل شلی)، وەک یەکەم پێشمەرگە لە ناوچەی (عوێنات)، خۆینی خۆی کردە قوربانی لە پێناو سەربەخۆییی کوردستان.''

کاروان باعەدری

 




دوایین هەواڵەکان

پارێزگاری دھۆک هۆکاری گیان‌لەدەستدانی حەوت کەسەکەی زیندانێکی دهۆک دەخاتە ڕوو

SATURDAY, 26 MAY 2018 20:05:33

دهۆک-KDP.info- ئەمڕۆ ئێوارە بە ھۆی نانەوەی پشێوی و شەڕ و ئاڵۆزی لە نێو زیندانی چاکسازیی زڕکا لە شاری دھۆک، حەوت زیندانی گیانیان لەدەست دا و ژمارەیەکی زیاتریش بریندار بوون، پارێزگاری دھۆکیش دەڵێ، ئەوانەی پشێوییان دروست کردووە ھەوڵی ئەوەیان داوە لە زیندان ڕا بکەن و بە ماددەی تیرۆر حوکم دراون.

مەکتەبی سەرۆک سەرەخۆشیی لە خانه‌واده‌ی شێخ جه‌مال شێخ خالید دەکات

SATURDAY, 26 MAY 2018 16:05:07

به‌ناوی خودای گه‌وره‌ و میهره‌بان

 
کورد دەیەوێ عێراق بخاتە ژێر چەتری دەستوورەوە

SATURDAY, 26 MAY 2018 16:05:58

سلێمانی-KDP.info-  پارتی دیموكراتی كوردستان دوای ئه‌وه‌ی له‌ هه‌ڵبژاردنه‌كانی 12/5ی ئه‌نجومه‌نی نوێنه‌رانی عێراق جارێکی دیکە وەک براوەی یەکەمی کوردستان مایەوە‌، ئێساش کە کاتی گفتوگۆی نێوان هەولێر و بەغدایە، کورد دەیەوێ کابینەی نوێی عێراق بخاتە ژێر چەتری دەستوورەوە.

 
لە کۆڕبەندی ئابووریی سانپیتەرسبورگ لاوێکی کورد سەرۆکایەتیی شاندی لاوانی سیاسیی جیھان دەکات

SATURDAY, 26 MAY 2018 15:05:58

رووسیا-KDP.info- لە کۆڕبەندی ئابووریی جیھانی ئەم جارەی سانپیتەرسبورگ، فەلاح حەسەن، جێگری سەرۆکی لاوانی سیاسیی جیھان، کە گەنجێکی باشووری کوردستانە، سەرۆکایەتیی شاندی لاوانی جیھان دەکات .

 
پەیامی سەرۆك بارزانی بە بۆنەی ساڵیادی هەڵگیرساندنی شۆڕشی گوڵان

SATURDAY, 26 MAY 2018 15:05:11

هەولێر-KDP.info-  سەرۆک بارزانی لە پەیامیدا بە بۆنەی چل و دووهەمین ساڵیادی هەڵگیرساندنی شۆڕشی گوڵان رایگەیاند كە ئیرادەی گەلی كوردستان بەهێزە و سەرباری بوونی پیلانگێڕی، بەڵام بە ئیرادەیەكی بەرزتر لە جاران تێدەكۆشی بۆ بەدیهێنانی مافە ڕەواكانی و بەردەوامی لە پەیامی ئاشتی و پێكەوەژیان و پێشكەوتنخوازی.



 
© 2018 Kurdistan Democratic Party, KDP