Kurdî  ■  كوردی  ■  عربي
MON, 23 APR 2018 12:43 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لە دەشتی نەینەوا حەشدی شەعبی تێکبەربوون
| KDP.info


دەشتی نەینەوا-KDP.info-  شەڕ و ئالۆزی کەوتە نێوان دوو گرووپی کریستیانی نێو حەشدی شەعبی لە دەشتی نەینەوادا.

(وەحیدە یاقوو)، نوێنەری کریستیانەکان لە پەرلەمانی کوردستان بە ماڵپەڕی فەرمیی پارتی دیموکراتی کوردستانی ڕاگەیاند: ''دوو گرووپی کریستیان لە نێو ڕیزەکانی حەشدی شەعبیدا ھەن و ئەمڕۆ لە ناوچەی دەشتی نەینەوا شەڕ و پێکدادان کەوتووەتە نێوان گرووپی کەتائیب بابیلۆن و بزووتنەوەی ئاشووری و لە ئەنجامدا چەکدارەکانی سەر بە بزووتنەوەی ئاشووری چەکەکانیان فڕێ داوە و ڕایان کردووە، ئەوەش بووەتە ھۆی دڵگرانیی خەڵکی دەشتی نەینەوا، چونکە ئەگەر بە شەڕێکی نێوخۆییی ئەو گرووپە ھەڵبێن، ئەی ئەگەر گرووپێکی مەترسیداری وەک داعش ھێرشیان بۆ بێنێت، چی دەکەن، تا ئێستا زانیاریمان بۆ نەھاتووە شەڕەکە بە ھۆی چییەوە ڕووی داوە، بەڵام ناکۆکیی زۆر لە نێوان گرووپەکانی نێو حەشدی شەعبیدا پەیدا بووە.''

حەشدی شەعبی لە ژمارەیەک گرووپی جیاواز و توندڕەو پێک ھاتوون و لەگەڵ ھێرشی سەر مووسڵ بەشێک لەو گرووپانەی حەشدی شەعبی دەستیان بە سەر ناوچەکانی دەشتی نەینەوا لە بەرەی ڕۆژھەڵاتی مووسڵدا گرتووە و ئاوارە کریستیانەکان لە ترسی تاوانەکانی ئەو هێزانە ناوێرن بگەڕێنەوە سەر ماڵوحاڵی خۆیان، پێشتریش (لارا زارا)، چالاکوانی کریستیان  بۆ ماڵپەڕی فەرمیی پارتی دیموکراتی کوردستان ئەوەی ئاشکرا کردبوو، حەشدی شەعبی چەندین تاوانی دژی مرۆڤایەتیی لە بەرامبەر ھاووڵاتییە کریستیانەکاندا ئەنجام داوە و بە دەیان خانوویان سوتاندووە.

(وەحیدە یاقوو) گوتیشی: ''خەڵکی دەشتی نەینەوا داوا دەکەن ناوچەکانیان لە لایەن ھێزی پێشمەرگەی کوردستانەوە پارێزگاریی لێ بکرێت و ئەو ناوچانەی حەشدی شەعبی داگیری کردوون خەڵکی زۆر کەم گەڕاونەتەوە، ھەروەھا خەڵکی دەشتی نەینەوا داوایان لە (حەیدەر عەبادی)، سەرۆکوەزیرانی عێراق کردووە، ھەرچی زووە حەشدی شەعبی لە ناوچەکانیان بکشێتەوە و نایانەوێت لە لایەن ھێزێکەوە پارێزگارییان لێ بکرێت، کە خۆی سەرچاوەی کێشە و ئاشووبە لە مووسڵ.''

لای خۆیشیەوە، (ھۆشیار مالو)، سەرۆکی ڕێکخراوی مافی مرۆڤی کورد بە ماڵپەڕی فەرمیی پارتی دیموکراتی کوردستانی ڕاگەیاند: ''حەشدی شەعبی لە مووسڵ و ناوچەکانی دیکەی عێراق تاوانی جەنگییان ئەنجام داوە و ژمارەیەکی بەرچاوی ھاووڵاتییانی سڤیلیان کۆمەڵکوژ کردووە، ھەرچەندە چەندین جار لە لایەن ڕێکخراوە نێودەوڵەتییەکانەوە ھۆشداری دراوەتە حکوومەتی (عەبادی) دەربارەی ئەو تاوانە، بەڵام حکوومەتی عێراق بێدەنگی ھەڵبژاردووە و ساڵی ڕابردوو لە فەلووجە حەشدی شەعبی تاوانی وەھای ئەنجام داوە، کە خەڵک لە لایەن چەکدارنی حەشدی شەعبیەوە دەکوژرێت، بەداخەوە مووسڵ وەک خاک ڕزگار کراوە، بەڵام وەک خەڵک ڕزگاریان نەبووە.''

