Kurdî  ■  كوردی  ■  عربي
THU, 22 FEB 2018 13:47 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

چاودێرێکی سیاسی: ئەمەریکا ئامادەکاری بۆ شەڕێکی دیکە دەکات؛ دەوڵەتی کوردستان دروست دەبێت
| KDP.info


باکووری کوردستان-KDP.info-  چاودێرێکی سیاسی لە باکووری کوردستان پێی وایە، ئەمەریکا ئامادەکاری بۆ شەڕێکی دیکە لە ناوچەی ڕۆژھەڵاتی ناوەڕاستدا دەکات و دیاریش نییە عێراق دەچێتە کام بەرە لەو بەرانەی لە داھاتوودا پێکدێن، دەربارەی کوردستانیش دەڵێت، دەوڵەتی سەربەخۆی کوردستان لە جەرگەی ئەو ڕووداوانەی ناوچەکەدا دروست دەبێت.

(محەمەد سانری)، ڕۆژنامەنووس و چاودێری سیاسی لە باکووری کوردستان، بە ماڵپەڕی فەرمیی پارتی دیموکراتی کوردستانی ڕاگەیاند: ''گەلێک گۆڕانکاری لە ناوچەکەدا بەڕێوەن، سیناتۆرێکی ئەمەریکا لە کۆمیتەی پەیوەندییەکانی دەرەوە ئاماژەی بۆ ئەوە کردووە، کە ئامادەکاری بۆ شەڕێکی درێژخایەن دەکرێت، دیارە ئەم شەڕە گەرمە لە کەنداو بەڕێوە دەچێت و دەست پێ دەکات، ئینجا لە عێراق یا سووریا دەبێت، ھەندێک چاودێریش پێیان وایە لەسەر ئاوی کەنداو دەبێت، ئیدی ئەمەریکا نەچار دەبێت بەرەنگاری شەڕێکی دیکە ببێت، ئەویش لەگەل ئێران، ئەڵبەت لە پەیدابوونی شەڕێکی وەھا گەرمدا بەرەی جیاوازیش پێکدێن.''

ئەو چاودێرە ئاماژەی بۆ ئەوەش کرد: ''ھێشتا دیار نییە (حەیدەر عەبادی)، سەرۆکوەزیرانی عێراق، لە کام بەرەدا جێی عێراق دەکاتەوە، چونکە (عەبادی) لەوەتەی بووەتە سەرۆکوەزیری عێراق نەچووەتە وڵاتی ئێران، کەچی دوو ڕۆژ پێشتر، دوای کۆتاییھێنانی سەردانێکی بۆ وڵاتی سعودییە، بەپەلە گەیشتە تارانی پایتەختی ئێران.''

(سانری) گوتیشی: ''ڕووداوە گەرمەکان، ھەموویان لە دەوروبەری کوردستان و ناوچەکە بەڕێوە دەچن، تەنیا کوردستان دەتوانێت لەنێو جەرگەی ئەو ڕووداو و گۆڕانکارییانەدا وەک دەوڵەتێک لەنێو جیۆپۆلیتیکی ڕووداوەکاندا دەرکەوێت، کوردستانێک گرێدراوی بەغدا بێت، ھەروەک سەد ساڵی ڕابردوو تەنیا شوێنەکەی جەھەنەم دەبێت، لەبەر ئەوەی ئەو عەقڵ و ئیرادەیەی کە دەیەوێت کوردستان لەو جەھەنەمەی سەد ساڵی ڕابردوو تێدابووە ڕزگاری بکات، ئەوەیە کە سەربەخۆ بێت و ھیچ چارەی دیکەی نییە، ٢٥ی ئەیلوولی داھاتووش چیرۆکێکی نوێ دەست پێ دەکات.''

قائید میرۆ




دوایین هەواڵەکان

وەزارەتی گواستنەوە و گەیاندن: نازانین کێ نووسراوی کردنەوەی فڕگەکانی ساختە کردووە

THURSDAY, 22 FEBRUARY 2018 13:02:53

هەولێر-KDP.info-  گوتەبێژی وەزارەتی گواستنەوە و گەیاندنی هەرێمی كوردستان دەڵێ، ئه‌وكاته‌ی نووسراوەکەی به‌غدایان بە دەست گەیشتووه‌، زانیویانه‌ ساختەیە و ده‌ستبه‌جێ بەغدایان لێ ئاگادار کردوه‌تەوە.

 
سیوەیلی: گۆڕانكارییه‌ دیپلۆماسییه‌كانی هه‌رێم زۆر پۆزەتیڤن.. بەغدا لە ژێر گوشاردایه‌

THURSDAY, 22 FEBRUARY 2018 12:02:52

ھەولێر-KDP.info- بەرپرسی مەكتەبی پەیوەندییەكانی دەرەوەی پارتی ڕایگەیاند، حكوومەتی عێراق زۆر ھەوڵی دا ئابڵووقەی دیپلۆماسی بخاتە سەر ھەرێمی كوردستان، بەڵام سەركەوتوو نەبوو، چونكە وڵاتان زۆر بەپەرۆشن پەیوەندییەكانیان لەگەڵ ھەرێمی كوردستاندا پەرە پێ بدەن، ھەر بۆیەیش بەردەوام گوشار لە حكوومەتی عێراق دەكەن كێشەكانیان لەگەڵ ھەرێم چارە بكەن.

 
عەلی ھالۆ: پەیامی عەفرین ده‌گه‌یه‌نینه‌ نوێنەری وڵاتان لە ھەرێم

THURSDAY, 22 FEBRUARY 2018 10:02:22

ھەولێر-KDP.info- نوێنەری فڕاكسیۆنی زەرد لە شاندی پەرلەمانی كوردستان بۆ عەفرین ڕایدەگەیێنێت، دەستیان بە سەردانیكردنی نوێنەری وڵاتان لە ھەرێم كردووە و، پەیامی عەفرینیان پێ گەیاندوون. دەشڵێ، "داوامان كردووە ھاوكاریی ئەو شارە بكەن و، وەڵامی ئەوانیش ئەرێنی بووە".

 
پەرلەمان گفتوگۆکان چڕ دەکاتەوە.. پڕۆژەیاسای چاكسازی پەسند دەکرێ

THURSDAY, 22 FEBRUARY 2018 10:02:34

ھەولێر-KDP.info-  جێگری سەرۆكی لیژنەی ئاساییش و ناوخۆ لە پەرلەمانی كوردستان دەڵێ، كۆبوونەوەی پەرلەمانی كوردستان لەبارەی پڕۆژەیاسای چاكسازییەوە بەردەوام دەبێت و، بڕیارە ئەمڕۆیش پڕۆژەیاساكە پەسەند بكرێت.

 
هاوكاریی دارایی ئەمەریكا بۆ پێشمەرگە گەییشتووە و دەست بە خەرجكردنی دەكرێت

THURSDAY, 22 FEBRUARY 2018 10:02:27

ھەولێر-KDP.info- بەڕێوەبەری گشتیی راگەیاندنی وەزارەتی پێشمەرگە ڕایگەیاند، ھاوكاریی دارایی ئەمەریكا بۆ وەزارەتی پێشمەرگە گەییشتووە و، بڕیارە دەست بە خەرجكردنی بكرێت بۆ خزمەتكردنی ھێزی پێشمەرگە.

 


 
© 2017 Kurdistan Democratic Party, KDP