Kurdî  ■  كوردی  ■  عربي
THU, 21 JUN 2018 09:24 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

١٤٠ دۆلار درا بە 984 منداڵی بێباوك له سلێمانی
| KDP.info


 

سلێمانی-KDP.info-  دەزگای خێرخوازیی بارزانی، لە رێگەی پڕۆژەی چاودێریی ئازیزانەوە و بە هاوبەشی لەگەڵ مانگی سووری ئیماراتی و (فەرمانگەی كاروباری ئیسلامی و خێرخوازی لە دوبەی)، بڕی ١٤٠دۆلاری بەسەر 6 هەزار منداڵی بێباوك (ئازیز)ـدا دابەش دەکات.

بۆ زیاتر دڵخۆشكردنی منداڵانی بێباوك و پڕكردنەوەی ئەو كەلێنانەی لە ‌ژیانیاندا رووبەڕوویان دەبێتەوە، دەزگای خێرخوازیی بارزانی هەوڵی جیدیی دا لەگەڵ هاوبەشەكەی (مانگی سووری ئیماراتی) ئامادەیی نیشان دا جەژنانە بەسەر 6 هەزار منداڵی بێباوكدا دابەش بكات، كە بڕی (840 هەزار دۆلار)ـە، ئەم هاوكارییەیش خۆی لەوەدا دەبینێتەوە كە هەر منداڵێكی بێباوك (ئازیز) بڕی (140 دۆلار)ـی پێ دەدرێت بە مەبەستی كڕینی جلوبەرگ و پێداویستییەكانی دیكە، كە ئەمەیش بێگومان كاریگەریی ئەرێنیی بەسەر ئەو خێزانانەوە دەبێت و دڵخۆشییەك بەو منداڵانە دەبەخشێت كە لەم ئان و ساتەدا كوردستان بە قەیرانێكی قورسی داراییدا تێپەڕ دەبێت.

لە درێژەی دابەشكردنی هاوكارییەكان بۆ منداڵانی بێباوكی كوردستان، لە شاری سلێمانی پرۆسەی دابەشكردنی دیارییەكان بەردەوامە و تێیدا لە ماوەی سێ رۆژی رابردوودا هاوكاری بەسەر 984 منداڵدا دابەش كراوە، گرینگیی ئەم هاوكارییەیش لەوەدایە كە ماوەی چەندین ساڵە كوردستان بە قەیرانێكی سەختی داراییدا تێپەڕ دەبێت و دەزگای خێرخوازیی بارزانی بەردەوامە لە هاوكاریكردنی منداڵانی بێباوك و سوككردنی باری گرانی ژیانی رۆژانەیان‌.
 




دوایین هەواڵەکان

وەزارەتى خوێندنى باڵا، لیستى زانکۆ باوەڕپێکراوەکانى تورکیا و ئێرانی بڵاو كرده‌وه‌

THURSDAY, 21 JUNE 2018 00:06:18

هه‌ولێر-KDP.info-  وەزارەتى خوێندنى باڵا و توێژینەوەى زانستیى حکوومەتى هەرێمى کوردستان پێداچوونەوەى بە لیستى زانکۆ باوەڕپێکراوەکانى وڵاتانى (تورکیا – ئێران) کرد و لیستێکى نوێی بڵاو كرده‌وه‌.

 
مه‌كته‌بی سه‌رۆك سه‌رخۆشی له‌ شاخەوان غەریب ده‌كات

THURSDAY, 21 JUNE 2018 00:06:05

بەناوی خودای گەورە و میهرەبان

به‌ڕێز شاخەوان غەریب

بەبیستنی هه‌واڵی كۆچی دوایی كاكە(شڤان)ـی كوڕت خەمبار بووین.

پارتی سه‌رخۆشی له‌ خانەوادەی مەلا حاجی دێلۆیی ده‌كات

THURSDAY, 21 JUNE 2018 00:06:33

بەڕێزان خانەوادەی مەلا حاجی دێلۆیی

خەمبار بووین بە بیستنی هەواڵی کۆچی دوایی پێشمەرگەی هەدوو شۆڕشی مەزنی ئەیلوول و گوڵان، کادیری تێکۆشەر و دڵسۆزی پارتی و رێبازی بارزانی، ئەندامی مەکتەبی رێکخستن و کەسایەتیی دیاری دەڤەری پشدەر (مەلا حاجی دێلۆیی).

"بۆ گەڕانه‌وه‌ی پێشمه‌رگه‌ بۆ سنووری خانه‌قین سبه‌ی خۆپێشاندان دەکرێ"

WEDNESDAY, 20 JUNE 2018 16:06:14

خانه‌قین-KDP.info-  به ‌هۆی ئه‌وه‌ی مه‌ترسییه‌كی گه‌وره‌ له‌سه‌ر خانه‌قین هه‌یه‌ و به‌رده‌وام كرده‌وه‌ی تیرۆریستی لێ ئه‌نجام ده‌درێت و چه‌ندین گوند به‌و هۆیه‌وه‌ چۆڵ كراون و خه‌ڵكێكی زۆر بوونەته‌ قوربانی. عامر رەفعەت دەڵێ، ئیدی سبه‌ی له‌ خانه‌قین خۆپێشاندان بۆ گەڕانه‌وه‌ی هێزی پێشمه‌رگه‌ بۆ ئه‌و ناوچانه‌ ده‌ست پێ ده‌كات و خه‌ڵكی خانه‌قین مان ده‌گرن و دووكانه‌كانیان داده‌خه‌ن .

 
"زیاتر له ‌20 هه‌زار په‌نابه‌ر گه‌ڕاونه‌ته‌وه‌ عێراق و هه‌رێم"

WEDNESDAY, 20 JUNE 2018 16:06:22

هه‌ولێر-KDP.info- به‌ڕێوەبه‌ری كۆچ و كۆچبه‌ران گوتی، له‌ شه‌ڕی داعش و قه‌یرانی داراییدا شه‌پۆلێكی كۆچكردن له‌ هه‌رێمی كوردستانەوە بۆ ده‌ره‌وه‌ ده‌ستی پێ كرد، به‌ڵام له‌ دوای كۆتاییهاتنی شەڕی داعش كۆچكردن پێچه‌وانه‌ بووەته‌وه‌، به‌ جۆرێك له‌ دوو ساڵی ڕابردوودا زیاتر له‌20 هه‌زار كه‌س گه‌ڕاونه‌ته‌وه‌ بۆ عێراق، كه‌ 39%یان په‌نابه‌ری هه‌رێمی كوردستانن و گه‌ڕاونه‌ته‌وه‌ هه‌رێم و به‌رنامه‌یه‌كیشیان داناوه‌ هه‌ر ئاواره‌یه‌ك بگه‌ڕێته‌وه‌ هاوكاریی دارایی پێشكه‌ش ده‌كرێت.

 


 
© 2018 Kurdistan Democratic Party, KDP