قائید میرۆ
 




دوایین هەواڵەکان

كاندیدانی پارتی لە مووسڵ: ده‌نگه‌كانی پارتی له‌ مووسڵ زیاد ده‌كه‌ن.. لەبەر دوو هۆكارە

MONDAY, 23 APRIL 2018 11:04:14

مووسڵ -KDP.info- كاندیدانی پارتی لە سنووری پارێزگای مووسڵ دەڵێن، تاوەكوو ئێستا ناتوانن بە ئازادانە بچنە مووسڵ و بانگەشە بۆ خۆیان بكەن، چونكە مەترسی لەسەر ژیانیان هەیە، به‌ڵام لەبەر دوو هۆكار ده‌نگه‌كانی پارتی زیاد ده‌بن، یەكەم هەرێم دەرگای بۆ ئاوارەكان كردەوە، دووەمیش پاش ئازادكردنی مووسڵ یەكەم لایەن كە هاوكاریی خەڵكی مووسڵی كرد، هەرێمی كوردستان بوون.

 
ریفراندۆمەكەی باشوور، شەرم یان شانازی؟

MONDAY, 23 APRIL 2018 10:04:44

هەرمان بۆکانی

پاش راپەڕینە مەزنەكەی 91ی باشوور، ریفراندۆم تاقە هەنگاوێكی شۆڕشگێڕانە و نیشتمانپەروەرانەیە كە هەموو نیشتمانپەروەرێكی كورد لە هەرچوار پارچەی كوردستان شانازیی پێوە دەكات. ئەو ریفراندۆمەی كە نیشتمانپەروەران شانازیی پێوە دەكەن و نیشتمانفرۆشانیش لەبەردەم ئاغا داگیركەرەكانیاندا لە سۆنگەیەوە ئارەقەی شەرمیان لێ دەتكێ.

فازڵ بەشارەتی: ئه‌مجاره‌ دەنگی رۆشنبیر و نیشتیمانپەروەرەكان و لایەنی دیكەمان له‌گه‌ڵه‌

MONDAY, 23 APRIL 2018 10:04:52

هەڵەبجە-KDP.info-  بەرپرسی لقی 12ی پارتی دەڵێ: "ئێمە لە بانگەشەكردن لە سنووری خۆمان بەردەوامین بۆ لیستی 184ی پارتی دیموكراتی كوردستان و، ئەم جارەیش بە هۆی هەڵوێستە نەتەوەییەكانی پارتییەوە لە ماوەی رابردوودا، دەنگەكانی زیاد دەكەن.

 
عومەر ئۆرەیی: به‌رنامه‌ی پارتی مافەكانی گەلی كوردستانه‌ و روون و ئاشكرایە

MONDAY, 23 APRIL 2018 10:04:40

ئامێدی-KDP.info- بەرپرسی لقی 18ی پارتی لە ئامێدی ڕایگەیاند، پارتی بۆ ئەوە دەچێتەوە بەغدا، تا ئەو بەرنامەیەی دایناوە، جێبەجێی بكات، خەڵكی ئامێدییش بە گوڕوتینەوە چاوەڕوانی رۆژی هەڵبژاردن دەكەن، بۆ ئەوەی دەنگ بە پارتی و كاندیدەكانی بدەن، هەر بۆیە رێژەی دەنگەكانی پارتی زیاد دەبن.

 
رێكخەری راسپاردە نێودەوڵەتییەكان: وەزارەتی دەرەوەی ئەمەریكا، ستاییشی حكوومەتی هەرێمی كردووە

MONDAY, 23 APRIL 2018 09:04:46

هەولێر-KDP.info- ئۆفیسی رێكخەری راسپاردە نێودەوڵەتییەكان لە حكوومەتی هەرێمی كوردستان ڕایدەگەیێنێت، راپۆرتی وەزارەتی دەرەوەی ئەمەریكا، ستاییشی حكوومەتی هەرێمی لە چەند بابەتێكی گرینگدا كردووە، وەك پێشوازیكردن لە ئاوارە و پەنابەران.

 


 
© 2018 Kurdistan Democratic Party, KDP